HANGGANG ngayon ay hindi pa rin makapaniwala si Markus sa kanyang nalaman mula kay Mark. Saksi siya kung paano nito minahal ang kanilang pamilya. Siya ang panganay pero mas naging panganay pa ito sa kanya. Sinalo nito ang obligasyon na dapat siya ang gumagawa. Hindi naman kaso sa kanya kung sino pa ito. Kahit hindi ito tunay na Herrera ay walang nagbago. Ito pa rin ang kanyang kapatid. Kailanman ay hindi siya nito binigo kahit pa madalas siyang mag-away. Mahal na mahal niya si Mark. Alam niya ang naging pagtitiis nito pero hindi niya alam ay pilit nitong kinukuhan ang pagmamahal ng Lola niya na hindi naman maibigay-bigay. Ganoon yata talaga ang mga Herrera. Selfish ang pagmamahal. Naisip niya tuloy na kaya siguro nagloko ang kanyang Mama Stella ay dahil na rin sa kanyang ama at sa kanyang
