مجانين في مطاردة

البارت الثاني

في مستشفى

الكل في انتظار خروج ياسين ومنال مليكه ...ليلى ....

لؤي :بيري ....

بيري :نعم عايز ايه

لؤي :باقولك مين القمر اللي وافقه مع منال دي ...حلوة اوي

بيري :يعني ده وقته ....بدل ما تسال على البت اللي كانت تعبانه دي

لؤي : منال ...هتبقى زي القردة ..انتي فاكرة انه هينفع معاها حاجه .... سيبك منها بما اننا وافقين ...قولت اسال على القمر دي ...اصلي بصراحه عاجبني اوي

بيري: اللي اعرفه ان ليها اخت اكبر منها هي وياسين ممكن تكون هي .

لؤي بهيام :متعرفيش هي مخطوبه مرتبطه حد متكلم عليها .

بيري : تصدق انت بارد ...سيبهم دلوقتي مش لما يشوفوا ابنهم حصلوا ايه الاول وبعدين حب واتجوز .....انت بني ادم غريب

لؤي بسخرية : مين قالك احب واتجوز

بيري:مش انت لسه قايل انها عجبتك .

لؤي : هو معنى كده اني اتجوز .... ده انتي متفائله اوي......بس تصدقي هاروح اكلمها .

بيري : روح يا خويا .

لؤي بضحك: مالك غيرانه ليه ولا علشان هي احلى منك ولا علشان بتحبيني ..

بيري ويتشاور بق*ف : دي احلى مني ...اشبع بيها ...ثانيا احبك ايه يا بني ...وعلى ايه

لؤي : على ايه ...ما انتي حولة...باين .. احمدي ربنا ان باكلمك ده كل البنات بتموت فيا ده بالنسبه ليا .... لكن هي يا بنتي مفيش وجه مقارنه اصلا بينك وبينها ...في فرق السما والارض ...

بيري بدموع : خلصت .. امشي بقى ...شوف هتعمل ايه

لؤي : سلام يا قطة

بيري في سرها : صح في فرق السما والارض بس بينك وبينه ...انا نفسي افهم انا كنت باحبك ...ازاي وليه ...هههه على رأيه باين كنت حولة .....ربنا يقومك بالسلامه يا ياسين

فلاش باااااااااااااااااك

من ٣ سنين قبل دخولهم الجامعة

بيري : اوووف عملتيها تاني ...اعمل ايه دلوقتي ...انا ايه اللي جابني هنا ...انا اللي غلطانه اني جيت المنطقة دي ...انا ايه اللي خلاني اوصل ام محمد ...اتهبلت في عقلي.....علشان اوصل الشغالة ....بس هي الوحيده اللي بتحبني انا مفيش حد ..حتى بابا ...طول الوقت مختفي مع صفقاته و مامي .....ماتت وسابتني ....انا ماليش حد

- يا انسه ....انسه ....انتي واقفه كده ليه

بيري والدموع في عينيها : وانت مالك ....انت

- انا اللي غلطان ...بس وقفتك دي بالهدوم دي ...ممكن تعمل ليكي مشكلة ...فروحي احنا في منطقة شعبية ...علشان محدش يضايقك

بيري بعياط : ما هو انا مش عارفه اروح العربية وقفت ومش عارفه اروح .....

- طيب خلاص متزعليش ....انا ياسين وانتي

بيري : .............

- طيب خلاص ...انا بس علشان اطمنك ....ايه اللي حصل ...

بيري: العربية وقفت مرة واحده ...ومش عارفه ايه اللي حصل

ياسين : طيب ادخلي جواها و اقفلي عليكي .....لحد ما اجيب ...سماكة الميكانيكي يبص عليها ...ماشي

بيري برعب : هتتاخر

ياسين : متخافيش ...اعملي بس اللي باقولك عليه ....علشان تلحقي تروحي ....لأن الوقت متاخر

بيري: ماشي

ياسين بهزار : مقولتيش برضوه اسمك ايه

بيري : اسمي منى

ياسين : عاشت الاسامي

بيري اسمها الحقيقي منى ...بس بتكره الاسم ده ...واصحابها سموها بيري ومحدش يعرف اسمها الحقيقي الا عيلتها بس وياسين

بعد فترة ....

ياسين ومعاه الميكانيكي .....

- منى انزلي هو هيشوف العربية ...فيها ايه

بيري : مش قولت منزلش

ياسين : خدي بس الاول اللبس ده علشان مش هينفع تقفي كده ...لأن العربية هتاخد وقت

بيري : بتاعته مين دي

ياسين : بتاعته اختي

بيري :انت عندك اخوات بنات

ياسين : ايوه ...وتخلصي لأن العربية هتاخد وقت فمتقعديش في العربية تتخنقي ولا حاجه

بيري نزلت من العربية وهي ترتدي تلك العباءة السمراء لتضفي جمالا على جمالها ....

ياسين بهزار : ....هههه...خليكي في العربية احسن ....

بيري : خفة ....اعمل ايه دلوقتي

ياسين : هنقعد على الكراسي دي لحد ما يخلصوا شغل

مرت ساعتين

بيري : شكرا جدا مش عارفه من غيرك كنت عملت ايه

ياسين : لا شكر على واجب .. محصلش حاجه...يمكن حد من اخواتي في يوم من الايام تقع فموقف شبه ده فربنا يوقف ليها ولاد الحلال ...بس يا ستي ....ثانيا بضحك ...احنا ولاد بلد اوي .....سلام يلا

بيري بابتسامة : سلام

باااااااااااااااااك

لا تنتظر جزاء عطاءك لآخرين ..بل اعمل ذلك لوجه الله ..تفتح لك الابواب المغلقة ..و ترزق من حيث لا تحتسب ...وإذا كنت تحزن لمجرد أن ما تفعله مع غيرك ..لا يحدث معك ...لا و رب العباد ...هناك خير لا تعلم من اين يأتي ....مش فاهم حاجه ابسطها.....يعني من الاخر كل مرة انت او انتي بتعملي حاجه ..والنية كويسه ...وتلاقوا اللي حواليكوا..مش بيعملوا معاكم نفس اللي انتم بتعملوه...اوعى او اوعي تزعلي ...صدقوني ربنا بيستر معانا في حاجات .....عمرنا ما كنا نتخيل انها ممكن تحصل لينا ...وتلاقي طرق انفتحت من كل النواحي .....نقولها تاني اوعى او اوعي تزعلي

بيري في سرها : بس صدفة انك تتطلع في نفس الجامعة بتاعتي ....وتنهيده ...بس للاسف معرف*نيش ...وبصراحة ليك حق انا اللي كنت وقتها من غير مكياج ولا حاجه... ودلوقتي شكلي اتغير خالص ...تصدق أن يومها ...محدش سأل اني ممكن جر ليا حاجه ولا لا ....يارب يقوم بالسلامة...واروح أقوله اني اعرفه انه انا .....يارب انت اللي معايا

فتاة تجري في المستشفى تلتف يمين ويسار تبحث عن ضالتها ....ترتدي قميص جينز ذات اللون الازرق الفاتح وبنطلون واسع من نفس الدرجة ..بملامح بيضاء وعيون سوداء ... سارة الزيني صديقه مليكة المقربة ونفس سنها و جارتها وحيده اتنقلت لسكن بجانبها بعد وفاة والديها

سارة بقلق : في ايه يا مليكة قلقتيني

مليكة بتعب : ياسين جوا ....عيال ض*بوه و تقريبا زقوه على عربية فخبطته .....والله ما فاهمه ايه اللي حصل

سارة : منال فين و ليلى ؟

مليكة : في الأوضة اللي هناك دي منال سمعت الخبر ...من هنا أغمي عليها ...في الأوضة وليلى معاها

سارة : هو إخباره ايه دلوقتي

مليكة : مستنية يخرج من العمليات ...بس خايفه علشان كده كلمتك ...مش هقدر أقف في الليلة لوحدي

سارة : عيب عليكي ...ماكنتيش عايزه تكلميني ...ده انتي اخواتك هم اخواتي .

لؤي واقف يراقب الوضع في سره : يعني حبكت تيجي ست بتاع دي كمان ...مش عارف اكلمها ...بس البتاع دي برضوه قمر ...مش تنفع سانيا ممكن تيجي سونيا

*************************

عند منال وليلى

ليلي بحزن : يا حبيبي يا ابني ...يارب اقومه لينا بالسلامه

مليكه :ان شاء الله يا ماما ادعي بس كده ...منال اخبارها ايه دلوقتي

ليلى : نايمه ...الاتنين مرة واحده ...مش قادرة

سارة : طنط كل حاجه هتبقى....كويسه

منال تعرق وتحلم بكابوس :اوعى تسيبني احنا جينا مع بعض مقدرش اعيش من غيرك سامحني لو زعلتك في يوم ...ياسين ...ياسين ...اوعى تعملها انت نصي التاني .....

ليلى : هاتي الدكتور بسرعة

سارة : خليكي هنا ...هتروح اجيبه

مليكه : اهدي بس ...وهي هتبقى كويسه

ليلى : يارب ...

سارة : الدكتور اهو

من بره

بيري : لؤي ....هم بيجروا على اوضه منال ليه

لؤي : سمعت البنت اللي مع الدكتور ..بتقول انها بتصرخ او انهارت

بيري: يارب يبقوا كويسين

لؤي : ده على اساس انك بتحبيها اوي ...ما أنا عارف اللي فيها

بيري : عارف ايه

لؤي : علشان بس متروحيش وتيجي لوحدك ..مستوحده يا حرام وبتحاولي تقلديني ..ويبقى عندك تحت ايدك واحده تمشيها على مزاجك ...صح ولا انا غلطان

بيري : باطيقها او مش باطيقها حاجه متخصكش ...فعلا انا ماكنتش باطيقها ...بس دلوقتي صعبانه عليا

لؤي : يا سلام وايه اللي مقعدك لحد دلوقتي هنا ...

بيري : ملكش دعوة حتى لو مش باطيقهم ...لازم اقعد من باب أني اطمن عليهم من باب الإنسانية ...انت ايه اللي مقعدك ...طيب انا وقاعده مع صحبتي حضرتك قاعد ليه

لؤي بضحك : علشان اخت صاحبتك هههههههههه

بيري : انت مش طبيعي ...انت مريض يا ابني

لؤي بغضب : لو اتكلمتي معايا بالاسلوب ده تاني ...صدقيني هانسى انك بنت عمي ...ماشي

بيري : ماشي

في الأوضة

- ده طبيعي ...هتاخد مهدئ وهتبقى كويسه متقلقوش

ليلى بقلق : طيب انا ابني في العمليات ...متعرفش إخباره ايه

- الدكتور : متخافيش ...هيبقى كويس...هو مش مع الدكتور أحمد ...ده اشطر دكتور هنا ...

مليكة : طيب هو جوا بقاله أكثر من ساعتين وانا كل شويه اروح وارجع متعرفش حضرتك هيخرج امتى

باب خبط ....

لؤي : اخبار منال ايه دلوقتي ؟

مليكة باستغراب : وحضرتك تبقى مين ...

لؤي : انا زميل منال في الكلية ..

مليكة : ممكن معايا بس بره نتكلم ...علشان مش هينفع اي صوت هنا ...

لؤي : هو احنا خرجنا ليه

مليكة : هو احنا نعرفك علشان تدخل لينا الأوضة....وتسأل على اختي ...الطبيعي تسال على ياسين مش منال

بيري : حضرتك فاهمه غلط ...انا بيري صحبة منال ...وكنت معاها ساعتها وانا اللي كلمتك ...وده لؤي ابن عمي ...جه معانا علشان مش نبقى لوحدنا

مليكة : انا باعتذر ....انا فهمت غلط ...هي الحمد لله كويسه ونايمه .....

بيري : ممكن ادخل ليها

مليكة : ادخلي شوفيها بس ممكن الاول تقوللي ايه اللي حصل

بيري وقصت كل ماحدث لمليكة لحد دخولهم المستشفي

مليكة : مشوفتيش مين اللي عمل كده

بيري : لا ...ده كل اللي اعرفه

مليكة : تمام ...شكرا ..ممكن تدخلي تشوفيها

ودخلت بيري ...لتأتي الفرصة لذلك الواقف يتابع في **ت

لؤي : لو سمحتي....اسمك ايه

مليكة : افندم ....

لؤي : مفيش بس....باسال على اسمك

مليكة بغضب : وانت مالك ومال اسمي ...احنا هنتصاحب ...بص يا استاذ احنا مش بتوع الكلام الفارغ ده ...فأنت لو فاكر نفسك حلو .

....وهتيجي تعمل نمرة...تبقى تظبط بدل ما اظبطك .....

لؤي : اصل بصراحة أول مرة اشوف واحده بالجمال ده

مليكة : وهتبقى اخر واحده وبصراحة......انا مش مقتنعة انك زميل منال ...لأن شكلك اكبر مني انا شخصيا ....

لؤي بتوتر : اصل تجارة صعبة ....و......ايه

مليكة بتفهم : سقيط يعني ...بص من الاخر ابعد عن سكة اختي احسن ليك ...تمام ..من الاخر علشان مش عايزين وجع دماغ ...واعتقد يعني الظروف زي ما انت شايف وانا اظن في الوقت ده متسمحش في الكلام الفارغ ده .......تتركه ...و تذهب إلى أمام اوضة عمليات ياسين

ولكن لم يكن في الحسبان

ان هناك عيون كانت تراقب الموقف بشماته...وعلى وجهها الابتسامة فمن هي ؟

**************************

بيري بضحك:ههههههههههههههههههههههههههه منظرك مسخره ...جت اللي تربيك

لؤي بغيظ : بقى انا يتعمل فيا كده ومن مين ...من دي ....اااااااااه ....ايه يا بنتي دي ايه ده النوع ده معداش عليا قبل كده .....انا اتهزات .....انا لؤي الصيرفي يتعمل فيا كده لا عاش ولا كان .....اااااه

بيري بضحك : احسن تستاهل علشان تتلم بقى ...وتبطل المشي ده ...

لؤي : ليه حضرتك خضرة الشريفة اوي ...ما انتي عامله اللي ما يعمل ماشيه مع ده ومصاحبه ده ....اه لو عمي عرف وبعند فيكي هي وبس ....وهاتجوزها

بيري : محصلش....دول اصحابي في النادي

لؤي بضحك : في النادي صح ...على أيدي

*************************

خروج الدكتور من غرفه العمليات

يخرج رجل في منتصف الثلاثينات من عمر من غرفة العمليات يزيل تلك الكمامة لتظهر ملامحه أجنبية بشرة بيضاء وشعر كثيف ولحيه مرسومة خفيفة وعيون سوداء طويل القامة ...الدكتور أحمد

مليكه : ايه الاخبار يا دكتور؟

احمد : لاسف نتجيه الحادثه اثرت على الدماغ ...وحصل نزيف ....ومع الض*ب ...كان في إصابات بالغة .....اثر على جسمه .....

وهو حاليا في غيبوبه ....ولاسف ال24 الساعه الجايه فيه خطر على حياته

مليكه : طب هو في امل انه يفوق ويرجع زي الاول

احمد :مش هنقدر نعرف الا اما يفوق....ادعو ليه...ممكن اه او ممكن لا على حسب كل حالة

.....انا بس قولت ليكي كل الاحتمالات علشان تبقوا عارفين ...ميحصلش صدمة لاهل المريض

مليكة : انا عايزاه يفوق بس ...حتى لو مش هيتحرك أنا موافقة بس يفوق

احمد : صدقيني ...احنا عملنا كل اللي علينا و الباقي على ربنا هو هيبقى كويس وزي الفل ...وان شاء الله يقوم بالسلامة

***********************

مليكه : هيبقى كويس يا ماما متقلقيش

ليلي : ابني راح مني

مليكه : سارة خدي ماما وروحوا علشان مش هينفع نفضل كلنا هنا

منال :لا

مليكه : لازم تروحوا ترتاحوا علشان نبدل مع بعض وتجيبوا هدوم لياسين

منال بدموع : يعني هو كويس .......

مليكة : ايوه يا قلبي كويس...بس لو صحى ولاقكي كده ...هيزعل....فقومي بالسلامة ...بس و اجمدي يا موني

...ايه شويه زعل تقعي مننا .....

منال : هم دول زعل ...ده تؤامي

مليكة : هيبقى كويس....انتي الدكتور كتب لكي خروج ....انا عايزكي تروحي علشان احنا بايتين هنا من امبارح مش ينفع نفضل كده ...على أقل تاخدي دوش ...ولا يرضيكي ...يقولوا علينا معفنين...

منال بضحك : لا منرضاش على نفسنا ....تعالي روحي معنا

مليكة : مش هينفع كلنا ....سارة هتاخدكم ...ارجعوا البيت وارتاحوا وبعدين تعالوا وانا اروح ارتاح

ليلى : بس انا مش هامشي

مليكة : لما ياسين يصحي وعرف انك هنا من امبارح

..هيزعل اوي ...ماشي ...روحي ارتاحي وبعدين تعالي ...هيكون فاق ...وتقعدي انتي معاه ...ماشي

ليلى : امري لله

سارة : تعالي كده عايزكي

مليكة : في ايه ؟

سارة : انت ليه مش قولتي ليهم على حالة ياسين ...وان احتمال لو فاق مش يبقى سليم ..

مليكة : اهو انتي قولتي احتمال يعني مش اكيد ...ممكن يقوم سليم خالص وممكن يصيبه حاجه ساعتها ...يبقى تفكيرهم على حاجه واحده ...لكن لو سبتها مفتوحة ...هيتعبوا بزياده وانتي شوفتي اهو

سارة : انتي جبل يا بنتي ....متحملة كل الكلام ده ازاي ولا عيطتي ولا اي حاجه

مليكة : هاموت و اعيط ....نفسي في حد يحضني ويقولي انا معاكي وهنعدي كل حاجه سوا

سارة حضنت مليكة ...لتبكي تلك الحورية ...لتخفف من هذا الحمل الذي على كاهلها ....

مش كل الناس اللي شايله مسئولية و قدها تيجوا عليه بزياده ...وتتفكروا أنهم مش بيتوجعوا ...او أنهم مش بشر زيكم ...لا بالع** ...ده بيبقى بيطبط عليك ...وهو في قمة وجعه ...لو عندك ناس من النوع ده قدره جدا ...واحضنه ...لانه محتاج الحضن ده اوي ...مش كل الكلام بنقدر نعبر عنه ...مش كل إنسان بيعرف يقول أنا موجوع ....حاولوا تكونوا سند وظهر لحواليكم حتى لو بكلمة جبر للخاطر.....بسيطة ...بس بتفرق مع الناس دي كتير..........حياتهم ممكن تتغير ..في كلمة ممكن تدبح وفي كلمة ممكن تصحي روحه ويبقى انسان تاني ...اقل حاجه الكلمة الطبية صدقة

******************************

في احد الأدوار السفلية لمبنى مهجور في هناك شاب من الثلاثين من عمره....تبدو على ملامحه الطبية والهدوء ببشرة قمحية وعيون سوداء وجه مرسوم يرتدي قميص من اللون الأحمر وبنطلون اسود ...ولكن خلف تلك الطبية ...شخص اتخذ من الطريق الحرام سكة له يجلس على كرسي مبطن من اللون الأخضر الفاخر ينظر إلى الساعة كمن ينتظر قدوم أحدهم ....فما الذي يحدث ؟

مصطفى :ايه يا عم مفيش اخبار جديده

ليدخل ذلك الرجل بملابس مهترئة تدل على الفقر الشديد يرتدي قميص اخضر وبنطلون جينز بملامح سمراء وشعر مجعد اسود يتخلله بعض من الشعيرات البيضاء مع نظارة نظر سوداء ذات الزجاج الثقيل الذي يدل على ضعف نظره يدخل وبكل ثقة ......

محسن : ازيك يا مصطفى باشا

مصطفى : جايبني ليه ...اكيد مش علشان تسلم عليا ...أنجز ...ايه الموضوع المهم اللي كنت عايزني فيه

محسن :جثه جايه لشاب جديده مش عارفين ليه اهل

مصطفي : حلو اوي ميت امتى

محسن :لسه طازه .. النهارده من شويه

مصطفى :حلو ...ظبط الدنيا بليل ناخده .....بس مات ازاي

محسن : مضروب....وجسمه سليم جدا ..في شويه كدمات بس من جوا سليم ...

مصطفى :تمام

محسن : لا ...مش تمام ....انا عايز فلوسي...الاول

مصطفى بغضب ع** ملامحه: هو انا من امتى باكل عليك فلوس

محسن : لا ...ما هو السعر زاد والا معتش هاجيب لك شغل ...انا جايلي اسعار تانيه احسن

مصطفي يتمالك نفسه ويتحدث بهدوء : عديها المره دي ...وهاقول اللي عندي

محسن : لا وربنا ابدا

مصطفى : عديها المره دي ....بلاش تقطع برزقك

محسن :ابدا ...عايز 50000والا مفيش

مصطفى :ابعتلي صورتها وانا هاسال الباشا .....تمام

محسن : تمام ...بس رد بسرعه علشان في ناس تانيه طالبه بس علشان احنا اكلنا عيش وملح مع بعض

مصطفى: اه ...طبعا وبعد كده تعض الايد اللي بتمد ليك....هاكلمهم وارد عليك ...بس ابعت الصور الاول

محسن :تمام .....

وبعت محسن الصور لمصطفى

مصطفى : تعدي ...انا لولا بس السوق واقف كنت وريتك يا محسن

*********************

مليكه :لو سمحتي مكتب الدكتور اللي عمل العمليه الاقيه فين

الممرضه : قصدك دكتور احمد زهران ..هو اخر الاوضه يمين

مليكه:شكرا

وصلت مليكه لمكتب الدكتور

احمد :اتفضل

مليكه : السلام عليكم ...انا اخت الحاله اللي لسه عامله حادثه

احمد :اهه...اتفضلي ..ارتاحي

مليكه :شكرا لحضرتك...كنت عايزه اسال بالظبط مش فاهمه وضعه بالظبط....يا دكتور

احمد:الموضوع ببساطه ....نتيجة الحادثه ...في جزء من المخ اتضرر

فلو فاق...لان في حالته الموضوع صعب شويه ... ممكن يبقى في مشاكل في الرؤيه او شلل في اجزاء في جسمه ..او ممكن يكون مفيش بتفرق من جسم لتاني وقوته ...فبنقول كل الاحتمالات لاهل المريض ......وده انا تقريبا قولته لحضرتك قبل كده

مليكه : انا اسفه ...فعلا حضرتك قولته ...بس معلش...لاني برضوه قولت بس افهم ممكن يكون شكل الضرر ايه او أقصى حاجه ...لاني فعلا من الصدمة....مش قادرة استوعب .... طيب مش هنقدر نعرف ايه اللي هيحصل قبل ما يفوق .بحيث اننا نبقى عارفين

احمد: اولا انا مقدر جدا واي سؤال انا مع حضرتك فيه ...مفيش مشكلة ...لكن برضوه فعلا زي ما قولت قبل كده لاسف مش هنعرف الا لما يفوق.

مليكه:تمام ..شكرا

فجاه ....باب المكتب خبط

دخول شاب في الثلاثين ذات عيون عسليه وشعر اسود وبشره قمحية يرتدي نظارة سوداء ...وقميص من اللون الازرق و بنطلون اسود ...جسم رياضي ..طويل القامة ...يتسم بملامح حادة ......

احمد :اتفضل حضرتك

الشاب : انا الرائد سليم الالفي .

احمد : اتفضل

سليم : معلش ممكن نتكلم على انفراد

مليكه: انا اسفه عن اذنكم .

احمد :اتفضلي

سليم :كنت جاي بخصوص الحادثه بتاعته النهارده عند الجامعه كنت عايز اعرف ...الحاله فاقت ..هل مسموح التحقيق معاها.

احمد : لاسف لا .... الحاله وضعها صعب ...ده مضروب وخبطة عربية جسمه كله مليان كدمات وحصل ليه زي غيبوبة ....والنسبه الاكبر ممكن يموت ...او لو قام ممكن مايكونش طبيعي ...بنسبه كبيرة

سليم:طب ينفع اكلم حد من اهله.

احمد : ما هي اخته اللي كانت قاعده هنا.

سليم :تمام ...اسمها ايه.

احمد : معرفش اسمها ايه لاسف

سليم :طيب ممكن حد يبعت يجيبها.

احمد :تمام

احمد ض*ب الجرس

الممرضه: افندم حضرتك طلبت حد

احمد : تحب تشرب ايه .

سليم :قهوه مظبوطه.

احمد : 2 قهوه مظبوطه ...وتروحي تن*دي على الانسه اللي كانت هنا اخت الحاله

...ومر وقت والباب خبط

احمد :اتفضل

مليكه :حضرتك طلبتني ...في حاجه حصلت

احمد :حضرتك الرائد سليم محتاج يتكلم معاكي

مليكه : اتفضل

سليم في سره مع نظره غريبة في اتجاهها :طب دي اتكلم معاها ازاي ....يخربيت جمالك يا شيخه

احمد ينظر لسليم

احمد : يا سيادة الرائد حضرتك معانا

سليم :مين حضرتك

مليكه : انا مليكه البكري ...اخت ياسين الكبيرة ووليه امره

سليم : طب فين والده وولدته

مليكه :والدي متوفي ..ووالدتي ..موجوده ...بس حاليا ظروفها محدش هيعرف يكلمها ...ولا تعرف حاجه ...علشان كده ..قولت اني وليه امره

سليم : هو حضرتك مخطوبه

مليكه : نعم

احمد بغضب: معتقدش ان ده وقته ولا ليه علاقه بالحادثه

سليم :انا اسف....وفي سره ..حرام عليكي في حد كده

مليكه :هو حضرتك حضرتك جاي تحقق ولا تخطب

سليم بسرحان : الاتنين

مليكه : نعم....حضرتك عايز تسالني في ايه

سليم وهو ينظر لمليكه : اه ...نسيت ..كنت عايز اعرف ياسين ليه اعداء ....او تعرفي حاجة عن الحادثة

مليكه :لا طبعا ....هو مالوش في حاجه تقريبا ...هو مركز في دراسته بس ..وشغله بس

سليم:هو مش طالب

مليكه :اه طالب بس بيدرب في الصيف في شركه مقاولات

سليم :اسمها ايه

مليكه :اسمها شركه النور لمقاولات

سليم : دي اللي ملك عيله الصيرفي

مليكه : ايوه هي.....بس ليه

سليم :علشان الحادثه فيها شبه جنائيه

مليكه :ازاي

سليم : في فيديو من كاميرا محل قريب من مكان الحادثه العيال اللي ض*بوه كانوا قاصدينه هو ...لأن مفيش موقف حصل ..لأن اخوكي كان خارج وشكله تعبان ...ودول ما صدقوا مسكوا فيه كأن كانوا بيتلككوا ليه ...اعتقد مش هتحبي تشوفي الفيديو احسن

مليكه شافت الفيديو

مليكه :يعني هم قعدوا يستنوا انه يخرج وراحوا ض*بوه وفي نص الخناقة تطلع عربية تخبطه ...طيب ليه

سليم : بالضبط اللي انتي قولتيه ...بس السبب هيبقى إجابته عندك انتي أو حد من القريبين ليه

احمد: هو اللي ض*بوه كانوا هيض*بوه وخلاص ليه بقى حكاية الحادثة

سليم : احتمال كبير اللي عمل الحادثة مش اللي خبطه بالعربية .. لأن العيال اتفاجوا زي ياسين من رد فعلهم في الفيديو ......ده هم جروا ولو كانوا متفقين كانوا ركبوا معاه العربية .....

احمد : يعني مش ممكن حكاية العربية صدفة

سليم : لا ...لأن في الفيديو ...ده قد راكن مستني ...ان ياسين يخرج ...وقاعد من قبل حتى ما يجي يعني هو مخطط للموضوع كويس

مليكة : طيب وليه معلمش حكاية الحادثة في وقت تاني

احمد : فهمت ....علشان في شهود على الض*ب ...لكن الحادثة ...الشهود هيقولوا حصلت صدفة يعني من الاخر ...لعبها صح ...علشان العيال التانيه تشيل الليلة

مليكة بغضب وصوت عالي : باغلى حاجه عندي لهاجيب حقه ...هو عمل ايه علشان يتعمل في كده

احمد : المشكلة مش في كده

مليكة : في ايه تاني

احمد : اللي عمل كده حد يعرفه ويعرفه كويس ...لأنكم لاحظتم تعب ياسين في الفيديو

مليكة : وايه المشكلة

احمد : المشكلة ....لاقينا في دمه ....أدوية مهدئة ...ممكن تسبب الادمان ....هو اصلا عمره اخد مهدئات

مليكة بصدمة : عمرها ما حصلت ...ماكنش بياخد أدوية اصلا وشايف ان العلاج لازم يكون طبيعي .....بس حضرتك عرفت منين أن حد عمل فيه كده

احمد : ماهو ده الاحتمال الأكبر ...لأن دمه بيقول أنه اخد الدواء ده في فترة وجوده في الكلية ...فأكيد مش صدفه لو انتي بتقولي انه عمره ما اخد أدوية ....ممكن حد حط ليه الدواء ...وعارف انه هيتعب لأن الجرعة كانت عالية وكان ممكن تقتله دي لوحدها ...علشان اللي بره يعرفوا يض*بوه وخاصة أن شكل ياسين كان رياضي ...وجسمه مساعده

مليكة : كان فعلا بيلعب رياضة ..وكان بيلعب بو** ...بس اللي أنا مستغرباه انه كان من النوع المسالم جدا .. عمره ماكان بتاع مشاكل ...يظهر مشاكل وأعداء ...بحسرة ...ايه اللي بيحصل يا ربي

سليم : الحكاية هتتعرف من العيال دول ...احنا قربنا نجيبهم

مليكه : طيب محدش عرف صاحب العربيه ...او اللي راكبها ...ممكن تساعد بحاجه أو نفهم حاجه في القصه دي

سليم : لاسف ...ازازها مش مبين اي حاجه..

ارقام اللوحه واضحه ....وبنفرغ الكاميرات الباقيه

مليكه بغضب :طيب وهو حضرتك جاي تفرحني انك مش عارف تجيب حاجه عن صاحب العربيه ولا العيال اللي ض*بوه

سليم : ياريت حضرتك تهدي بس ..لا هنجيبه ونجيبهم ...بس علشان نسرع عملية البحث..فكنت عايزه اشوف في مشتبهين لان دي مش حادثه عاديه ...دي شروع في قتل

مليكه:انا اسفه .في طريقة كلامي مع حضرتك ...بس عايزه اعرف اللي عمل كده في اخويا

علشان اخد حقه منهم ....انا اخويا عمره اذى حد .

سليم :اهدي بس كده وانا هاجيب ليكي اللي عملها

وفجاه باب مكتب احمد خطب

احمد : اتفضل

الممرضه : الحقنا المريض بتاع الحادثه ...قلبه وقف

قام كلا من مليكه واحمد بالجري عند اوضه ياسين

احمد : معلش لازم تخرجي بره

مليكه ...اوعى تسيبنا ياسين ....ماليش غيرك يا حبيبي

الممرضه : معلش لازم علشان نلحقه

خرجت مليكه بره اوضه ياسين

سليم :هيبقى كويس ...متقلقيش ....هيبقى كويس

مليكه : يارب

سارة : مليكة في ايه

مليكة : قلب ياسين وقف

سارة : ايه ...هيبقى كويس أن شاء الله

مليكة : اللهم امين ...ماما ومنال فين

سارة : كانوا طالعين ورايا

وبعد مده.............خرج احمد

مليكه بدموع ...ومنتظراه برجاء

احمد : لاسف .....حاولنا نلحقه ...بس البقاء لله

مليكه : ياسسسسسسسسسسسسسين

وفي تلك اللحظه ...ليلى ومنال كانوا وصلوا وسمعوا اللي حصل

وسقطت ليلى مغشي عليها

***************************************

في اوضه عند ليلى

مليكه : فوقي يا ماما ...حرام عليكي ...بلاش انت كمان

منال بعياط : علشان خاطري ...قومي

سارة : يا لولا متقلقناش عليكي ونبي فوقي

فتحت عينيها ..بس مش عارفه تتكلم

مليكه : في ايه مالك

ليلي مش قادره ... تتكلم

احمد : انسه مليكه ....ممكن معايا لحظه بره

خرجت مليكه مع احمد

احمد : انا عارف الموضوع صعب ....بس لاسف ...مش عارف اقول ايه

مليكه :حاله ماما ايه ؟

احمد : لاسف جالهاصدمه نفسية ...كل جسمها حيويا تمام ...بس الكلام ده نفسي ومشكلة الحركة برضوه نفسي

مليكه :طيب مفيش علاج

احمد :في بس لاسف محتاجه تبعد عن هنا خالص ....وتسافر اي مكان تاني وتابع فيه علاجها...علشان حالتها النفسيه ..وهتبقى كويسه

مليكه :ممكن ابعتها اسكندريه عند خالتي

احمد : هيبقى احسن ....بس ياريت في اسرع وقت

مليكه :اول ما تخرج على طول ....هاسافرها.

انسه مليكه ....انسه مليكه .....

مليكه : سياده الرائد ...في حاجه جديده

سليم : ايوه عرفنا صاحب العربية

مليكه : مين

سليم :..........................................

يا ترى مين صاحب العربيه ................؟

رد فعل مليكه .........................؟

وايه دور سليم واحمد .....في اللي هيحصل ؟ ???