مجانين في مطاردة

البارت الثامن

سارة بغضب : انت اتجننت ...انا مراتك ازاي

عمر : هو انا مقولتش ليكي

سارة : لا متقولش ....طلعت كان ابويا مجوزني ليك و انا صغيره ...و انا تقريبا جالي فقدان في الذاكرة و انت جوزي و هربت منك ...و انت قعدت ادور عليا

عمر : عملتيها ازاي دي ...يخرب عقلك ....انتي عملتي مي** للروايات في الخلاط طلعتي ...التلوث اللي سمعته ده ....لا محصلش اي حاجه من دي

سارة بغيظ : اما ايه اللي حصل

عمر : انا من ساعة ما شوفتكش و انا قولت خلاص دي مراتي ...فخلصت ...بس انا لما باحط حاجه في دماغي باعملها

سارة : و الفرح و لا القسيمة

عمر : ما احنا هنروح الماذون دلوقتي

سارة : نعم

عمر : يا اما هاكلم اهلك و اقولهم اني مش جوزك ...تمام ....و ارجعك ليهم

سارة بغيظ : اااااااااااااه يا .............

عمر : هتشتمي ...مش هاسكت

سارة : انا ياربي يوم ما اتجوز ....اتجوز الكائن ده ....فين ابطال الروايات اللي باقراها

عمر : الروايات كلت عقلك ...ثانيا ...انتي تطولي تتجوزني

....ده انا بانقذك ...انتي لاقيه حد يعبرك

سارة : امشي من وشي ....امشي

وتم عقد قران سارة و عمر ....بحضور ....مليكة وسليم ....وشهود ......

في العربية ...سليم و عمر في الامام و مليكة و سارة في الخلف

عمر : سوسور قلبي ...خلاص يا ستي ...كنتي خايفه تقعدي في الشقة مش هتقعدي لوحدك

سارة : متقوليش يا سوسور دي ....و بعدين مش هاقعد معاك في شقة واحده يا عمر

عمر بغمزة : مش مراتي

سارة : اعمل اللي انت عايزه ...بعد ما اخلص من الورطة دول هاتطلق

عمر : ده ازاي يعني ...

سارة : انتي اللي دبستني في الجوازة دي

عمر : ض*بتك على ايدك ...

سارة : اه ...حد قالك تقولهم اني مراتك

سليم : لو ماكنش عمل كده هياخدوكي معاهم ...احمدي ربنا أنهم ماخدوكيش معاهم ...عقبال الفرح

عمر : انا استغربت برضوه

سليم : مش فارق معاهم الا الورث ...هي مش فارقه ...لو ماكنتش وافقت أنهم يشتروا الورث ...كانوا هياخدوها غصب ...ممكن كانوا بياخدونا على قد عقلنا ...عقبال ما يبعتوا ياخدوها .

سارة : والورق اللي مضيت عليه

عمر : امان مش اكتر

سارة : مليكة ....مليكة ....انتي ساكته ليه

مليكة : مفيش ولا حاجه ....هاطمن بس عليكي و اروح

سارة : تروحي فين في الوقت ده

مليكة : علشان منال اللي نايمه في البيت

سارة : مالك

مليكة : مفيش

و هنا من يراقب الأحداث في الامام

عمر بمزح : مش تباركي ليا ....على...كتب كتابي

مليكة : الف مبروووك يا سيدي ....خلى بالك منها مش هتلاقي زيها

عمر : قولي ليها و نبي تخلي بالها مني انا ....اصلي وحيد

سارة : اما سليم ده مين

سليم : واحد بيتمشى في البيت عندنا ...عادي ...يا بني انت اللي مقيم معايا انا و صافي

سارة : صافي مين ؟

عمر : صافي ....هو في زي صافي ...ولا جمال صافي ....دي قلبي كله

سارة بغيرة : انت بتخوني

عمر : اخونك ايه ...صافي دي ماما سليم و خالتي نفس الوقت و مامتي ...انا وسليم ولاد عم ولاد خالة ...وانا و سليم اخوات في الرضاعة

سارة : يبقى وحيد ازاي ؟

سليم : ربنا يكون في عونك ...يا بنتي ...ده انتي هتشوفي ايام

خلاص وصلنا

بعد شويه

مليكة تحضن سارة : خلي بالك من نفسك ....خلي بالك منها يا عمر

عمر : في عيني

مليكة : مع السلامة

سليم : استني هاوصلك

مليكة : اعتقد انا كبيرة كفاية علشان اعرف اروح

سليم بغيظ :و الله ...بصي كلمة واحده اركبي عربية ياا اما انا هاركبها ليكي بالعافية

مليكة : لا ...مش راكبة

سليم بصوت عالي : اركبي حالا

مليكة اتجهت بغيظ ناحية العربية ..وركبت

عمر : سليم تعالى عايزك

سليم : افندم

عمر : انت ايه يا ابني ....البنت اعتذرت ليك ...و جالك فرصة تكلمها ...تعمل كده انت ...و الله ما عارف اقول ايه

سليم : عايز ايه

عمر : صالحها ...كفاية اللي حصل ...هي في ظروف ...تسمح باللي حصل ده كله ....

سليم : عندك حق .....هو انت ليه اصريت ان سارة تجي معانا ...ماكان ممكن تفضل في البيت و خلاص ...انا قولت الاقتراح الاول ....قبل ما تتجوزوا

عمر : اولا ...كانوا ممكن يكون مقلب منهم و يجوا في وقت احنا مش موجودين وياخدوها ....ثانيا بقيت مراتي اسيبها في البيت

انت عارف المشكلة ايه

سليم و عمر : صافي ..

عمر : مش عارف هادخلها ازاي اوضتي

سليم : ما تطلعها فوق

عمر : الشقة مش نضيفة مينفعش ...اسيبها فيها بكره ...تبقى تتطلع

سليم بضحك : ربنا معاك

عمر : على اخر الزمن اطلع مخبي مراتي ...زي اللي عامل عملة

..وباصلحها ..صالح مليكة ....سلام

سليم ومليكة في العربية

سليم يشغل موسيقى ....مليكة تقفلها ...وهكذا

سليم : مليكة

مليكة : ....................

سليم : بصي انسي كل الكلام اللي أنا قولته ....الموضوع صعب عليا ....اني اشوفك كده ....

مليكة : مش انت قولت اروح اللي قلبي يختاره ....هو مفيش غيره اصلا

سليم بغيرة : مين ده

مليكة بخبث : و انت مالك ...مش انت قولت كده ...وانا فعلا اكتشفت أن معاك حق .....انت متنفعش ليا ...انا باحب

سليم بغيرة :مين ده و اخر مرة هاسال ؟

مليكة : ما انت شوفته ....حسام ابن خالتي

سليم بضحك : لا و الله ...زوقك وحش

مليكة : زوقي و انا حرة ...مالكش دعوة ...بقى

سليم بخبث : انتي ممثلة فاشلة ...علشان مش بتحبيه ...

مليكة : .........................

سليم : اقولك ...انا بقى

فلاش باااااااااااااااااك

سارة : سليم ..مليكة مفيش حد في حياتها

سليم :.........

سارة : بص هي كانت بتحب حسام ..اللي انت شوفته ...بس ...هو كان بيحب واحده تانيه ...ومن ساعتها وهي خايفه انها تتجرح او تتاذي ...ومحدش يعرف عن الموضوع ده حاجه ...فاهم ...مهما حصل منها اديها فرصة ......اديها الامان والثقة ....و هتلاقي واحده تانيه ...اللي هي شافته في حياتها مش قليل ...هي مش محتاجه حاجه ...غير انك تكون قد الثقة ...بس ...و صدقني ...هي ممكن تكون بتحبك ...بس بتكابر ....وهي خايفه ..وانك تدخل من الباب ...مش من الشباك ..

باااااااااااااااااك

مليكة بغيظ : روحت فين ....اي استاذ ...كنت هتقول ايه

سليم : و لا حاجه ...

مليكة : احسن

سليم : وصلنا

مليكة طلعت تجري على بيتها

سليم بضحك : هاخليكي تنطقي ...قال حسام قال ...

****************************************************

عمر : ادخلي من غير صوت لاحسن تصحى

سارة : و ايه يعني مش مراتك ...هو انت ليه أننا عاملين عملة ...

عمر : انتي مش فاهمه حاجه ...و نبي لو صحيت ...هتبقى فضيحة ...

سارة : ماشي ...

عمر : ادخلي الأوضة اللي هناك دي بتاعتي .....و انا هاشوف الجو ...

سارة : اااااااااااااااااااااا........

عمر : في ايه ؟

سارة : صوصار ...........

عمر : اسكتي ...اسكتي .....ادخلي الأوضة بسرعة

لتخرج امرأة في الخمسينات من عمرها ...بملامح جذابة ...ويبدو على وجهها النعاس

صافي : عمر ...ايه الصوت ده ؟

عمر بتوتر : مفيش

صافي : انا سمعت صوت حد ...

عمر : هتلاقي حد من الجيران .. ممكن تلاقي ...عم سعيد بيتخانق ولا حاجه

صافي : ممكن ...على رايك ...كل يوم بيتخانق ...على حاجه شكل

عمر : صافي ما ت**بي فيا ثواب و اكلني

صافي : مش م**وف من نفسك ..في سنك و اكلك ...ادخل هتلاقي الأكل جوا في المطبخ سايبه ليك و لسليم ...هو فين صحيح

عمر : في مشوار ...زمانه جاي

صافي : مشوار ....ماشي ...يا عمر

عمر بتوتر: بتبصي ليا كده ليه ...انا معرفش حاجه ....لما يجي ابقي اساليه ...

صافي : ماشي ...انا داخله انام ...و اكلك جوا .....علشان مش قادره

عمر : ماشي يا قلبي تصبحي على خير

صافي : وانت من اهله

و دخل عمر المطبخ ....بيكلم نفسه ....

عمر : انا هاخد اللي يكفيني ...انا و اللي جوا دي .....وربنا يستر و يعدي النهارده على خير ....علشان انا مش متفائل

سارة : هو راح فين كل ده ...انا زهقت

عمر بضحك : وحشتك

سارة بتهكم : و لا ايه حاجه ...انا زهقت من القعده لوحدي...جعانه

عمر: خدي اكل اهووو.....و قبل ما يكمل كان باب الغرفة مفتوح ...و هناك من يصرخ

صافي : انا قولت برضوه ...ده مش صوت عم سعيد ....بتجيب ستات البيت يا عمر

عمر بتوتر : ابوس ايد*ك بلاش فضايح ...

صافي : فضايح ...هي حصلت يا عمر ...جايباها منين دي ....نهارك اسود و مهبب

عمر : والله مراتي ....حتي اسالي سليم

صافي بشبشب تض*ب عمر : سليم ...ده لو سليم يعرف عن الموضوع حاجه وقعته سوده هو كمان

والمضحك أن سليم ...سمع ما يحدث ...وخرج لحد ما تهدى

سليم في نفسه : ما أنا بصراحة مش صغير على ض*ب الشبشب ...بهنا يا عمر ...بس حرام الولا معملش حاجه ...ألحقه ...و لا من سكات ادخل استخبى....ما انا برضوه مش هابات على السلم ....انا هادخل و يحصل اللي يحصل

صافي جرت على سارة تجيبها من شعرها ....بس عمر وصل الاول وحضنها و بعدها عنها

عمر : اهدي ابوس ايدك ...دي مش حمل ض*ب ....اعمل ايه علشان اثبتلك

صافي : هتطلعي ...ورقتين تكتبهم دلوقتي ...و تقولي عرفي ....علشان مش هتعرف تقبض معاش جوزها ...هنستعبط

عمر بضحك : هو انتي كمان بتقراي ...روايات ...احنا لازم نمنع كل الروايات في ايه هو احنا الاشرار ...و لا الفارس على ا****ر بتاعه ...و لا احنا اللي مضحكوك علينا و لا ايه ....لاني باحاول افهم ...انا لازم اشوف انتم بتقراوا ايه اصلا ....

عمر : سليم ...انت جيت ....الحقي سليم جه

صافي : هاشوفه و ارجعلك

أول ما خرجت صافي ...عمر قفل الباب بالمفتاح وقف ورا الباب

سارة بضحك: هو ايه اللي حصل ...و هي دي صافي

عمر : اه انتي لسه شوفتي حاجه ده احنا ...هنتربى من اول و جديد

سارة : بس هي مالها

عمر : هي عندها ظروف صحية ...معدتش زي الاول ...من ساعة ما بابا سليم اتوفى و هي بقيت حد تاني ...تعبت ....ومن ساعتها ...ممكن ساعات تنسى ...ساعات تتعامل معانا أننا اطفال كده ...سليم ...روحها فيه متقدرتش تروح في مكان من غيره...ولا هو بيقدر يزعلها ...من الاخر هي كويسه ..بس ساعات بيجي زي نوبات كده ...

سارة بتأثر : ربنا يخليها ليكم .

عمر : تعالي كده نسمع من الباب ....عملت ايه فيه

سارة: ما تفتح تلحقه

عمر : لو هتستحملي الض*ب ...اخرجي...براحتك

سارة : لا ....خلينا جوا احسن

يتبع ...........