ILANG BUNTONG-hininga ang pinakawalan ni Stella. Hindi niya alam ang gagawin pero handa siyang mag-umpisa. Kahit pa magsimula siya sa umpisa hanggang sa mapatawad siya ng kanyang mga anak. Naalala niya nang ipakilala siya ni Calvin sa ina nito.
"At sino na namang babae yan?" tanong sa kanya ng ina ni Calvin.
"Buntis siya Ma, dinadala niya ang magiging apo ninyo," sagot ni Calvin sa ina.
"Binuntis mo ang babaeng ito?" duro sa kanya ng ina ni Calvin na akala mo ay isa siyang puta na pinulot lamang ng anak nito sa kanto. "My God, Calvin. Wala na bang ibang babae?"
"What do you want me to do Ma? Ipalaglag ang apo ninyo? Hindi ba matagal na ninyong gusto magkaapo? Ito na."
Hindi nakakibo ang ina ni Calvin sa isinagot nito.
"Kahit pa tanggapin ko ang anak mo ay hindi ko pa rin matatanggap
