مجانين في مطاردة

البارت التاسع

صافي : انت اتاخرت ليه يا سليم

سليم : سولي حبيب صافي جعان ...بصي ندخل المطبخ و احكي ليكي ...

صافي : قبل ما ندخل ...انت تعرف حاجه عن البنت اللي جوا معاه دي

سليم : بنت ....بنت مين دي ؟....انا معرفش حاجه عن الموضوع ده

عمر من جوا : بتبيعني.....يا نهار عليا اللي هيحصل فيا منها

صافي بغضب : يعني كداب ...قالي اسالي سليم ...و أنها مراته ...

سليم : هو انا كنت معاهم

صافي : لا

سليم : يبقى هاعرف ازاي ايه البنت دي

صافي : صح .....راحت تخبط ...على باب ....عمر ...افتح يا عمر ...افتح ...مين دي بتضحك عليا

عمر : انت يا ابني قول الحقيقة ...هت**ر الباب علينا

سليم ماسكها : ياقلبي اهدي ماليكش غيري تعالي بس ...اقعدي عايزك في موضوع مهم ...سيبك منه

صافي : مش قبل ما اعرف ...كل حاجه عن البنت اللي جوا

سليم : طيب تعالي يا قلبي ...اكل علشان حبيب قلبك جعان و عايزك في موضوع....انتي كان نفسك فيه من زمان

صافي بتدمع : اوعي تقولي ...هتتجوز.

سليم : ايوه يا قلبي . هتيجي معايا و تسيبك من عمر و لا ادخل انام و محكيش ليكي حاجه

صافي: بص ...هو عمر كده كده جوا ...فخليك هنا ...بره و انا هاروح اجيب الاكل و اعرف منك ...وبعدين ابقى اشوف البيه

عمر : ضحكت عليها في ثانيه ......اااااه منك

سليم بضحك : اخرس ....بتجيب بنات البيت ....ده اخر تربيتها فيك

صافي : اه و الله ....مفيش في تربيتك

عمر : تربية ...ايه يا صافي ....هو ده اتربى .. اساسا ...تلاقيه متجوز ٢٠ واحده عرفي

صافي بصدمة : بجد يا سليم

سليم بهدوء : بيضحك عليكي علشان ميقولش مين اللي معاه جوا ....انتي اصلك شوفتي معايا واحده او باكلم واحده

صافي :..........

سليم : يبقى ازاي

صافي: مين دي اللي عايز تتجوزها ؟

سليم : فاكره عروستي و انا صغير

صافي : عروسة ايه يا سليم

سليم : اللي من يوم ما فتحت الدنيا قولت دي عروستي

صافي: قصدك .....

سليم : ايوه مليكة

صافي : انت شوفتها

سليم : اه شوفتها ....و اتكلمت معاها

صافي : زمانها زي القمر ....كانت جميلة و هي صغيره ..

سليم : اوي ....بس في مشكلة؟

صافي : ايه متجبش خبر عدل

سليم : مالك قلبتي فجاه ليه ....كنت كويسه

صافي :...أنجز

سليم : اتخانقنا

صافي : انت لحقت ....عملت فيها ايه

سليم : .............و ده كل اللي حصل

صافي : ما البنت معاها حق ...مش انت بتقول انها مش فاكراك و ده طبيعي احنا مشينا من هناك و انت عندك ١٠ سنين ...اكيد هي...مش هتفتكرك ...و طبيعي ...انها تعمل كده

سليم : ما أنا عارف بس نسيت خالص انها مش فاكراني ....و اتعصبت عليها

صافي : تقصد ....نفسي أقوم اض*بك ....هتتقدم ليها ازاي بالوضع ده

سليم : ما هو انا اتقدمت ليها ...و اتهزقت

صافي : ده اقل واجب ....يا بني ...المواضيع متمشيش كده ....انت بتحبها ....كلم مامتها ...او اخوها ...

سليم : مش هينفع ....اصل

صافي : اشجيني ....اصل ايه

سليم : اصل اخوها ...مات من كام يوم في حادثة عربية . ..ومن ساعتها مامتها تعبانه

صافي : يعني ده وقت تطلب فيها ايديها

سليم بغيرة : اعمل ايه ....اكتر من اني كنت باطفش العرسان بتوعها ....و كل ما تروح في مكان تلاقي حد جه يطلبها ...استنى لما تضيع

صافي : هو في حد طلبها غيرك

سليم بغيظ : اه

فلاش باااااااااااااااااك

- سليم ...مين البنت القمر اللي كانت واقفه معاك دي

سليم : اخت القتيل ......اؤمر

- اصل انا عايز اتقدم ليها ....بس عايزه اسالك تعرفها

سليم بغيظ : اه مخطوبة ...متنفعش

- يا خسارة......يارب تفسخ خطوبتها .....و أخطبها انا

سليم بعصبية : امشي من وشي ....

باااااااااااااااااك

صافي بضحك :ما الواد كويس و داخل البيت من بابه ...

سليم : ماما متهزريش في الموضوع ده

صافي بزعل : لدرجة دي الموضوع مهم عندك ...اول مرة تقوللي يا ماما من وقت طويل

سليم : خلاص يا ستي اسف ....و ربنا هم يبكي و هم يضحك ....انتي زعلانه علشان باقولك يا ماما ...

صافي بغيظ : ماما ازاي ...ده انت تخلفني

سليم بضحك : هههههههه.....نرجع بقى اعمل معاها ايه .....

صافي : تروح تصالحها .....تعرفها ان انت سليم جارها زمانها .....صح يا سليم .....هو عمر رجع و لا مرجعش لسه

سليم بضحك : عمر جوا

صافي : هاشوفه و ارجع ليك

ااااااااااااااااااااااااااااااااا

سليم بضحك : اتمسك تاني ....هي شكلها جوازة ........ هههههههه

سارة : يا طنط

سليم : اسكتي طنط دي جريمة .......سارة ماتت يا عمر

سارة: ااااااااااه ....خلاص و نبي خلاص

صافي و في أيدها الشبشب : طنط .....ده انتي قد مامتي

سليم : استني ....هاحكي ليكي اصبري ......دي تبقى صاحبة مليكة ...وحصل معاها ..........

صافي بطيبة : يا حبيبتي يا بنتي ...حصل فيكي كل الكلام ده ....

سارة بدموع : ايوه يا طنط ...و لولا عمر و سليم ....كان زمانهم خ*فوني

عمر بضحك : خ*فوا مين يا حجة ...ده على اساس روحنا لقينا السكينة على رقبتك ...وهنض*ب في المليان ....يا بنتي ...ده انتم الاتنين خصلتم عليهم ...اجدع مننا ...ابقى فكريني يا سليم يقدموا في شرطة ......

سليم بضحك : يعني انت فكرت في ده ومفكرتش في الوقعة ..واحنا داخلين ...كان منظرنا مسخرة ... هههههههه

عمر : ده ظهري واجعني من ساعتها ...اول مرة العب لعبة التزحلق على الزيت دي ...بس مغامرة حلوة هههههههههههه

صافي : تعالي في حضني

عمر لسليم : هي قلبوا دراما ليه

سليم : يعني كان عاجبك جو الاكشن اللي من شويه ده

عمر : لا خلاص

صافي : هاتي حاجتك و تعالي

عمر : تيجي فين

صافي : هناك معايا

عمر : يا ستي ...و الله مراتي اعمل ايه علشان تصدقي

صافي : ده اللي عندي مش هاقعد بنت مع شابين في البيت

عمر : سليم الحقها

سليم : احمد ربنا انها سايبنا ...نقعد في الشقة

صافي : و لا اقولك

عمر : حبيبتي ما اهونش عليكي

صافي : عمر تشيل حاجتك من اوضتك و تروح اوضه سليم ...علشان مش باعرف حد يبقى معايا في الأوضة

سليم : عاجبك ....

عمر : و ربنا ظلم

صافي : كلمة كمان و هتبات على السلم ....و انتي يا سوسو ...ادخلى أوضته علشان تبقي براحتك ...و اقفلي عليكي الباب .... علشان اخاف عليكي منهم

عمر : سليم ...هي دي مامتك علشان ابقى فاهم انا دماغي عملت error

صافي : يلا. .............

عمر : حاضر

*****************************************************سارة بضحك : لا و كله كوم ...و صافي نازله ض*ب في عمر .....بجد حته مشهد

مليكة : مش كانت تض*ب سليم ...بالمرة

سارة بخبث : يهون عليكي يض*ب

مليكة : اه ...طبعا ...

سارة : حاسة كده ...ان انتم اتخانقتوا صح و لا غلطانة

مليكة : لا صح ياختي

سارة : تاني ...حرام عليكي ....بصي نصيحة سيبه لوحده تانيه ...علشان انتي بومه ...زي ما باقولك و نكديه ...فعادي يعني

مليكة بضحك : هو عمر نايم و لا فين

سارة بضحك : قاعد مع سليم في الأوضة اللي جنبي ....

مليكة : ما أنا قولت برضوه ...مش هتتكلمي كده

سارة : انتي قولتي لسليم ...على اللي حصل

مليكة : اوبااااااا .....نسيت خالص ...انتي حكايتك خليتني ...مش مركزة لحاجه خالص

سارة : يبقى تعملي نفسك بتكلميه بصفته المهنية ...مش سليم ...استشارة ...يعني ...و تعملي نفسك و لا حاجه حصلت

مليكة : و هي هتمشي عليه

سارة : اه هتمشي عليه ......بكرة الصبح تكلميه ......عادي و لا كان حاجه حصلت و شوفي رد فعله

مليكة بضيق : ماشي ...بس عارفه لو عمل حاجه ....مش هاسكت

سارة : و نبي هدي الحج جعفر ده ......

مليكة : تمام

سارة : ادخلي نامي بقى علشان معنتش قادرة

**************************************************

في الصباح

مليكة في سرها : أكلمه و لا لا ...هيبقى شكلي وحش .......ولا هيبان اني هبلة .....و لا اعمل ايه ...طيب لو مكلمتوش ...هاعرف اتصرف ازاي .....بصي كلميه ....و اعملي نفسك مش واخده بالك على رأي سارة

منال : انتي اتهبلتي .....ولا لسه

مليكة : بتقولي ايه

منال : انتي بتكلمي نفسك يا ماما ...مش واخده بالك

مليكة : معلش ...هو دلوقتي لو انا عايزه اكلم حد بس متخانقة معاه ...بس في موضوع ضروري ...ممكن الحل يبقى عنده أكلمه و لا لا

منال بضحك: بصي ...اولا على حسب الشخص أو على حسب الخناقة ....يعني ...لو شخص ...بسيط في التعامل ...ممكن لو الموضوع ضروري ...اوي و تكون طريقة علشان تحلوا بيها الخلاف

مليكة في سرها : مش عارفه ....نظامه ايه بس مش قال إنه بيحبني ...يبقى اكيد ...اصل انا اتحب في كل الحالات...بس ما ممكن يكون اخدها على كرامته ...مش يعبرني

- طيب لو مش بسيط في التعامل

منال : اتكلمي ...معاه ...علشان تبقى حاولتي ...علشان بعد كده ميكونش عليكي لوم او ندم ...لو انتي اللي غلطانه كمان ...لكن لو هو اللي غلطان ....اتكلمي بس بوش خشب ....شوفي هيقدر يساعدك و لا لا

مليكة بغيظ : يعني كل الحلول اتكلم

منال : سلام بقى

*****************************************************

مليكه اتصلت بسليم

مليكه : السلام عليكم ....ده مش رقم الرائد سليم الالفي

-ايوه تمام ...حضرتك مين

- انا مليكه

-ازيك يا حبيبتي انا مامته ....ده على طول بيتكلم عليكي ....و اخبار مامتك و أخواتك ايه

-طيب وبيقول ايه ..

- بيقول كل خير ....بيحبك .....و شكلنا هنجي ليكم قريب

**لما تكون منبه على مامتك متقولش حاجه لحد ***

مليكة : طنط هو موجود

صافي : اه .....ثانيا واحده .....سليم ...يا سليم

سليم : نعم يا صافي

صافي : خد كلم ...

سليم : يا صافي حرام عليكي منظري وحش قدام الناس ...ليه كل فرصه ابقى مش جنب الموبايل ....يا تردي على الموبايل ...يا اما تبعتي من الاكونت بتاعي ...كاندي كراش لزمايلي ...ضيعتي هيبتي مني يا صافي

صافي : كله بسببك ...ما انت بتسيبني كتير لوحدي و مش راضي تعمل ليا اكونت فيس بوك ... انت و لا عمر

سليم : حرام عليكي ....ما انا يوم ما عملت ليكي فضحتيني على الفيس مسميه نفسك ام سليم الموزه ...و قاعده تنزلي صور ...و تكتبي ...سليم في مهمه ...سليم في الحمام ....سليم مش عارف فين ....يا قلبي انا ظابط...و ربنا ظابط ....انا منظري ايه قدام المجرمين...مش عيل في حضانه....و عامله اضافه لكل اصحابي و امهاتهم و عامله ليا انا بلوك كمان ...و انا باشوف الاكونت بتاعك من عند اصحابي او عمر يقولي الحق

صافي :اعمل ايه بازهق

سليم : عندي اقتراح.....بس عندي شروط

صافي : قول لو عجبني تمام

سليم : هاجيب لك بلاستيشن ...اقعدي تلعبي بيه ...بس في شروط

صافي : ايه ..

سليم : .لا تلعبي في موبايلي ...ولا تدخلى على النت نهائي الا وانا قاعد معاكي او عمر

صافي : بس انا عايزه بلاستيشن4 ويكون معاه احدث اللعب وفيه اكونت علشان العب مع الناس بره

سليم :نعم .....وانتي عرفتي الكلام ده منين

صافي : من حماده ابن الجيران ....بيجي يلعب معايا بيه ما هو مخبيه عندي ....هو واخته ...هههههههههههههههه

سليم: صافي ...بتتكلمي بجد

صافي : اه

وسليم سامع صوت : ايه يا سياده الظابط ...هافضل على تليفون كتير لحد ما تجيب البلاستيشن

سليم :ايه الصوت ده

صفيه :نسيت في بنت على التليفون بتاعك

سليم : مين دي ؟

صفيه : مش فاكره اسمها ....قالت باين مليكة

سليم : يا نهار اسود ....دي اللي كلمتك عليها ...

صفيه : هههههه مانا عارفه و قولتها

سليم : قولتي ايه يا صافي ؟

صفيه : قولتها هنجي ليكم قريب

سليم : ممكن التليفون بدل ما هي على التليفون ...و منظري بقى وحش ...اكتر من ما كان

صفيه : خد و سلملي عليها

اخد التليفون ودخل اوضته

سليم : السلام عليكم

مليكه : وعليكم السلام .....ياريت يا حضره الظابط تخلي موبايلك معاك او توقف المكالمه ....بدل الفضايح دي

سليم :هو انتي سمعتي ايه

مليكه : سمعت كل حاجه ....باماره ام سليم المزه ههههههههه

سليم : استري عليا ربنا يستر عليكي

مليكه : هو انا طلبت رقم غلط ....فين الظابط سليم

سليم : و ربنا انا بس مامتي ...مش بتعرف تفرق بين الهراز والجد ...و لاسف من بعد موت بابا...و هي تعبت شويه ...و للاسف في حاجات بتنساها و ساعات تفتكر حاجات ...و بتتعامل بطيبه اوي زياده عن اللزوم شبه الاطفال

مليكه : ربنا يخليها ليك

سليم : انتي كنت طالبني ....في حاجه حصلت

مليكه : ايوه اختي سمعت لؤي و هو كان بيقول ....انه هو اللي حرض اصحابه على قتل ياسين ...

سليم : ماهو معنى كده ان لؤي مش هو اللي عاملها ...هو كان عايز بس في حد سبقه ...لكن لاسف مفيش دليل على الكلام ده ....الحاجه الوحيد اننا ندور في الجراج .....ممكن في فيديوهات لساعه الجريمه ...اللي بيتكلموا عليه ...ساعتها ممكن نشوف الكلام ده فعلا ولا لا ...و ممكن يتعمل محضر ..لو العيال اللي ض*بته ...او حد من أصحابه ...أنهم اتفقوا معاهم ...على ض*ب ياسين ...وأنهم اللي ليهم مصلحة في موته ...و العيال تشهد عليهم

مليكه : هو ممكن يكون اللي عاملها بس قال كده علشان منال تسمع انه ملوش دعوه بالجريمه

سليم : ممكن طبعا ....بس ما اعتقدتش ....لان خلاص ..ياسين مات و اتدفن ...و هو طلع من القضية ....ثانيا ...هو يعني لو كان عايز منال تسمعه ...ماكنش اتخانق مع العيال دي هو كل اللي عمله انه اجر عيال تض*به ...و حد يخبطه ...بس ياسين مات من الاتنين ...ممكن أقصى حاجه انه يتبلغ انه سهل للقاتل انه يعمل الجريمة ...فيعتبر زي شروع في قتل ..الحاجه الوحيده اللي تقدري تعمليها انك ....تعملي محضر بض*ب منال وتجيبي تقرير انها محتاجه علاج اكتر من 21 يوم ...وتجيبي شهود عليه ....ومنال تشهد بالكلام اللي سمعته علشان يبقى مستند في القضية أو دليل نقدر نوجه ليه اتهام بيه ......

مليكه : تمام

*******************************************

بعد مرور كام يوم

في فيلا الصيرفي

دخل بوليس بيت الصيرفي

الظابط : لؤي الصيرفي موجود

- لا

ويظهر رجل في اخر العقد الخامس من عمره ...به وسامه عيون شديده السواد وشعر ابيض وقمحي ....انه ادهم الصيرفي والد لؤي

ادهم : مين يا فوزيه

فوزيه : بوليس حضرتك وعايزين لؤي بيه

ادهم في سره : عملت ايه يا زفت الطين تاني

ادهم : خير في حاجه

الظابط : مطلوب القبض على لؤي ...بتهمه التعدي بالض*ب على زميلته و جريمة قتل

ادهم : انتم مش عارفين ابن مين

الظابط : مش هتفرق حضرتك في حاجه .....لازم يجي يسلم نفسه ...والا هيعتبر هارب و ياخد حكم

ادهم بغضب : لا ده انت اتجننت ....ابن انا يتقبض عليه

الظابط : لو سمحت حضرتك احنا بنعمل شغلنا .

و انصرف الظابط ..بالقوه

ادهم يتصل بلؤي

لؤي : ادهم بيه بنفسه

ادهم : انت فين يا حيوان

لؤي : فيه ايه

ادهم : انت ض*بت زميله ليك في الكليه و قتلت حد

لؤي : معرفش حاجه عن الكلام ده

ادهم : في واحده عامله ليك محضر ومطلوب القبض عليك بس كده في ض*ب بنت و قتل واحد

لؤي : يا بنت ...............

ا

ادهم : احترم نفسك يا زفت ........اختفي شويه ....لحد ما نحل الحكايه دي واوعى تظهر

لؤي : حاضر

ادهم: ودي تبقى مين ومين الواد ده ....

لؤي : البنت اخت الواد اللي اتهموني بقتله

ادهم : انت هتستبعط ...مش كنت خرجت منها ... و الموضوع خلص بتفتحه تاني ليه

لؤي : مش باهزر

ادهم : وليه ان شاء الله

لؤي : سمعتني وانا باتكلم مع اصحابي ...وان انا كنت محرض على قتل اخوها ..

ادهم :هاقول ايه ده اخر دلعي فيك .....اخفي خالص ....و اسمها ايه .........

لؤي : اسمها منال طاهر البكري

ادهم في نفسه: ايه .....طاهر البكري يا نهار اسود

ادهم : اختفي خالص لحد ما احل البلاوي اللي سيادتك عاملها ...و بعدين تظهر فاهم ...لأن لو اتمسكت مش هنعرف تخرجك من كل البلاوي دي

لؤي : فاهم

ادهم قفل السكه : ده واضح ان اللعب هيحلو ...قعدت ادور عليكم سنين انتم جيتم ليا برجليكم

ستوووووووب

ايه الحكايه القديمه بين عيله الصيرفي والبكري ..؟

الحقائق هتبدا تظهر واحده واحده ....تابعوني ....