"Bweset! Nasaan kayo?" galit na galit na tanong ni Gabriel sa babaeng kausap nya ngayon sa kanyang cellphone.
Kadadating lang nya mula sa lihim na pagsunod- sunod nya kay Shannon. Akala nya kanina makukuha na nya ito pero bigla na naman dumating yong lalaki na laging nakasunod kay Shannon.
Ewan nya kung sino ang nag- utos sa lalaking yon para bantayan si Shannon, dahil sigurado naman sya na hindi si Nicollo. May amnesia si Nicollo, at sigurado sya sa bagay na ito. Paano sya nakasiguro? Dalawang beses syang nagpakita kay Nicollo nang harap- harapan pero wala man lamang itong ginawa. Mukha pa ngang hindi sya kilala nito.
Napaisip din naman sya na baka yong Alfred Harisson ang nagbayad ng tao para bantayan si Shannon. Hindi nya alam kung ano ang kaugnayan ng Alfred na yon kay Nicollo at
