CHAZZY
Tulala ako habang nasa loob ng sasakyan na inutusan ni Thomas na maghahatid sa akin pabalik sa mall. Nakagat ko na lang ang ibabang labi ko habang kinurap-kurap ang mata ko para pigilan ang namumuong luha dito.
Bumuga ako ng hangin at awtomatikong tinapat ang kamay sa dibdib ko. Hindi ko maintindihan kung bakit iba ang t***k ng puso ko ngayon. Para itong pinupunit na hindi ko mawari. Naninikip ang dibdib ko.
“Are you alright, Miss Chazzy?” Tinapunan ko ng tingin si Prixx. Pinakilala siya sa akin ni Thomas bago kami naghiwalay.
“Y-yes,” tipid na tugon ko at kaagad nag-iwas ng tingin dahil baka mahalata niya na nagpipigil lang akong umiyak.
Makalipas ang ilang minuto, nakarating na kami sa mall. Balak pa nga akong ihatid ni Prixx pero tumanggi ako.
Pinipilit kong abalahin a
