مجانين في مطاردة

البارت الاول

انا مليكه طاهر البكري بنوته عادية من أسرة بسيطة عندها أحلام ...كل اللي كنت عايزه حياة هادية .... اعيشها انا واخواتي و مامتي ... الاحلام البسيطة لاي حد ...لكن ماكنتش أتوقع أنه هيجي اليوم ده ، يوم عمري ما هنساه في حياتي اللي اتغيرت 180 درجه .............

في احد منازل مدينه نصر

الساعه 7.30ص

تجلس على طاولة ذات اللون الخشبي الفاتح المزخرفة بتلك الزخارف الكلاسيكة القديمة التي تضفي على تلك الطاولة الرقي بالرغم من بساطتها .....

سيده ذات جمال اخاذ في منتصف الخمسينات من عمرها من يراها يظن أنها ملكة جمال فهي تتسم بملامح رقيقة توحي بالطبية.. بملامحها البيضاء وعيون بنيه مرسومة تشبه القطط إلى حد كبير مع شعر طويل اسود ...من يراها يكاد يجزم انها في الثلاثين من عمرها ...بل كثير أيضا ..... هي ليلى البكري

ليلي:ياسين حبيبي ممكن تكلمني لما تخلص ..محتاجه منك تشتري حاجات لبيت ...

-حاااااااااضر

تدخل فتاه في العشرينات من عمرها ذات بشره بيضاء تشبه والدتها مع اختلاف لون عيناها الزرقاء التي تشبه البحر وشعر بني ....وتشبه الملاك ومع براءه ملامحها الا انها تملك من القوه لتوقف اشد الرجال قوه ..وصلابة ..فلما لا ...فهي بطلة سابقة في رياضة الكاراتيه و التايكوندو .....و حاليا من الممكن القول إنها أصبحت رجل البيت ...بعد وفاة والدها ...وهي تعمل حتي تعيل هذا البيت ..... الابنه الكبري مليكه البكري ذات 27عام محاسبه حاليا في احد شركات المقاولات الكبرى

-صباح الخير ...يا لولا

ليلى : صباح الخير يا قلب لولا

مليكة : يا ناس عليا ...يعني انا امي العسل ده ...لا بجد انا باخاف امشي معاكي لا تتعا**ي انتي

ليلى : يا بكاشة ....يبقى عندي القمر ده و تقولي كده

مليكة : لا الصراحة .....كل اللي يشوفك يقولي ...دي اختك الصغيرة ...بقيت .....بات**ف ...شكلي بقى مسخرة ??

- احمدي ربنا ...انها اختك ...انا بقى كل ما اروح معاها في حتة اتخانق ...بتتعا** مني ...يتحدث شاب في أوائل العشرينات من عمره ..ملامح تشبه مليكة إلى حد كبير بعيون زرقاء وشعر بني وبشرة بيضاء..يشبه إلى حد كبير الممثلين الاتراك...ياسين البكري ...الاخ الأصغر مليكة

ياسين : نفسي افهم اعمل فيكي ايه ....احبسك في البيت

ليلى بضحك : طيب اعمل ايه في نفسي ...نسيت احكي ليكي ...يا موكا على امبارح

ياسين بغيظ : بس يا ليلى

مليكة بضحك وتصفيق : طالما ليلى ...يبقى في مصيبة ....وانا باحب المصايب

ياسين : بتموتي انتي في جنازة و تشبعي فيها لطم ...

مليكة : بس يا كئيب ...

ليلى : عيب اتادب يا ياسو ...

مليكة باستنكار : لا والله ...عيب يا يا سو ...بضحك ..ده ايه ...ولا علشان الحيلة ...ولا علشان حلو حبتين تلاته وشبهي ...وشبه الممثلين اللي بتتف*جي عليهم ..انا في مني تاني

ياسين : انتي مالك هتموتي بغيظك ليه ...انا ياسو ..حبيب قلبها ...وبعدين بص ليلى....ميت مرة اقولك ياسو بيني وبينك ...بناتك هيفضحوني ...مش كفاية عليا تؤامي اللي فاضحني في كل حتة دي ...استاذه منال ...ملكة جمال الكفر اللي انتي جايباها دي ...مش كنتي تجيبيني لوحدي ...حبكت .

ليلى بضحك : يعني بمزاجي ههههههههه

- سامعه حد بيجيب في سيرتي ...

مليكة بضحك: ياريتك افتكرت مليون جنيه كان نفع ...عنها

منال : ليه ان شاء الله ...ده انا حتى قمر والف من يهواني

ياسين : نفسي اعرف جايبه الثقة دي منين ...

منال : يا بني انا مشهورة اوي ....

ياسين بضحك: على أيدي ...بإمارة محدش يعرفك غيرنا

....حتى احنا عارفينك نص نص ...انا مش راضي اقولك انك جايبنك من على باب الجامع ...يابنتي حتى بصى في المراية ....انتي مش شبه حد فينا ...انتي قمحية ....وشعرك بني ...وعينك سوده وملامحك مش شبهي لانا ولا مليكة ...ده هي تنفع تبقى تؤامي عنك

منال : ما هو ده سر التميز ...اني ابقى مختلفة ...اما شبهك اعمل بيك ايه ...ده انت حتى حلاوتك تق*ف

مليكة بضحك : اوبس قصف جبهة وش ..لولا قوللي ايه اللي حصل

ياسين : ..............

مليكة : هو ماله عامل كده

ياسين : علشان صاحبي اتخانقت معاه بسببها

مليكة باستغراب : ليه

فلاش بااااااااااك

ليلى : ياسين ...هادخل اجيب حاجه....في السوبر ماركت

ياسين : ماشي يا لولا

- ايه ده ياسين البكري .

ياسين : ...محمد ..ابن الناس الكويسين

محمد بضحك : مش هتبطل تقولي كده ... نسيت اعرفك ....اخويا الكبير سعيد ...

ياسين بترحيب : اهلا وسهلا ...

محمد لسعيد : ده ياسين البكري ...اللي كان معايا في ثانوي ...مش فاكره

سعيد : اه طبعا ...ده كان طول الوقت في سيرتك ...وقد ايه انت كنت بتساعده

ياسين باحراج :....عادي يا جماعة محصلش حاجه ...

محمد بضحك : لسه بتت**ف .......اوباااا....مين القمر دي

ليلى : ياسين خلاص

محمد لياسين : تبعك

ياسين بيص ليه بغضب : اه ..تبعي واحترم نفسك

محمد باعتذار : اسف والله مش قصدي

ياسين : معلش ورايا حاجات ولازم اعملها

ياسين ...اخد ليلى ومشوا ..... بدون كلام

باااااااااااااااااك

مليكة : وايه المشكلة وفين الخناقة ؟

ياسين بغيظ : حضرتك هتتكلمي ولا انا أتكلم

ليلى بضحك : كمل انت.....

منال : انا مش فاهمه حاجه

مليكة بضحك : ولا انا

ياسين : اصل تاني يوم ....لقيته ....لقيته .....

مليكة : لقيته ايه ....انت علقت ...

ياسين : جاي يطلبها لأخوه

مليكة ومنال بيبصوا لبعض في صدمة ......وفي صوت واحد : ايه

ليلى : ده اللي حصل

مليكة بخبث : وانتي ايه رايك يا لولا

ياسين بغضب : نعم ....ياختي .....رأيها في ايه

مليكة : انه لو عجبها ...تفكر

ياسين بصوت عالي : تفكر في ايه ....هتتجوز عيل

مليكة : لو كبير تمام

ياسين بغيرة : مفيش جواز ......خالص لا منه ولا من غيره

منال : فين بقى الخناقة ؟.....انا قاعده طول الحكايه استنى

ياسين : ماهو ساعة ما طلبها ...الإسعاف شالوه...وقعد يشتم في اخوه ...كان مضطرب عن الجواز ...ويوم ما يجي تعجبه واحده تطلع ام صاحبه ...كان بيكلم نفسه ...

مليكة بحزم : معنتش تمد ايدك على حد ...مش ناقصين مشاكل ...مهما حصل . ....الا لو بتدافع عن نفسك بس ...فاهم ولا لا ...انا عارفه انك مش بتاع مشاكل بس حبيت أنبه عليك ....وبتبص لليلى: ..وانتي كل يوم يجيلك عريس ...كبير وصغير ...مش هينفع كده ...لازم تتجوزي ...ده انا واللي هناك دي مش بيجي لينا عرسان كده ....اه لو بابا عايش ...كان زمان ...عامل كل يوم مصيبة .. صحيح ...ما اصلش حكيتي قصه حبكم دي قبل كده .. كنتي بتحبيه

ليلى بشرود : ماكنتش باحبه....كنت باعشقه ....بالرغم أنه كان فيه كل العبر ....

منال باستغراب : مين ...ده اللي فيه كل العبر ؟

ليلى : ابوكي يا حبيبتي....قبل ما اتجوزه ....كان صايع وضايع ...وحاجه تشرف ...بس ايه كان عليه كاريزما ....

ياسين بضحك : كاريزما ...جبتيتها منين دي

ليلى : باسمعهم بيقولوا كده ....بس ايه اجدع راجل بشنبات كان عامل ليه احترام ...كفايه ان جوز امي كان بيخاف منه ....

مليكة : هو جوز امك ده ...كان سئ كده لدرجة دي

ليلى : واكتر ...متتخيليش كان عامل ازاي ...ض*ب واهانه وشرب و قرف....كنت ساعات باروح اهرب عند ناس قرابيي ..بس بارجع علشان اميرة وأمي .... علشان مش يعمل ليهم حاجه .....لحد ما ابوكم شافني ...واتقدم ليا ...وافقت علشان اخلص من جوز امي .....ده

مليكة : طيب ...كان بيعاملك حلو ...

ليلى بتهكم : اول الجواز كان بيعاملني زي الزفت ...قعدنا فترة مش خلفنا شويه اتسجن وبعدين تاب وسافر علشان يشوف شغل ...كنت بقيت حامل فيكي ....ومن بعد ما ولدت ...واحنا حياتنا اتغيرت ....هو اتغير ١٨٠ درجة ...بقى يعاملني كويس ...عايز يجيب الدنيا ليا وليكي ...وبعدين ...لما جم ياسين ومنال ...كنا اسعد أتنين .....

مليكة :يااااااااه على قصه الحب .....تنفع مسلسل هندي تركي كوري ..مش يركبوا على بعض ...هههههههههه

منال بهيام : ..ياااااه نفسي اعيش قصه حب رومانسيه زيهم

ياسين بضحك:الواحد كل يوم بيتاكد ان ربنا واخد منك العقل ...انتي فاهمه الرومانسيه غلط ...هههههههه

منال : انتي تفهم ايه يا معدوم الإحساس انت .....قصه حب ....من طراز غريب ...اه لو احب مجرم ..ويتوب على ايدي

مليكة : ويتوب ليه ...كفايه عليه انتي تكفري ذنوبه ...ايه الرومانسية ...في انك تتحبي من مجرم ...افهمها دي

منال بق*ف : يا بنتي شوفتي انتي ...مسلسل كان كده

ليلى بحماس : انا شوفته ومش فاكره اسمه ... البطل كان شبه ابوكي

منال : شوفتي

مليكة : ياسين اقطع عنهم التليفزيون

ليلى : لا ده على النت

مليكة : انا اللي غلطانه ...انا هاقطع عنكم كل حاجه ...واضح اني دلعتكم ...اعمل ايه يا ربي .....امي واختي .....اعمل فيكم ايه

ياسين بغيرة : ايوه ...اقطعي عن لولا النت ..

ليلى : ليه بس ياياسو ...

ياسين بغيرة : ...انتي بتعا**ي حد غيري......ماليكش دعوة الا....بيا انا بس ...تمام ...

منال : ولا انتي بتغير عليها ...كده ليه

ليلى : قلبي من جوا يا ياسو ...مفيش حد غيرك عندي ....هههههههه...ده انت حتى شبه الممثل اللي في بنات الشمس ..هههههههه

ياسين : ماما

مليكة : طالما ماما ...يبقى قولي الحقيقة ...الواد ده باحسه مش ابنك ....باحسه ...جوزك ولي امرك ...هههههه

ياسين باستغراب : حقيقة ايه

مليكة :ده مقلب من منال و لولا ...معمول فينا

منال : انتي كنتي عارفه ....

مليكة : اه ...سمعتكم ...

منال : اوبس ...

ياسين بغضب وغيرة : الهزار مش في الحاجات دي ... انا مش باحب الكلام بالطريقة دي ...

ليلى : انت بتغير عليا يا ياسين ...

ياسين : .........

مليكة : ايوه يا ماما ...هو من كتر حبه ليكي ...بيتعامل معاكي و معانا على أننا بناته حتى لو هو اصغر ...فكلام بالطريقه دي بيضايقه ...

ليلى بدموع وفاتحه دراعاتها : تعالى يا قلبي في حضني ....والله باهزر معاك ...انا اصلا معرفش حد فيهم ...هي البت اللي هناك دي بتحكي ليا على المسلسلات

جرى ياسين في حضن ليلى ...ولم يكن أحد يعلم ما يخئبه القدر لهما .....

**************************************

الساعه 8:30 جامعه القاهره

يدخل كلا من ياسين ومنال ...على الرغم من أنهم تؤام الا انه في اختلاف شاسع بين الشخصيات ...فعلى الرغم من هزار ياسين وضحكه المستمر ...إلا أنه شخصيه هادئه في الواقع ولكن هو هكذا مع اقرب الناس إليه فقط ......

على ع** تؤامه منال مرحة جدا واجتماعية من الممكن أنها يوميا تقوم بتكوين صدقات ...هذا صفه جميلة جدا ...ولكن يجب توخي الحذر ...حيث أن تلك الصفه من الممكن أن تكون سبب في نجاح مشاريع وبناء شبكة علاقات ...وممكن أن تكون سبب لمشاكل نحن في غنى عنها ....فهل تلك الصفه ستكون نعمة أم نقمة على منال ؟

منال :هو المفروض عندنا ايه النهارده؟

ياسين بق*ف :هو انا المفروض اللي هاعرف انا في هندسه وانتي في تجاره...

منال باستغراب : هو انت بتكلمني كده ليه ؟

ياسين بغيظ وعتاب : هو انتي مش حاسه بنفسك انتي فاكره نفسك ملكه هوليود بهدومك الغريبه دي ولا العيال اللي انت ماشيه معاهم ...مفيش حد منهم هيبوص ليكي متعشيش في الاوهام وارجعي للواقع هتروحي في داهيه بسببهم ...يا منال انا خايف عليكي العيال دي ولاد رجال أعمال يعني مش بياخدوا الا منهم ...ولولا أن ولادهم ملقوش حته يدخلوها غير هنا. .ماكنتيش هتشوفيهم الا في التليفزيون ...عايزك تفضلي رافعة راسك اوعي تنزليها علشان حد هم لو حصل حاجه ...هم أول ناس هيجروا و يسيبوكي انا حذرتك بدل المرة مليون ...لو مفركتيش مع نفسك وصلحتي الدنيا وبعدتي عنهم ...هيبقى ليا تصرف تاني وهاقول مليكة على كل حاجه ...ما هي فاكرة انك بتنجحي ياختي ...البعيده مفيش دم خالص ...هي قاعده شغاله علشانا وانتي قاعده تسقطى ......باقولك اهو حاولي ما اقابلش ابن الصيرفي تاني احسنلك واحسن ليه ...فاهمه ولا اعيد كلامي

منال: خلصت ...مش كل يوم نفس الكلام ...والبهدله دي ...انا عارفه انا باعمل ايه كويس ...تمام ..ملكش دعوة وبكرة تقول منال كان معاها حق

ياسين بحسرة : ياريت والله بس خسارة ....ربنا ينور بصيرتك ..... ويهد*كي

و ترك ياسين منال وذهب الى كليته ..

*********************************************

فتاة بيضاء ذات شعر اشقر من ملابسها تدرك أنها من الاثرياء تدخل بسرعة عالية من بوابه الكليه بسياره ميني كوبر حمراء ترى في عينيها تكبر وعجرفه لم ترى على فتاه في مثل عمرها ترى انه لايوجد بجمالها...وبالرغم من المحاولات الفاشله لشباب الجامعه للتقرب منها ..الا انها في قلبها عشق هذا اللي لا يعطي ليها اي اهتمام ...يرى أنها ليست بهذا الجمال بل على الع** يرى أن هناك فتيات أخرى اجمل منها مليون مرة ...فإنه يؤمن بالجمال الداخلي وليس الخارجي

.. ...ولكنه مع اسف عشق من طرف واحد.

...انها بيري مراد الصيرفي

منال:بيري ...بيري...

بيري :هاي....ازيك يا ميمي

منال :كويسه .....اخبارك انتي ايه ؟ولا اقولك ايه العربيه الجامده ..دي....

بيري:اه جامده........بس بابا قالي خدي دي بس دلوقتي لحد ما يجيبوا ليه عربيه مخصوصه عليها اسمي وبالون اللي باحبه ...ده انا بيري الصيرفي بنت مراد الصيرفي اكبر رجل اعمال في مصر ...لازم يتعمل ليا اللي انا عايزه ....

منال:ماشي يا ستي .....فين الباقي ؟

بيري :مش عارفه لؤي كلمني وقالي كمان شويه هيجوا

منال :انا مش عارفه انتم ولاد عم ازاي هو انتم مش ساكنين قريب لبعض ...ما تيجوا مع بعض وخلاص ................

بيري :علشان كل واحد يبقى على راحته .....بدل ما نيجي مع بعض وانتي عارفه لازم خناق على طول.....فكل واحد معاه عربيته احسن..............

منال :بس الصراحه عربيته الفيراري بتاعته حلوه اوي ....هو مجاش بيها بقاله مده...هو كان قايل انه هيغيرها...هو غيرها...

بيري :مش عارفه الصراحه بس هو ممكن يغير عربيه كل يوم...... باقولك شكلك متخانقه ...ياسين تاني

منال بتنهيده : اه يا ستي ...موال كل يوم ...

بيري : اخوكي ده غريب ...بيكره الأغنيا كده ليه

منال : هو مش ببكره الأغنيا و لا حاجه ...بس هو عنده معتقدات كده ...هو شايف أن كل واحد يعيش بطريقه اللي يحبها بس مش اكتر..

بيري : يعني لو حب واحده غنية ...مش هيتجوزها

منال : اعتقد اه ....كرامته بتنقح عليه جامد ...و فكرة أن مراته غنية ده لنفسها مش ليه هو ...هي حرة ...بس تعيش على قد اللي معاه ...فاهمه

بيري في سرها : ياريتك ياختي ...كنتي زيه ..بدل الق*ف ده ...عامله فيها بنت ناس وانتي مهزاءة ...ومصاحبكي بس علشانه ....ياريت يحن بقى ....

منال: مالك يا بيري

بيري باستغراب : مفيش ليه

منال :بصي هناك ده لؤي ومعاه وائل ومحمود

لؤي الفتى ذو العضلات اسود الشعر ذات ذقن خفيفه ازرق العنين وسيم لدرجه لاتوصف تتمنى كل فتيات الجامعه الارتباط ولكنه يري انه لن يرتبط الا عند رؤيه فتاه تخ*ف عقله يبلغ من العمر 28 عام وده بسبب انه راسب درجه اولي كل ده في سنه تانيه وايضا رسوبه في الثانويه العامه ما جعله عمره اكبر من باقي زملائه ...ومعاه اصدقائه الاتنين وائل الاسيوطي و محمود السماحي وبالرغم من انهم اصدقائه الا انهم يبدوا على وجههم الغباء وموجودين مع لؤي كظله..

منال:ايه العربيه اللي انت جاي بيها ....وفين الفيراري ...مش باشوفها بلاقي مده؟

لؤي : ايه يا بنتي ارحميني.... اسئله ....اولاالعربيه دي مؤقتا لحد ما اجيب عربيه تانيه ....والفيراري بقالها اسبوع في التوكيل علشان مش مظبوطه

لؤي: هنطلع المحاضره ولا زي كل يوم ؟

بيري بتهكم :هي محتاجه سؤال ..زي كل يوم طبعا

لؤي :احلى حاجه فيكي اننا فاهمين بعض.

بيري:مش ولاد عم

لؤي :هههههههههههههههههههههههههه....

يرن جرس موبايل منال

بيري:مين يا ميمي ؟

منال :ده ....ياسين.............مع نظره استغراب لاصدقائها ...

بيري بقلق مخفي :ردي شوفي فيه ايه ...يمكن حاجه مهمه

منال :ماشي ...الو ايوه يا ياسين

ياسين :انا اتلغت عندي المحاضرات ...كان في محاضرة وحصل ظرف للدكتور ومش جاي فأنا هامشي كمان شويه ...هتيجي معايا ...ولا هتفضلي ...

منال بقلق : لا هافضل ...احنا لسه ...انت كويس يا ياسين

ياسين بتعب : اول مرة تسالي .....انا الحمد لله ..قولت اكلمك اطمن عليكي ...و اعرفك علشان انا هاسبق خلي بالك من نفسك .........

منال : تمام ...خلي بالك من نفسك ...وانا هاخلص وارجع على طول

منال قفلت الموبايل وتبص لبيري بقلق

بيري بلهفه : في ايه مالك ياسين قالك ايه ؟

منال : قال إنه خلص ....وهيروح ...واول مرة تحصل ..وصوته شكله في حاجه ...تعبان .....مش مظبوط وقلبي قلقان ...وحتى لما قلت هافضل متكلمش .......هو في حاجه ....

بيري: هيبقى كويس متخافيش ....هتلاقي شويه برد ولا حاجه مضايقاه لما تروحي البيت اتكلمي معاه و شوفيه ماله ...

منال : هاعمل كده اول ما اروح ...

قام وائل..

بيري :انت رايح فين يا وائل ؟

وائل:رايح اجيب اكل اجيب لحد معايا

محمود : انا جاي معاك

لؤي :اعملوا حسابنا معاكم انا وبيري وميمي

منال : مش عايزه مش ليا نفس

لؤي بصرامة : هات لها معانا ...ايه مليكش نفس دي ماكنتش مكالمة

وائل :تمام

وذهب كلا من وائل ومحمود ...

******************************************

حالة من الهرج والمرج ....الحقوا ...في خناقة جامدة بره ...

-يلا يا بني نروح نتف*ج ...

- باحب الخناقات اوي .....

لؤي : شباب....هو في ايه ؟

احد الشباب

- في خناقة بره عند بوابة الكلية .....

لؤي باستفهام : متعرفش مين اللي بيتخانق ؟

- لا معرفش ...وسيبني علشان الحق اروح اشوف.

لؤي : امشي يا خويا .....

منال : في ايه يا لؤي ؟

لؤي : تقريبا ...في حد بيتخانق بره ....سيبك منهم ...اوف ..وائل اتاخر ليه هو محمود ...جعت

بيري :. ه‍ههههههههههه بضحك هو ده اللي همك .....

لؤي : اما افكر في ايه ...اكيد مش هاطلع المحاضرة

منال بضحك :انا قولت كده برضوه ....مستحيل ..رئيس الفاشلين في تجارة يطلع محاضرة ...الدنيا جرى فيها ايه

لؤي بضحك : وبلا فخر ...بس بقى لاتحسد

منال باستغراب: لؤي هو انت ليه بتسقط مع انك ممكن تشتري الامتحانات وتخلص الموضوع ...وتنفعنا

لؤي : انتي ذكية اوي ...يعني بذمتك اكتر الصبيان في الجامعة بيقعدوا يسقطوا ليه

منال : معروفة علشان يطلع من الجيش

لؤي : انتي جاوبتي على نفسك

منال : بيري انا دماغي عملت error ...هو انت يا ابني مش وحيد

بيري بضحك : هههههههههه على حد علمي اه ...اه صحيح يا لؤي ..بجد انت بتسقط ليه ....

لؤي بتنهيده : بصراحة ...انا شاكك في ابويا ...انه متجوز من ورايا ...ويمكن يكون مخلف وانا معرفش ...حاسس اني شبه علاء ولي الدين ....في فيلم عبود على الحدود....وانا اكيد مش هاخرج من الجيش ...مش بعيد يوصى عليا ....اني اتروق ...فقلت الاحسن أفضل في الكلية ...وخلاص ...اهو اللي نعرفه احسن من اللي منعرفوش ......

بيري بضحك : عندك حق ....انا هاروح اقول لعمي

لؤي بخبث : اوعي ... لينجحني بالعافية .....لاقوله على اللي فيها

بيري بارتباك : خلاص مش هقول حاجه

منال : مش ملاحظين انهم اتاخروا بيجيبوا الاكل منين

لقوا محمود وائل جاين عليهم ...ومعاهم الاكل

لؤي بغضب : كل ده ....علشان دول ...اتاخرتوا ليه

وائل بنهاج : الدنيا زحمة اوي ...ومش عارفين نمشي من الطلبة...بسبب الخناقة

محمود : احنا قولنا مالنا ...مشينا علشان نروح بدل ما نتأخر

لؤي : طيب ....خدوا كلوا علشان انا على اخري ....في ايه اللي بيحصل

منال : في ايه وايه صوت الصريخ ده

بيري :مش عارفه ....تعالي نشوف في ايه ؟

بيري:متعرفوش سبب الزحمه اللي عند البوابه دي ايه ؟

محمود :بيقولوا في طالب كان بيتخانق مع بلطجية تقريبا .....انا سمعت العيال بيقولوا كده

منال بقلق : قلبي مقبوض ....مش عارفه ليه

بيري : اهدي مش وقته خالص ......

منال :متعرفوش مين ؟

محمود :لا

منال: تعالي يا بيري نروح نشوف في ايه انا قلقانه

بيري :يلا

وصلت منال وبيري لمكان الحادثه ...وصوت سيارة إسعاف و بوليس وتجمع طلاب .....

منال : الدنيا زحمة اوي ...هنعمل ايه

بيري : اصبري شويه ودلوقتي نعرف

منال بقلق : انا باكلم ياسين ومش بيرد عليا ...ربنا يستر

بيري في سرها : انا مالي قلبي مقبوض و قلقان كده ليه ...في حاجه بس مش فاهمه ...

بنتين ماشين

- ربنا يقومه بالسلامة ..محدش قدر يدافع عنه من الض*ب اللي كان بياخده ....و لا حد. أتكلم

- لا في بس منعوهم و ض*بوهم ...كانوا عايزين يض*بوه لوحده ومحدش يدخل ...مش فاهمه دول لو جاين ينتقموا مش يعملوا كده

- هو ايه سبب الخناقة ؟

- مش عارفه ...هو تقريبا حد فيهم خبط في واعتذر ليهم. ..و برضوه ض*بوه ...كانوا كانهم اللي مستني على غلطة ليه

- ربنا يشفيه ....ويقوم بالسلامة ...بس العربية اللي خبطته ...دي هم كانوا قاصدين يرموه عليها

- معتقدش لانهم كانوا متفاجئين و جروا في ساعتها

....انا صعبان عليا ...وكان نفسي اساعده ...مقدرتش غير انتي اكلم البوليس

- انتي عملتي اللي عليكي بس انتي طلعتي ارجل من الرجاله اللي كانت واقفه دي ....محدش عمل حاجه وساعده ربنا يسامحهم وذنبه في رقابتهم ....

منال باستاذن : انا اسفه ...بس من غير قصد سمعتكم ...هو ايه اللي حصل بالظبط

- كان في طالب خارج من هنا ...وفي بلطجي خطب فيه وطلع أن التاني غلطان فيه ...وفي نص الخناقة ....جت عربية معرفش جت منين ..وللاسف خبطته

بيري : متعرفيش الطالب ده اسمه ايه ؟

- مش فاكره اسمه ...كل اللي اعرفه عنه أنه رئيس الطلاب لكلية هندسة وأنه متفوق فيها ...هو مشهور بس انا مش فاكرة اسمه

منال تقول برعب : اوعي تقولي اسمه ياسين البكري

- ايوه ...هو ده اسمه فعلا انا افتكرت

منال بصريخ : لا ...لا ...لا ...لا مش ممكن

بيري : اهدي اهدي ...

منال : ياااااااسين

وسقطت منال ماشي عليها

ايه اللي هيحصل لياسين وايه اللي هيحصل لعيله البكري ده اللي هتعرفوه الحلقه الجايه ????