Ginamot si Fael sa manggagamot at hindi ko mapigilang napaiyak dahil sa nangyari sa kanya. Bakit kaya siya nahimatay? “Nababaguhan ang katawan niya sa mga pagkain,” Sabi ng manggagamot. “May kinain ba siyang bago?” Tanong niya at tumango naman ako. Hindi ko masabi sa kanya na hindi taga rito si Fael. Kanina pa nagtataka ang manggagamot dahil sa hitsura ni Fael.
“Huwag mo na siyang pakainin ng mga pagkain na bago sa katawan niya.” Sabi niya at tumango naman ako. Binayaran namin ang manggagamot at narinig ko na napaungol si Fael. Pinunasan ko ng mainit na tubig ang kanyang noo at umuwi na rin sila ina at ama sa bahay kaya nagpapasalamat ako sa kanila.
Dahan dahan minulat ni Fael ang kanyang mga mata. “Fael,” Mahinang sabi ko.
“Anya, anong nangyari?” Tanong niya.
“Nahimatay ka kanina
