CHAZZY
Napanganga ako nang makita ko ang tanawin na naabot ng mata ko. Nasa patag kami pero kitang-kita mula sa kinatatayuan ko ang nagkikislapang ilaw mula sa malalaking gusali ng siyudad. Bukod sa magandang tanawin, presko rin ang simoy ng hangin. Paano pa ako makakatulog kung ganito ang tumambad sa harap ko?
"Are you enjoying the view?” Agaw niya sa atensyon ko.
“Yes. Paano mo nalaman ang lugar na ito?” tanong ko habang tuwang-tuwa na nakamasid sa tanawin.
“I've been coming here since high school. This place has been my escape when things get tough at home.”
Napatingin ako sa kanya. Medyo mabigat ang pagbitaw niya sa huli niyang sinabi. Baka may problema nga siya kaya minabuti niyang lumabas muna.
“Parang sinabi mo na rin na may problema ka.” Binalingan niya ako. “Meron nga ba?
