HINDI MAPIGILANG hindi magtaka ni Patricia kung saan siya dadalhin ni Markus. Kanina pa sila nasa biyahe at palabas na sila ng bayan na labis niyang ipinagtataka. Kinakabahan tuloy siya na baka mamaya ay nakausap nito si Oliver at kung ano na naman ang naisip na ipagawa kay Markus.
"Hindi mo naman siguro ako ibabalik kay Samuel ano?" tanong niyang hindi na makatiis.
"What?" bulalas ni Markus na napatingin sa kanya. "What are you talking about?"
"Kasi ang lalim ng iniisip mo. Isa pa hindi mo sinasabi sa akin kung saan tayo pupunta. Kung ano-ano tuloy ang naiisip ko."
"At naisip mong ibalik kita kay Samuel?" nakaarko ang kilay nitong sagot. "Bakit ganyan ka mag-isip sa akin? Sa tingin mo ba ay gagawin ko yun? Hindi kita ibabalik dahil ipaglalaban kita. Naiintindihan mo ba?" seryoso ang b
