مجانين في مطاردة

البارت الثالث

مليكه : مين صاحب العربيه؟

سليم : اسمه لؤي الصيرفي .... طالب في كليه تجارة .... وابن صاحب الشركه اللي اخوكي كان بيدرب فيها .

مليكه : انا معرفوش شخصيا .... بس ممكن منال اختي تعرفه ...ثانيه واحده هاكلمها ... و اخليها تخرج لينا نفهم ايه الحكايه.

مليكه ... تتصل بمنال .

منال : ايوه .

مليكه : اتكلمي بعيد عن ماما و ياريت لو نفع تخرجي ليا تمام و اعملي نفسك بتكلمي اي حد تاني مش عايزها تحس بحاجه

منال : حاضر .... هي نايمه دلوقتي انا خارجه ليكي .

سارة : منال في ايه يا بنتي ؟

منال : مليكة عايزاني بره

سارة : مقالتش ليه

منال : لا ....

سارة : طيب انا جايه معاكي

منال : و هنسيب ماما لوحدها

سارة : ماهي نايمه ...هنشوف مليكة عايزه ايه و نرجع بسرعة قبل ماتصحى ...لأن ملكية مش هتكلمك كده الا لو الموضوع ضروري

منال : ماشي

خرجت كلا من منال و سارة.....لمليكة اللي كانت واقفه معاها سليم و احمد

منال بقلق : في حاجه حصلت ؟

سليم ...لاحمد ....ممكن نروح مكتبك مش هينفع نتكلم هنا

احمد :تمام ....اتفضلوا معايا

في مكتب يتميز بالرقي بلون السماوي الهادي و مكتب من لون البني الغامق الذي يميل لأ**د و تجد بعض من الكتب مرتبة بنظام و عناية فمن يرى هذا المكتب ..يكاد أن يجزم أن هذا مكتب في عيادة خاصة ..و ليس مكتب في مستشفى ...

سارة بصوت خافت : باقولك ...هو ده مكتب دكتور

مليكة : ده وقته

سارة : طيب بصي كده ..شكله كده ياعني موسوس نظافة

مليكة : اما يبقى شبهك كل ما ادخل البيت عندك الاقي هدومك في اي حته ...شكله منظم مش موسوس ...

سارة : هيطلع بعد كده موسوس وتقولي سارة قالت

مليكة : بس بقى ...خليني اسالها .....منال انتي تعرفي حد اسمه لؤي الصيرفي

منال : ايوه طبعا ....و انتي كمان تعرفيه

مليكه :لا معرفوش

منال : لا ....تعرفيه الولد ...اللي كان موجود امبارح معايا

سارة : قصدك الواد الملزق ده

منال : اه هو ......ليه

سارة : مش ده الواد قعد يعا**ك امبارح

مليكة : اه ...عرفته

احمد : حصل الكلام ده امتى

سارة بضحك :اه ....عا**ها ...و اخد اللي فيه النصيب

سليم : ازاي يعني

وهناك من تنظر بغيظ لتلك الفتاة ...

فلاش باااااااااااااااااك

لؤي : حرام على الجمال ده يزعل ...هيبقى كويس أن شاء الله

مليكة : افندم

لؤي : انتي يا قمر مش لايق على وشك الحزن

مليكة : انت ع**ط يلا .....انا مش ناقصه بلاوي

لؤي بغيظ : بلاوي ....

مليكة : يا فتاح يا عليم يا رزاق يا كريم ....انتي يابني مش كنت مشيت ...بتعمل ايه في كافتيريا

لؤي : قولت استنى يمكن محتاجه حاجه

مليكه: امشي من وشي مش ناقصه

لؤي : هو انتي فاكره نفسك مين

مليكه: هاكون فاكره نفسي مين انا واحده اخوها مرمى في المستشفى و حضرتك جاي تعا** و لا مراعي ظروف و لا مراعي حاجه و خلي عند اهلك دم و خذ بعضك و امشي من هنا عشان مش ناقصه وجع دماغ و اعتقد ان احنا فينا اللى مكفينا اتفضل امشي من هنا ..و تقولي ....هو انت بتكلميني كده ليه انا مش فاهمه يعني انت بتكلميني كده ليه هو البعيد انت ما بتفهمش يعني انت جاي في مستشفى و جاي قعدت عا** وقعدت تهزر ومبتحسش يا لهوي خلي عندك اقول ايه ده لانه واضح كده ان انت ما عندكش دم اصلا اتفضل امشي من هنا مش ناقصين وجع دماغ انت فاهم ولا لا

لؤي : طب ما تزعليش نفسك هتبقى كل حاجه كويسه و ياسين هيبقى كويس ان شاء الله

مليكه: لا حول و لا قوه الا بالله انا سمعت عن بني ادمين كده بس اول مره اشوفه هو انت ما فيش يعني حاجه انت ما بتفهمش ما فيش اي حاجه خالص

وتركته مليكة و هي ذاهبة امسك لؤي بذراعها بقوة مليكه

مليكة بصوت يشبه الفحيح : انت ازاي تمسك ايدي بالطريقه دي

لؤي :و هو ما ينفعش ابقى باكلمك و تسيبيني و تمشي مليكه ماشي و قامت مليكه لفه ذراعه و قامت بض*به عشان انت واضح ان انت ما مينفعش معاك الذوق و مش محترم و ما عندكش دم انت شكلك كده مش هتيجي معك الا قله الادب و انا هاعرف اتعامل مع اشكالك ازاي

لؤي بغضب : و ربنا لاوريك ....انا يتعمل فيا كده ...و الله اخد حقي منك

مليكة بضحك : اما نشوف

باك

مليكة بصوت خافت : عجبك كده ...مش هتتلمي فضحنا في كل حتة

سارة: و انا مالي يا لمبي

مليكة: ادعي عليكي بايه و انتي فيك العبر ...يابنتي راعي اللي احنا فيه

سارة بحزن : و الله مراعيه ...بس شوفي اختك عامله ازاي لازم افكوكم شويه ...علشان متتعبش مننا تاني

مليكة بتنهيده : و الله معاكي حق ....بس يا بت انتي مش هتبطلي عمايلك السودة

سارة بتعجب : هو انا عملت حاجه......و لا اتحركت

مليكة بغيظ : عم عبدو اشتكى منك تاني

سارة باستهبال : مجتش جنبه ...و لا اعرف حد اسمه عم عبدو

مليكة : عيني في عينك ....يعني مش انتي اللي غيرتي مكان شبشبه ...المرة دي زي كل مرة

سارة : هو يعني كان لوحده .....اشمعنا هو اللي....اشتكى

مليكة : علشان الباقيين محدش شافك ياختي غيره

سارة : صحيح راجل قفوش

مليكة بغيظ : هو اللي قفوش ....و انتي ملاك ...يا جبارة... تروحي تغيري اماكن الشباشب و الناس بتصلي ...تشيلهم من قدام باب وتحطيهم على الباب التاني

سارة : اصل مش هم كانوا بيتسرقوا

مليكة : اه

سارة : انا باغير المكان علشان الحرامي ميعرفش حاجه

مليكة : ماشي ..هاعديها ...لكن الراجل اخر ياعني ما اتخنق ...بقى يدخل بكيس ...في الشبشب ...برضوه ما سبتيش الشبشب في حالة ...بعت حد اخده من جنبه

سارة : اهو انتي قولت ...كان في فرصه يتسرق

مليكة :....الشبشب يتسرق و بالنسبة الكشك ...اللي كل يوم تروحي ...و تبدلي اماكن الحاجه و الراجل ياعني بيتلخبط

سارة : بأسليه ....هو وحداني و انا وحدانيه ....

مليكة ورافعة حاجبها : وحدانية وحداني ....بت اوعي تكوني ...بتحبي عم عبدو .....

سارة بصوت عالي : يااااالهوي ...بتشكي فيا مع عم عبده ....و لكن ناسيا أنهم في مكتب دكتور احمد و هناك من ينظرون إليهم بحالة من الصدمة مع المفاجاه

احمد و سليم في نفس الوقت : عم عبدو مين

منال : ...............

ملكية بتشاور على سارة : انا مقولتش حاجه هي اللي قالت

سارة : عن اذنكم .....اوبس نسيت أن ورايا ميعاد .....

مليكة : اتفضلي ...خليكي قاعده لما نشوف ايه اللي هيحصل

احمد : لو سمحتي بس ....الكلام ده كله كان امتى وفين ؟

سارة بصوت خافت : ده باين عليه غ*ي ..... حضرتك في الكافتيريا تحت ... حضرتك

احمد : محدش قال حاجه من ساعتها

سارة باستغراب : بصفتك ايه

احمد بتوتر : يعني ايه ؟.....انا قصدي أن محدش جه بلغنا أن في مشكلة تحت

سارة : اه ...باحسب ...

مليكة : تحبي تديله رقم التليفون بالمرة

سارة : اه لو ينفع

مليكة : اطلعي بره

سارة : خلاص هاسكت

سليم مع كتم غيظه في سره : و ربنا لوريه ...ثم انت مالك انت ...و انت ازاي تسيبه يعا**ك .

سليم بغيظ : اعتقد فقرة الكوميديا خلصت ....يعني ده طلع هو

منال : اه ...هو ليه

مليكه : ايه اللي بينه و بين اخوكي يوصله انه قتله

منال : ازاي ....لؤي قتل ياسين امتى

مليكه : ما هو صاحب العربيه

منال :مستحيل هو اللي عمل كده

مليكه : بتدافعي عنه ...ده قتل اخوكي

منال :مستحيل .....لان وقت الحادثه كان معايا انا و بيري بنت عمه ...في الكليه

سليم : يا انسه منال ممكن تحكي اللي حصل اليوم ده ....و قصت منال ماحدث مع استغراب الجميع

مليكه بعصبيه :...و ده ازاي ان شاء الله

سليم :اهدي بس يا انسه مليكه .....طيب هي دي مش عربيته

منال : ايوه ...هي ...بس يوم الحادثه مجاش بيها اصلا ...و بقاله فتره مش بيجي بيها ....و قال انها فيها مشكله و في التوكيل بتتصلح.

مليكه : طيب هو حصل بين ياسين و لؤي...قبل كده

منال : معرفش الصراحة ...بس هم مش بيطيقوا بعض خالص ...هو لؤي كل شويه يعمل مشكلة مع حد و يطلع منها.....

مليكه بتهكم : عادي ...طيب ....يعني مسعمتيش حاجه خالص ...

منال : بصي ....هو انا اللي اعرفه ان ياسين مرة اتخانق مع حد بس معرفش مين .....و كان الموضوع جامد ...

مليكة : انتي كنتي فين وقتها

منال : الاسبوع اللي كنت أنا في البيت كنت عيانه وقتها ..... يومها انا شوفته كان شكله متضايق ...لما سألته قالي ...مفيش حاجه سوء تفاهم وموضوع خلص ...و اني مش اجيب سيرة الموضوع ده تاني ...و عرفت لما روحت انه اتخانق بس معرفش مع مين

سليم : تمام ...فاكرة الموضوع ده من امتى

منال : من كذا شهر

سليم : طيب ثانيه ...واحده هتعرف اللي حصل

و خرج سليم لمعرفة من صاحب المشكلة مع ياسين

مليكة : انتي مقولتيش ليه ...و ثانيا...انتي ازاي تعرفي الاشكال دي

منال : هو اللي قالي مقولش و قولت يمكن حاجه بسيطه

ثانيا ...هو لؤي ماله اصلا ...كان معانا وقتها يعني معملش حاجه ...و ما شوفتش منه حاجه

سارة : انه يجي هنا ... و يبقى معندوش دم

منال : هتلاقي ملكية فاهمه غلط

ملكية وايديها على وشها : يارب صبرني ...

احمد : اهدي يا انسه ....كله هيبقى تمام .....

سليم دخل و علامات الغضب على وجه

مليكة بترجي : عرفت توصل لحاجه

سليم : ايوه ....اللي كان ياسين ...متخانق معاه هو لؤي ...

سارة : ليه ؟

سليم :.........….................

فلاش باك

تقف فتاة في منتهى جمال بعيون تشبه القطط خضراء اللون ذات ملامح بيضاء...ترتدي خمار لونه بيج و ملابسها جميعها من نفس اللون ...ترى أنها حورية ..تحمل كتبها و تنتظر أحد صديقاتها ...و هذا كان من حظها العاثر

لؤي : ايه يا عسل ....هو الجميل في كليه ايه

البنت : ..................

لؤي : مش بتردي ليه

البنت : ياربي ...اتاخرتي ليه ...

لؤي : مش معبرنا خالص ...مستنيه حد ...استناه معاكي

البنت : لو سمحت حضرتك ....امشي ...و سيبني في حالي

لؤي : ما انتي بتعرفي تتكلمي اهو ...اما عامله خرسا ليه من الصبح

البنت : يارب ...على المتخلف ...ده

لؤي : ايه ياروحي ....بتقولي ايه

البنت : و انت مال اهلك يا شيخ ......يا عم انا ماليش في الليله بتاعتك دي

لؤي ...مسك دراعها و لفه ورا ظهرها

لؤي: هو انتي فاكره نفسك ايه .....يا ماما فاكره نفسك بني ادمه ....ده اللي بتشتغل عندنا انضف منك ....و زقها على الارض....و ض*بها ...

و اللي شاف كل الحكايه ....ياسين ....

ياسين : انت يا حيوان في حد يض*ب بنت كده....محدش علمك في بيتكم ان محدش يمد ايديه على واحده

لؤي : و انت مالك .....انا باربيها ....مين دي اللي بتقولي لا ....و شدها من شعرها

البنت بعياط : و الله ما اعرفه

لؤي: اخرسي بقى هاشوفه واجيلك

البنت برعب : ما تسيبني في حالي

لؤي : لسه حسابنا مخلصش يا قطة ... و راح يمسكها

في ثانيه ....كان ياسين شال ايديه ...من عليها ....و بعدها .....و ض*ب لؤي ....قدام الجامعه كلها ......

ياسين للبنت : قومي متخافيش محدش هيعرف يعمل ليكي حاجه تاني ....

البنت : شكرا ...مش عارفه...من غيرك كنت عملت ايه

لؤي : و ربنا لندمك على اللي عملته ده ......

ياسين : ..................

بااااااااااااااك

سليم : بسبب الحكايه دي كان لؤي هيترفد ....خالص ....بس اتحلت ...انهم محدش فيهم يقرب ناحيه التاني والا الاتنين كانوا هيترفدوا

مليكه : و انا اخر من يعلم

منال :ياسين قال مقولش ....علشان الموضوع مش متساهل ... و علشان انتي متضايقش ..بس فعلا ماكنتش اعرف ان ده سبب الخناقة أو أنها مع لؤي

مليكه :حسابنا بعدين .....المهم و البنت فين

سليم : اللي عرفته انها انتحرت بعدها بفتره ....و اللي اعرفه انها كانت في كليه الطب ....لاقوها منتحره في سكن الطالبات

مليكة وسارة : انتحرت ...ليه

سليم :اللي فهمته انها كانت كان عندها اكتئاب ...و لقوها منتحرة

مليكة :مش يمكن اتقتلت ...هي كمان

سليم : ممكن الله اعلم ...بس التقرير بيقول انها منتحرة

مليكه لسليم : الوضع دلوقتي ايه

سليم : لاسف مفيش دليل .... و خاصه انه كان مع اختك .......هتبقى شاهد معاه ... و لو مظهرش حاجه تانيه ...لاسف هتتقفل ضد مجهول

مليكه : ازاي يعني ....نبقى عارفين انه القاتل

منال : و الله العظيم كان معايا انا بيري ساعتها ...يبقى ازاي راح قتله وجه ...و هو واقف معانا .

سارة : مش ممكن يكون عمل كده علشان محدش يشك فيه

سليم : ايوه و ممكن يكون حد تاني .......هو هيبقى حد حب يتنقم من الاتنين عمل كده علشان لؤي يشلها ...بس الصدفه ان لؤي كان مع منال ....فالخطه باظت .

احمد : طيب و الحل ؟

سليم : لازم نلاقي العربيه عنده و الشخص اللي عمل كده يظهر و يعترف على لؤي .....هو عامه انا كل الكلام اللي حصل هنا ده بشكل ودي ......هيتقال في تحقيق رسمي .....و لازم كل الكلام اللي هنا استاذه مليكه و منال ....تجيوا بشكل رسمي في النيابه...و هنجيب لؤي برضوه ..لأنه المشتبه الوحيد لسه

مليكه : تمام .....انا هاجي و بلاش منال علشان ماما

سليم : مش هينفع ...لأن دي جريمة قتل ..هيجي ليكم استدعاء بشكل رسمي....لازم انتم الاتنين

احمد : مفيش مشكله يا انسه مليكه .....روحي انتي و انسه منال ....النيابه ...مامتك هاقعد حد معاها

ممرضه ....وانا هاشوفها بنفسي

سارة : وانا هاكون معاها متخافيش.... و هاجي اطمن عليكم

مليكه :...طيب هو ممكن اعرف اقدر استلم جثه ياسين امتى علشان الدفن

احمد : تخلص علشان الاجراءات ....و هابلغ حضرتك علشان تستلميها

مليكه :تمام ....شكرا لحضرتك .

***********************************************

في مكتب وكيل النيابه

يدخل شاب في الثلاثين من عمره ...يشبه سليم إلى حد كبير ...مع اختلاف لون العينين ...فلون عينيه زرقاء ... عمر الالفي ابن عم سليم

عمر : ممكن اسمك وسنك ...

-اسمي لؤي ادهم الصيرفي .....عندي 28 سنه ....في كليه التجاره

عمر : كنت فين وقت الحادثه ؟

لؤي :كنت في الجامعه.

عمر : في شهود على كده .

لؤي :اه بيري بنت عمي ....و منال اخت ياسين

عمر: الفيديوهات ....دي فيها عربيتك بتخبط ياسين ...ايه رايك فيها

لؤي : معرفش عنها حاجه

عمر :حظك ان الازاز اسود ....مش باين من اللي جوا العربيه ....

محامي لؤي ....راجل في الخمسنيات من عمره ....يظهر عليه الهدوء ...و لكن في الحقيقه ....خبيث لدرجه ...انه طوال عمره لم يخسر قضيه واحده

هو فريد الصياد

فريد : هو لحد دلوقتي معرفتش موكلي موجه ليه تهمه ايه بالظبط .

عمر : بتهمه قتل ياسين ...وخاصه ان كان في خلاف معاه ....و الجامعه كلها شاهده ان اتخانق معاه قبل كده .

فريد : دي حاجه بقالها فترة .. .اشمعنا دلوقتي يعني .

عمر : فترة ...مش طويله ..برضوه ..مش معنى انها متمتش في ساعتها يبقى عدى عليها فترة ...معلش ....تعالى على نفسك شويه ....ازاي يا لؤي عربيتك خبطت ياسين .

لؤي : معرفش طبعا .

فريد : حضرتك مش عارف القانون

عمر بغضب : هو انت اللي هتعلمني القانون .

فريد : طيب ...اتفضل حضرتك .

عمر : ايه ده

فريد : دليل براءه موكلي ...ده محضر سرقه العربيه من قبل الحادثه باكتر من اسبوعين ......وبما ان الشهود كمان ...مع موكلي ....فبالتالي ...انت عارف الاجراءات

عمر مع كظم غيظه :تقدروا تتفضلوا.

**********************************

فلاش باك

سليم يتكلم في التليفون

عمر : عاش من شافك

سليم : باقولك ...في اخبار جديده ...في قضيه ياسين البكري

عمر : و انت مالك ...مش اتحولت عندنا خلاص

سليم : اصلها تهمني اوي .....

عمر : تهمك ازاي يعني ..... من بقيه اهلك

سليم :يا عم ما تنجز هو لازم لما اكلمك تفضل تلف و تدور

عمر : سليم انا ابن عمك اه ...تمام ...و احنا كنا مع بعض في كل حاجه ...حتى الدراسة كنا قد بعض ...متلفش وتدور عليا ايه حكاية القضية دي

سليم :تصدق انك رخم يا سيدي...كل الحكاية ...انها قضيه غريبه ومش مفهومه نهائي ...المشتبه ...الوحيد كان موجود في حته تانيه ...و ان يطلع عيال يض*بوه ...و عربية تخبطه في نفس ذات الوقت ....اللي هو ازاي يعني

عمر: خلصت ...مش عليا هتوهني ...وانت بيفرق معاك قضايا زي دي ...انت عندك بلاوي اكبر أنجز

سليم بتوتر : بصراحة بصراحة ....

عمر بضحك: بصراحة ايه بقى

سليم : عايز اتجوز أخته

عمر : انت بتتكلم جد...و لا بتهزر

سليم : لا مش باهزر

عمر : يانهارك الاسود ...عايز تتجوز اخت القاتل ...اه لو صافي عرفت

سليم :يلا ...انا باتكلم على اخت القتيل

عمر :ياراجل .....جت اللي وقعتك ....ده انا هاموت و اشوفها .......سليم الالفي بجلالة قدره وقع اللي كان مض*ب عن الجواز ....لا دي سرها باتع ....لازم أشوفها

سليم بغضب :اخرس ...دي هتبقى مراتي ....ما انت هتشوفها ...ما هي دي اللي هتحقق معاها

عمر بضحك: ايوه صح .....انا هاحقق مع اخواته

سليم بحب : براحه عليها ....و انا هادور كده يمكن نلاقي حاجه

عمر : اوبااااااا...ده انت واقع بقى

سليم : اخرس

عمر : ماشي يا عم الله يسهلوا ....ملهاش اخت

سليم : لا ليها يا خفيف ...وخلي ليلتك تعدي ...و نسيت اتوصى بالواد اللي هيجي .....علشان شاكك ان هو اللي وراها ...وانا عايز اخنقه اصلا

عمر : ليه ...عمل ايه

سليم : عا**ها

عمر : قولي كده ....و انا اللي قولت مركز في شغل وشاغل باله القضية صعبه ...و انت عايش حياتك ... بس متخفش انت عارف اني باعمل شغلي مظبوط مش محتاج واصيه

باك

مليكه : سياده الرائد ...حضرتك بتعمل ايه هنا

سليم : صباح الخير

مليكة : صباح النور

سليم : عندي شغل هنا

مليكة : تمام .....هو المفروض ايه اللي يحصل

سليم : هيتحقق معاكم انتم ولؤي .....والتحريات هتشتغل لحد ما توصل لحاجه ...فين انسه منال ؟

مليكة : طالعة ورايا

خرج لؤي مع المحامي .....من مكتب الوكيل

مليكه باستغراب : هو ما اتقبضش عليه ليه

سليم : اكيد مالقوش عليه دليل

لؤي لمليكة : ازيك ...حقي لسه هاخده يا قمر ..

قبل ما مليكه تنطق كان سليم ض*ب لؤي

لؤي :اااااااااااااااااااااه....و ربنا لاوريك

جت منال على صوتهم

فريد :بس يلا بينا يا لؤي بيه

لؤي : ازيك يا منال ..

منال : انا الحمد لله ....و ايه حكايه عربيتك اللي خبطت ياسين

لؤي : مش عارف ...العربيه مسروقه اصلا بقالها مده

منال : مش قولت...انها في التوكيل

لؤي : اما اقولك ....اني اتعلم عليا و حد سرقها ...

منال : يبقى هو اللي عمل كده ....هو اللي خبط ياسين

لؤي : مش عارف هو حد بيكرهنا احنا الاتنين .....بينتقم مننا

منال :مش عارفه بجد ....ايه اللي بيحصل

لؤي :لو احتاجتي حاجه كلميني

منال : تمام

في نفس الوقت مليكه اخدت سليم على جنب

مليكه بغضب : ايه اللي انت عملته ده اتجننت

سليم : هو انت مش سامعاه

مليكه :اه سمعته ....بس كنت هاربيه بعدين مش وقته دلوقتى

زاد ....انت تتصرف كده ليه اصلا ....تقربلي ايه اصلا

سليم : علشان .....

مليكة : علشان ايه

سليم : علشان عايز اتجوزك

مليكه : و ده ازاي أن شاء الله ...هو انا اعرفك ولا انت تعرفني

سليم : من اول ماشوفتك ..وقولت انتي اللي هاتجوزك

مليكة : و المطلوب

سليم : مش فاهم

مليكة : بص...انا مش بتاعته أن انت تجي تقولي الكلام ده هتلاقي قلوب طايرة من عيني ...تمام ..فأنسى القصة دي ...علشان اعتقد انا في ظروف شكلها ايه

سليم : انا عارف أن ظروف مش سامحه ...و كانت أول ما هتسمح كنت هاتقدم لكي على طول

مليكه : ممكن ناجل الكلام في الموضوع ده .....

سليم : تمام ...براحتك

*******************************

عمر:. ممكن تعرفي نفسك ؟

مليكه :مليكه طاهر البكري ....27 سنه .....و باشتغل محاسبه في شركه العز

عمر : ممكن تحكي اللي تعرفيه

مليكة : ياسين .....................و حكت مليكة كل اللي تعرفه

فجاه ...الباب خبط

عمر :اتفضل .

دخول عسكري ...ومعاه ورق .

عمر بص في الورق ....

ملامح عمر تحولت للغضب و قام بالضغط على الورقه

عمر : اكتب عندك ........

مليكة : انا مش فاهمه حاجه

عمر : الورق ده ....العربيه لقوها محروقه على الطريق الصحراوي ....و مفيش فيها اي دليل على اي حاجه

مليكه :يعني حق اخويا راح .....و العيال اللي ض*بته

عمر : بندرو عليهم لسه .. كان نفسي اساعدك ...بس كده مفيش و لا دليل على حد ....هنخلص الاجراءات ...علشان تدفنوا الجثه .....اول ما العيال تظهر ..هم الدليل على لؤي لو هو ليه يد في الموضوع ده

مليكه : شكرا جدا لحضرتك ...وانا هلاقي الحقيقه بنفسي

**********************************

مصطفي : الو يا باشا ...

الباشا : ايوه يا مصطفي

مصطفي : محسن عايز المره دي50000 يا اما هيبيع لغيرنا

الباشا : ده طمع اوي....عامه نشوف لو في حاجه تستاهل

مصطفى : هو بصراحه تستاهل جثه ملهاش اهل ...و انا شوفت جثة ...تنفع ..تستاهل

الباشا : طيب خلص معاه .....و بعدين نشوفله حل ...ماهو برضوه بيجيب حاجات حلوه وبينفعنا

مصطفى :تمام يا باشا ....و هناخدها فين

الباشا : على المكان بتاعنا في المستشفى

مصطفى :تمام هيكون عندك

**************************************

مصطفى :حبيبي يا محسن

محسن : ايه الاخبار ؟

مصطفي :تمام ...فلوسك جاهزه

محسن :تمام ...استلم الاول

مصطفى : تمام ....هابعتهم في المكان اللي بسيبهم فيه كل مره

محسن :تمام ....انا هاستناكم وتدخلوا تاخدوها هو مفيش غيرها اصلا ...

مصطفى :تمام

************************************

_انت يا متخلف ...انا قولتك تموته ....انا قولت تربوه بس

_و الله العظيم ده اللي حصل ...منعرفش العربية دي طلعت منين

_اما مين اللي كان سايق العربيه

_منعرفش ...احنا عملنا اللي قولت لينا عليه ...بس روحنا ملقناش العربيه اصلا ..عقبال ما العيال تخلص ترويق ...

_ هو ده الترويق عندكم ....ده كان هيموت من العيال

....و ازاي العربية حد تاني ياخدها يخبطه بيها ....

_ و الله ما نعرف ....احنا اتفاجئنا زينا زيك

-احنا هنستعبط ...... قولنا يمكن رجعت في كلامك ...لما نجي نفهم منك

-انا معايا شويه متخلفين عقليا .....والعربيه ظهرت على الصحرواي ازاي ...........اهي بقت قضيه قتل .... و انا متهم فيها ....و العيال دي لو ظهرت

محدش يعرف عنك حاجه اصلا ...ولا يعرفونا ماشوفش حد ...غير صورة ياسين بس ...والفلوس

_ بس في طريقة ممكن الموضوع يخلص خالص

-ازاي

-لو بقى مفيش جثه ...و بالتالي مفيش قتيل مفيش قضيه .

********************************

احمد كلم سليم

احمد : الرائد سليم ....ممكن حضرتك تجي المستشفى حالا

سليم : افندم يا دكتور احمد .....

احمد بتوتر: مش عارف حصل ازاي .....في مصيبه .... و مش فاهمين حاجه....و مش عارفين نحلها ازاي ...

سليم :براحة كده علشان افهم .....ايه اللي حصل ؟

احمد :جثه ياسين

سليم :مالها

احمد :اختفت

سليم :................................

ياترى ايه اللي هيحصل المره الجايه

مين اللي قتل ياسين ......؟

لؤي ولا حد تاني ...........

كل ده واكتر هتعرفوا الحلقة الجاية.......