مجانين في مطاردة

البارت الرابع

سليم : يعني ايه جثه تختفي من مستشفى ...لا و كمان في قضيه

احمد : انت بتسالني انا ......مش المفروض عليها حراسه

سليم : ..دي جثه ..مش مسجون .... يعني مش هتمشي ...و هي فعلا كان عليها حراسة بس القضية...مفيش دليل ....بس ازاي خرجت من المستشفى....زاد انت عرفت ازاي انها اختفت ..و امتى.

فلاش باك

احمد للممرضه ...اخبار حاله الاوضه 209

الممرضه : تمام يا دكتور ...لسه على وضعها ....شكلك يا دكتور ..تعبان ...ارتاح شويه ....شكل حضرتك متأثر من حالة الحادثة بتاعته امبارح

احمد بتأثر : فعلا ...و كمان ياسين ده صعب عليا اوي لسه في عز شبابه

الممرضه : فعلا ....و لا مامته و اخواته... هيعملوا ايه من غيره ...و الله ..برضوه وجود راجل في البيت بيبعد عننا المشاكل ... ده الواحد مش قادر يتخيل حياته من غير ابو سيد .. هو اه مف*ج علينا الشارع ...و كل يوم بهدلة....بس و ربنا حنين و من طبيته عصبي حبيتين تلاته الصراحة نفسي يبطل كله من السجاير و الق*ف اللي بيشربوه .....بس و ربنا عسل

احمد بضحك : ربنا يخليكم لبعض

الممرضة : بس برضوه...بتوع حادثة امبارح.....دول

صعبوا عليا اوي...بس في حاجه غريبه

احمد :ايه

الممرضه : ياسين كل وظائفه الحيويه كانت تمام ...و اللي كان فيه كان ممكن يقوم و يكون جسمه كويس ....بس فجاه ربنا يرحمه

احمد : ساعات حالات زي ياسين تبقى تمام اوي و فجاه بتموت ...و ساعات بيبقوا مفيش امل و تعيش ...بس احنا بنقول على اقصى ضرر او مش بنديهم امل اوي ....علشان ما يبقاش على الفاضي و سيبيني بقى الحق ارتاح شويه ....علشان خلصت

الممرضة : ماشي ...يا دكتور ...و ربنا قولتك الحل ... و حضرتك اللي مش راضي

احمد بضحك: تاني ...تشوفلي عروسة ...يا ستي مش عايز أنا مرتاح كده

الممرضة : و ربنا خسارة ..دي حتى بنت لهلوبه ...قشطة ...بس اسمها يعني ...

احمد : مش عايز اعرف ....حرام عليكي ...كل يومين تجبيلي عروسة حرام عليكي ....كفاية عليا اخر مقلب

الممرضة : ايه عيبها بقى ....

احمد : بذمتك يا ام سيد ...عيني في عينك ...كانت تنفع ...يعني طلعت ع**طة ...و تتدخل و انا باكشف على الناس ...تقول عريسي عريسي

....يا شيخة دي جريت ورايا المستشفى كلها

ام سيد : بس ايه ....و ربنا جميلة

احمد بغيظ : جميلة يا مفترية ...

سليم بغضب : و انا مالي و مال حكايتك مع ام سيد .....و عروستك الهبلة

احمد يتأسف: اسف معلش ....و الله من اللي باشوفه ...هاكمل

الممرضه : حضرتك هتروح برضوه الاوضه اللي جنب المشرحه ...

احمد : ايوه اصلها هاديه جدا ....و انا عايز ارتاح

الممرضه : تمام تحب حضرتك اصحيك امتى

احمد : سيبني براحتي الا لو في ضروره اوي

الممرضه : تمام

احمد ......في الاوضه

احمد بنعاس ....يوووووووه ...الواحد ميعرفش ينام شويه

و بعدين ايه الصوت ده

احمد...اما اقوم اشوف فيه ايه

قام احمد ....و اتجه اللي باب المشرحه ....وجد الباب مفتوح ..

احمد : محسن ....محسن .....

محسن من خلفه : نعم يا دكتور

احمد : ايه الاصوات دي

محسن بارتباك ...مفيش حاجه يا دكتور ...الواحد بيتمم على الجثث...

احمد : انت مجنون يا جدع انت ....جثث ايه اللي بتمم عليهم ...ده هم اللي موجودين النهارده جثتين بس....ثانيا قولنا محدش يبقى موجود بليل جنب المشرحة ...مش ناقصين وجع دماغ ...اللي بيسمعوا اصوات و اللي بيشوفوا حاجات دول ....

محسن : عادي ....ما انا باقعد معاهم واتكلم

احمد : انت مجنون ؟ بتكلم جثث يا محسن ...انت حالتك بقت خطر يا ابني

احمد ينظر امامه و محسن خلفه ....مش هم اتنين ...دي واحده فين التانيه يا محسن .....رد عليا

ينظر خلفه لا يجد محسن و يقوم بغلق الباب عليه في المشرحه

احمد : افتح الباب ....بلاش غباء انتي هتسيبني في المشرحه يا متخلف .....قعد احمد يلف حول نفسه ....دلوقتي ..في جثه مختفيه ....بتاعته مين فيهم ...و قرب احمد ورفع غطاء الجثه ...ليكتشف ان الجثه المختفيه هي جثه ياسين

بااااااااااااااك

سليم ....و وقع من الضحك : يعني انت ضحك عليك و حبسك جوا المشرحه ...و بقيت خايف ...اما دكتور ازاي

احمد :المشرحه ساعات في حاجات بتحصل مفيش ليها سبب .....و حصلت معايا قبل كده .........ثانيا ده وقته

سليم : و خرجت ازاي يا فالح

احمد : بعت رساله لأم سيد من موبايلي ......وعقبال ما اخدت بالها و جت فتحت كان اغمى عليا و بيحاولوا يفوقوني .

سليم : و ماسك بطنه من الضحك .....كان نفسي اشوف شكلك

احمد : انت متاكد انك ظابط بس علشان اعرف ....ده انت متخلف دي مسؤليه عليك .

سليم :اخ ....نسيت....هنعمل ايه دلوقتي

احمد :المفروض نشوف حل ..

سليم ثانيه كده ..........و اتصل بعمر

عمر بنوم : مصيبة ايه المرة دي

سليم بضحك : انت عرفت ازاي

عمر : ماهو مش هتتصل بيا كده علشان سواد عيون ...أنجز عايز انام

سليم : عارف القضية ...بتاعته ياسين البكري

عمر : بتاعته حبيبة القلب

سليم : تصدق اني غلطان أن باكلمك

عمر بضحك : بهزر .......طيب افهم مالها

سليم : جثة ياسين اختفت

عمر بصوت عالي : يعني ايه اختفت ....خرجت تتمشى و راجعة

سليم : ده اللي حصل و انا في المستشفى .....ينفع تاخر الإجراءات ...عقبال ما نلاقيها

عمر : مش هينفع الإجراءات كلها خلصت وبكرة المفروض أهلها يستلموا الجثة

سليم : يعني نعمل ايه دلوقتي

عمر : معرفش بس لازم الجثة دي تظهر ...و الا كلنا هنروح في داهية

سليم : ما أنا عارف أما باقول ايه

عمر : انت خلاص بقيت بره القضية ......لكن احنا اللي هنقع في مشاكل ....مين ليه مصلحة في كده

سليم : اكيد لؤي

عمر :بس لؤي خرج خلاص و مفيش عليه حاجه ...

سليم : اكيد اللي بعت العيال أو اللي خبطه بالعربية

عمر : هو هيستفاد ايه ...إذا كان بنحقق و مش وصلنا لحاجه ....

سليم : كله هيظهر ...المهم أهدى بس و انا هاعدي بكرة على خير.....و هاجيبها ....سلام

عمر : سلام

احمد : هنعمل ايه ؟

سليم : مين اللي قفل عليك باب المشرحة ؟....هو معاه الحل

احمد : اسمه محسن ...المسؤل عن المشرحة

سليم : نلاقيه فين ....

احمد : باكلمه من ساعتها مقفول

سليم : هنجيب ..بياناته كامله و انا هاجيبه

********************************************

محسن : اخدت جثتك يا معلم ...فين فلوسي بقى ؟

مصطفى :انت تخرس خالص ....خلينا نشوف المصيبه دي ....انت عبقري يا بني .

يعني ايه قفلت على الدكتور ...اكيد ما هيخرج هيدور عليك ....و لو اكتشفوا حاجه يبقى انت السبب ...و هيدوروا عليك و بعدين يدوروا علينا ...انت دماغك دي فيها ايه .

محسن : يعني اعمل ايه و هو بيقولي فين الجثة التانية ...اتلبخت ...ومعرفتش اعمل ايه ..فقفلت عليه

مصطفى : كنت قولت ليه اهله استلموها ولا حاجه ...اي حجة ...مش الغباء اللي حصل ...لو الباشا عرف هيولع فينا احنا الاتنين ...ياربي عليك بني ادم ...

محسن : سيبك منه ......انا كنت قايل اللي عندي يمشوا من بيتنا و معدوش يرجعوا ليه تاني ...علشان دي كانت اخر عمليه ...حتى لو دور عليا ...مش هيلاقيني ...و اعمل ورق مضروب و اخلع انا و هم

مصطفى :ماشي .....خلينا نخلص بسرعه ..لما نشوف الحاله دي ...و بعدين نكلم الدكتور ..... يجي يخلص ...و انت تختفي خالص لحد ما تسافر ...فهمت

محسن : خلاص فهمت و ربنا .... الفلوس الاول ؟

مصطفى : ماشي ...خد اهي

محسن : تمام ..اوي خليني امشي....علشان الحق

مصطفى : تمشي فين مفيش حد غيري و غيرك ...ساعديني ننقلها جوا

محسن :ماشي و امري لله

مصطفى :تمام ....

دخل محسن و مصطفى الجثه ...لبدروم مستشفى قذر ...لا يرى فيه شي ...فهو مظلم إلى حد كبير و لكن يرى من بعيد تلك الإضاءة البيضاء ...لترى مكان آخر بجانبه عند دخولها تجدها مجهز باحدث الاجهزه الطبيه ...بسرير ازرق في المنتصف وبجانبه جميع ادوات التشريح ...التي توحي بالتقذذ ...والاشمئزاز .....فكيف يستطيع المرء أن يدخل في هذا المكان ...و ليس العمل به ...فهذا ينم عن أشخاص قاسية قلوبها ...لا يهمها في الحياة سوى المادة .....فهذا عادي بالنسبة إليهم ...بل أصبح طبيعي

بعد ما دخلوا الجثه ...

محسن يكشف وشها ......لمصطفى : اهي حاجه طازه

مصطفى ....و على وجه علامات الدهشه ....:مين ده ؟

محسن : ايه يا عم عمرك ما شوفت جثه ؟

مصطفى : لا شوفوه انت يا متخلف

محسن ينظر للجثه ...و على ملامحه خوف ممتزج برعب

محسن برعب : يا نهار اسود

مصطفى .....سحب محسن وطلعوا بره ....

مصطفى مسك محسن من قميصه : مين ده يا متخلف ...هي دي الجثة اللي بعت صورتها ...ده مات بجلطة ...ده كان واضح ان قطر فرمة ...كل دي كدمات ...وجسمه متبهدل هو ده ...انت بتستعبط

محسن : ...ده واد عمل حادثه ......مات مقتول وكانوا بيحققوا في القضية بتاعته

مصطفى : الله يخربيتك ...يا شيخ.....هنروح كلنا في داهية أولها الدكتور و دلوقتي جثة في قضية قتل ...

محسن بخوف : اعمل ايه انت اللي اخدته ...غلطتك انت مش انا.....انت اللي قولتك ادخل خد اللي على اليمين ...اخدت التاني ...انا ذنبي ايه

مصطفى بقلق :مانا بسبب السربعة اللي كنا فيها لحد يشوفنا ....ثانيا ماكنش في الا واحده ..اللي شوفتها ....فدي اللي خدتها ....طيب اصبر لما اشوف الباشا .....

محسن : يبقى هو اللي دخل جثة الواد التاني وحط الجثة دي ..

مصطفى : هو مين ؟

محسن : زميلي في المشرحة

مصطفى : هو في حد يعرف عن الموضوع ده حاجه ...ولا زميلك اللي في المشرحة

محسن : لا طبعا ...انت عايزاهم يطمعوا فيا

مصطفى مبتسم بخبث : تمام .......اوي

********************************************

سليم : في حد تاني مع محسن في المشرحة ؟

احمد : اه في موظف ...بس مش شوفته النهارده ..ليه

سليم : يمكن يوصلنا لحاجه

احمد كلم عبد السلام زميل محسن في المشرحة

سليم :.........

احمد : اختفى هو كمان .....هنعمل ايه دلوقتي ؟

سليم : جاتلي فكره ....على الاقل مؤقته .

احمد : ايه ....

سليم : يحكي خطته ........هافهمت

احمد : تمام ...اوي ....ربنا يستر ....يارب تنفع ....تليفون احمد بيرن ....تمام ..انا جاي حالا خلي بالك من الحاله اللي معاكي

سليم :مين بيتكلم ..و في ايه ؟

احمد :دي الممرضه ...كنت قايل ليها على حاله لو حصل حاجه تقولي بس متشغلش بالك ....المهم نرتب الامور علشان منتكشفش

سليم : سيباها عليا.....بس لازم نجيب محسن او عبد السلام ده بسرعه قبل ما يتصرف فيها ....لانه اكيد عارف طريقها

***********************************

وكان هناك من يراقبهم من الخارج .....

رجل في منتصف الثلاثينات من عمره ...تبدو على ملامحه...الخبث والدهاء ...عبد السلام زميل محسن ..في المشرحة

عبد السلام بخفوت : حلو اوي يا محسن ....لا فيها لاخفيها ...و انا قاعد اقول بيجيب الفلوس دي منين ...و حاله اتغير .....اتاريه واصل لناس واصلة اوي ....لا برافو ...عليك....جدع ...انا برضوه قاعد اقول انك غ*ي ...ده انا اللي طلعت غ*ي و حمار...و انت معلم كبير...لازم امشي قبل ما اتشاف

مصطفى : ايوه يا باشا

الباشا :اعمل الواجب و ريحنا .....و شوف حكايه الجثه دي ايه من بعيد حاول تشوف ايه اللي بيحصل ......علشان مش ناقصين مشاكل ....و محدش يجي جنبها ....لو في فرصة رجعوها النهارده ...قبل ما الدنيا تتقلب ...ضبط حد من جوا ....

خلص الحكايه دي و اختفي فتره ....و اظن فهمت مش عايز غباء ......كفاية اللي حصل ...لأن لو فضلت هنا ابواب جهنم هتفتح ....و انت هتروح فيها

مصطفى برعب : خلاص يا باشا أوامرك هتحصل

*******************************************

مليكه بعياط : الو ...ازيك يا خالتو

اميرة : ايه يا بت يا وحشه ........متكلميش ...الا لو عايزه حاجه

مليكة : عاملة ايه يا حبيبتي

اميرة :.اخبارك انتي و اخواتك ايه...وامك الندله اللي مش بتتكلم...و بعدين مالك صوتك انتي معيطه ...في ايه ؟

مليكه بعياط: ...اصل .ياسين يا خالتو

اميره : ماله ياسين ؟

مليكه : البقيه في حياتك .

اميره بصياح: لاااااااااااااااااااااااااااااااااا....يا حبيبي يا ابني ..ايه اللي حصل و مامتك فين ؟

مليكه قصت عليها ما حدث ....و ما حدث لامها .

مليكه : علشان كده كنت عايزاكي تجي انتي وحسام ..علشان العزاء ....و لازم تاخديها معاكي هي و منال اسكندريه ....لأن الدكتور قال لازم ترتاح و تبعد شويه عن المكان اللي كان فيه ...علشان تقدر تهدى ....

اميرة : طيب ..وضعها ايه دلوقتي

مليكة : نايمه ...و بتتكلم على القد ..و مش راضيه تتحرك ...و الدكتور قال حالة نفسية و مفيش حاجه عضوية الحمد لله ...فلازم بس تروح مكان تهدى شويه ...وترتاح

اميرة بحزن: منال ...اخبارها ايه دي تؤامه ؟

مليكة : من ساعتها ...منال ساكتة ...بتتكلم عادي ...بس تحسي انها مش حاسه بحاجه ...مصدومة ...مش عارفه .....هتبقى اقوى ...هم بس محتاجين وقتهم

اميرة : و انتي مش هتجي معاهم ؟

مليكه : لاسف مش هينفع اجي خالص .......الا لما اخلص كل حاجه ...علشان لازم اظبط اموري هنا ....و متنسيش اني باشتغل لازم اخد اجازة....انا بقالي من ساعتها ماروحتش الشغل ...فلازم ابلغ باللي حصل ...و اشوف لو نفع انقل منال اسكندرية ..فكله بأمر الله ....تقدري تجي امتى ...ياخالتو؟

اميره : هاشوف حسام اول ما يرجع و هاكلمك علشان نحجز واجيلك ....استنى ...حسام جه اهو ...بس يارب نلحق نجي بكره .

مليكه : تمام ..هاستناكم ...لو هتيجوا ابقي عرفيني

شاب في التاسع العشرين من عمره ...طويل القامة ...بملامح بيضاء وشعر اسود ...مهندس ويعمل على مشروعه الخاص ..يعيش مع أمه اميرة بعد وفاة والده وهو صغير جدا

حسام بهزار : ايه يا ميرو ... كنتي بتكلمي مين ؟

اميرة : مليكة ....احنا لازم نسافر بكرة ليهم ..

حسام بجدية : خليها على اخر الاسبوع ...ناخد اجازة

..علشان عندي شغل بكره مهم

اميرة بحزن: مش هينفع ...علشان نلحق العزا

حسام بتعجب : عزا مين

اميرة : ياسين تعيش انت

حسام : بلاش هزار

اميرة : بجد مش باهزر ...ياسين عمل حادثة ...و بكرة العزا ومليكة كلمتني تبلغني .....علشان ناخد ليلى ومنال معانا لأن حالتهم وحشة خالص

حسام بتفهم : انا لله وانا اليه راجعون....بكره الصبح هنسافر ليهم

******************************************

في اوضة مليكة

سارة : مليكة ...بصي انا مش عارفه اقولك ايه ...بس اجمدي علشان لولا و منال ...مينفعش اللي انتي عاملاه في نفسك ده

مليكة بعياط : يعني اعمل ايه ....انتي مش فاهمه هو كان بالنسبة ليا ايه ...ده كان ابويا و اخويا وصاحبي و ابني ...كل ده يروح مرة واحده ...ازاي انسى

سارة بتأثر : هو في مكان احسن من هنا بكتير ...يعني لو كان عايش كان هيرضى يشوفك كده

مليكة وتمسح دموعها : لا ميرضاش ...بس غصب عني ...مش هقدر اشوفه تاني ...انتي مهما الوجع اللي جوا مش هتقدري تتخيله ...علشان انتي مش مكاني

سارة بدموع ف عينيها : علشان كنت مكانك مش عايزكي تشوفي اللي انا شوفته .....انا ابويا و أمي ماتوا ....و فجاه كنت في بيت ...بقيت لوحدي ...و عيلتي كلها بتدور عليا علشان الورث ...

مليكة : انا اسفه .....و الله فكرتك بحاجات تتضايقك

سارة : و انتي فاكره اني نسيت ...انا ماليش غيرك انتي و منال و ليلى ...انا مش قادرة اشوفكم كده و اسكت ...

مليكة : و الله يا سارة ...انا المفروض اعمل ايه ...بس كل اللي اعرفه ...ان اللي يد في موت ياسين ...هاجيب حقه منه ....لاني متاكده ان ياسين ...عمره ما هياذيه باي شكل يعملوا فيه كده ليه ...يض*بوه و يخبطوه ...طيب...كان ض*بوه و سابوه ...ليه الشر ده ...حتى لو كان عاجز كان هيبقى قدام عيني

سارة : استعيذي بالله من الشيطان .....و لو كان عايش عاجز ...كنت هتقولي ياريته مات علشان يرتاح من اللي هو فيه ....اوعي تعترضي على حاجه ربنا كتبها لينا ...و حقه هيرجع .....سيبها على ربنا ..و ربنا قادر يحلها من عنده

مليكة : و نعم بالله ....و الحاجه هتفضل مشرفنا كتير

سارة بذهول : انتي بتطرديني ..بره البيت

مليكة : اه .. ..ده انتي قاعده عندنا اكتر ما قاعده في بيتك

سارة بضحك : اصل باخاف أنام لوحدي ...سيبني انام معاكم

مليكة : بيتك و مطرحك ...ده بيتك يا بنتي ...ده انتي تعرفي عني مصايب ......ههههههههه....اكتر من ماما و اخواتي

سارة بضحك : هو انا اي حد ...

مليكة بضحك : صح ...عندك حق ....هتنامي ....

سارة : مليكة ........

مليكة : اخلصي .....عايزه ايه

سارة: ايه حكاية سليم ؟

مليكة : سليم ...مين

سارة بتهكم : ملكية ....الرائد سليم يا مليكة

مليكة : ماله يعني ؟

سارة بضحك : انتي بتستعطبي ...صح ...قوللي

مليكة : و الله ما في حاجه

سارة : على سارة

مليكة : جه قالي ....عايز يتقدم

سارة : اوبااااااااااا....امتى الكلام ده

مليكة : يوم النيابة

سارة : وافقتي ...صح فرحيني ...وافقتي

مليكة : لا طبعا ....

سارة : ليه ...يا فقرية

مليكة : فقرية....امشي من وشي .....

سارة : طيب ...ايه رايك في الدكتور أحمد

مليكة : ليلتك سودة ....احمد مين ...حرام عليكي هتعلي الضغط عليا ...

سارة : حرام عليكي انتي ...مش ناويه تفرحينا

مليكة : هو انا في ايه و لا في ايه .... خلصت

سارة : مش ناويه تفكري

مليكة : الموضوع منتهي ..لا سليم و لا احمد ولا اي حد تاني ....خلاص ..و اقفلي على الموضوع نهائي ...

سارة : اوعي تكوني لسه ...

مليكة : ...لا ده موضوع و انتهى و قفلت عليه من زمان ...

سارة : الحمد لله ...ريحتني

مليكة : ليه ...

سارة : مفيش حاجه ...بس هتقعدي تفكري ..في موضوع ..من طرف واحد ...هتلاقي وجع مالوش نهاية ...و خاصة أنه مش كان خطب

مليكة : اه ...اعرف انه بيحب واحده ...بس كان ناوي يخطب ...بس ده اللي قالوا ليا ...و بصراحة معنتش دورت ...خلينا ننام علشان معنتش قادرة ...ممكن ..وقتها برضوه انا غلطت ...مينفعش اني اروح اقول ليه .....كل ما بافتكر باستغفر ..انا وقتها كنت غلطانة ....

سارة : ماشي

ساعة الفجر والكل نايم

مليكه في غرفه ياسين و قفلت عليها الباب بالمفتاح ...و انهارت في البكاء

فلاش باك

مليكه بمرح : ايه يا ياسو ...بتعمل ايه ؟

ياسين :يعني باعمل ايه ....بذاكر طبعا .

مليكه : ماتسيبك بقى منها ...و اقعد معايا شويه

ياسين : و ربنا ...انت تؤمر ...ايه يا ستي عايزه ايه

مليكه :مالك بقالك مده متغير .

ياسين : عادي ...

مليكه : عادي برضوه على موكا ....ده انا قرايك و انت في اللفه .

ياسين :اصل......اصل

مليكه : انت بتحب حد ؟

ياسين : يعني

مليكة بضحك : يعني ايه يا استاذ ؟

ياسين :لا مش حب مجرد اعجاب ...بس لاسف انا حاسس انها مش معجبه بيا

مليكه : متقول ليها

ياسين يتن*د : مقدرش ....لترجع ما تكونش بتحبني ...و ساعتها هاتصدم

وكأي ام او اخت مصرية أصيلة طبعا

مليكة: هي مين ده اللي متحبش ياسين ...ده انت حتى حلو و شبه الأجانب ...مش تحمد ربنا ...بنت مين دي اللي مترضاش

ياسين وقع من الضحك : انتي قلبتي على أمهات كده ليه يا بنتي عادي ...انتي شكلك كده اتف*جتي على مسلسلات عربي كتير...ثانيا انتي اختي أما لولا هتعمل ايه

مليكة بضحك : اه صح ...ايه ده ....انا فجأة و بدون سابق انذار ....هي تقريبا و لله العلم جينات ....بتبقى مختفية و تلاقي كل واحده تقولك مش هاعمل زي ماما ...انا هاربي تربية حديثة .....مع اول تعامل مع ابنها ...تلاقي حديثة دي ماتت في الحرب ...و مكانها ابو وردة ...و تبدأ الحرب النووية في لقه على الطفل من هنا .....و تطور عندهم عنصر الهروب ....يا سلام على ابو ورده مربي اجيال ...

ياسين : هههههههههه.....هتقوللي ...ده انا حافظه ...يا اما اخدت بيه احسن واجب .......يااااااه ايام

مليكة : هههه منال اللي ضاقت منه اشكال و انواع و الوان الصراحة ...اجدع واحده تاخده تحدفه من الشباك ...انت بتوهني ...مين البنت دي ؟

ياسين : بصي مش هقول ...تفاصيل الا ما اتاكد

مليكه : انت بتحبها اوي يعني

ياسين : بصي عادي ...مش لدرجه دي ...

مليكه : يبقى لازم تقول لها ...علشان لو بتحبك ....تمام و مناسبه ليك ..نشوف لو نفع نتقدم ليها ...لكن لو مفيش او في حد في حياتها لأن ممكن يكون في حد متكلم عليها و لا حاجه .....بدل ما تتعلق بيها ..و تطلع مش مناسبه ليك .....يبقى من الاول علشان متتوجعش اوي ...اسالني انا ...

ياسين : هو لسه حسام محسش بحاجه ...و لا اتكلم

مليكة : لا ..

ياسين : على فكرة لو لف الدنيا مش هيلاقي واحده زيك ...في جمالك و رقتك و جدعتنك .

..ده انتي قمر ..يارب سامحني على الكدب ده

مليكة بضحك : ده انت هتولع بالكلام ده ...

ياسين : لا الكلام ده بجد ...مش هيلاقي منك اتنين ...ده تلاقي يا عيني مامته داعية عليه ...علشان هياخدك

مليكة : ههههههههه هي مامته بس ...دي مامته وخالته وكل ستات العيلة ههههه

ياسين : اه .....اما اللي هياخد منال ده ...نفسي اعرف أمه هتبقى داعية عليه بالله ....اللهي يارب تتجوز اللي تطلع عليك القديم و الجديد هههههههه

مليكة : اسكت لتسمعنا ...وتطلعه علينا احنا

ياسين : يعني موضوع حسام خلاص

مليكة : تقريبا كده ...مفيش ...هو كان قايل انه يحب واحده او في حد فخلاص....و هو اصلا يوم ما قولت ليه قالي انتي زي اختي .. و انا تقربيا نسيته ... بس تتفكر هو نسي

ياسين : ممكن تكوني انتي نسيتي ....لكن هو اكيد مش هينسى ....لما قالك كده ...و قعد في المستشفى شهرين ...بعد ما زقتيه على عربيه جايه...كان هيروح فيها ....و كل اللي كان فالح فيه يقول و هو تحت تاثير البنج قاعد يقول مليكه ...و احنا فاهمين انه بيحبك ....و انتي قاعده تضحكي......و محدش فهم الا لما فاق ....ده كان قطر داس عليه....................بس عاش يا وحش .

مليكه : ههههههههه يعني يحرقلي دمي ....و بعدين ...انا زقيته زقه خفيفه ...هو طار اعمل ايه ....مظلومه يا بيه

ياسين : مظلومه ....ده انتي تظلمي بلد بضواحيها .

و دخلت منال فجاه

منال : ايه الحلوين بيتكلموا في ايه ...

ياسين : و انتي مالك ؟

منال : هو مش انا تؤامك مش هي

ياسين : انا مش مقتنع و قولتها قبل كده ...انتي و الله اعلم لاقيناكي على باب جامع تقريبا ...او اعتقد ...افتكر يا واد يا ياسو ...ايوه ...كنت مع شحاته و لولا لقيتك ...فقالت ت**ب فيكي ثواب ......تؤامي قال ...ما في وجه شبه بيني و بينك.....

مليكه : بتعملي ايه ...ما تجي تقعدي معانا

منال : باقولك يا سو قلبي

ياسين : لا

منال بغيظ : هو ايه اللي لا

ياسين : طالما ياسو ...يبقى عايزه حاجه ...و انا مش موافق

مليكة : اصبر بس ...عايزه ايه

منال : كنت عايزه السماعات بتاعته و نشغل اغاني

مليكة : و الله فكرة

ياسين : لا ...يعني لا

مليكة : بلاش رخامة ...نشغل اغاني و ننده لولا ...و نتبسط

ياسين : و لولا كمان ههههههههههههه....لا يعني لا

مليكة : منال ...مستعدة

منال : جدا

مليكة : مفيش اغاني ...بس في

ياسين : مش مرتاح ليكم

منال : يلا ....انت بتقول لا...و ربنا لاوريك ....و ض*بت ياسين بالمخده

ياسين: و ربنا ما انا سايبك ....و راح شالها و رماها على السرير و ض*بها بالمخدات

منال : ايه يا بابا .... راعي ان احنا بنات ...مش واحد صاحبك ....

مليكه قعدت تض*ب مع ياسين في منال ....ما تشتميش اخويا

منال : انتي كنتي معايا ...مش معاه ...خياااااااااانة

و قعدوا يلعبوا و يهزروا و يضحكوا مع بعض .

بااااااااااااااااااااك

مليكه بعياط وحرقه :اااااااااااااااااااااااااااااااااااااااااااااااااه يا حبيبي ...سبتني ...و مشيت ...كله كان بيقولوا عليا جبل .....الجبل ات**ر يا حبيبي .....يااااااارب يااااااارب يطلع كل اللي بيحصل ده كابوس ....معنتش قادرة استحمل ....انا ماسكه نفسي بالعافيه مش قادره يارب صبرني ...على فراقك ...واقدر اشيل .....يارب صبر ماما و منال ........يارب ....يارب انت اللي معايا .....و قويني ...يارب يارب

يارب يارب ....ااااااااااااااااااااااااااااااااااااااااااااااااااااااااااه ...وماسكه هدومه .....و البوم صوره ....الدنيا من غيرك وحشه ...كان نفسي اشوفك دكتور في الكليه زي ما كنت عايز ....كان نفسي ...اشوفك عريس ..................نفسي اخدك في حضني ...مرة واحده .....انت ابني مش اخويا ...انت كل حاجه ليا في الدنيا ..............