CHAZZY
Nakatulog ako sa paghihintay kay Thomas. Hanggang sa nagising ako na may humahaplos sa pisngi ko. Pagmulat ko ng mata ay napangiti ako nang makita ko siya, nakahiga sa tabi ko habang matamang nakatitig sa akin.
“Kanina ka pa?” namamaos ang boses na tanong ko.
Dinala niya ang ulo ko sa braso niya. “Kararating ko lang din.”
Niyakap ko siya at muling pumikit. “Kumain ka na ba? Ipaghahanda kita.”
“I'm not hungry. Seeing you makes me feel full.”
Kinurot ko siya sa kanyang tagiliran. “Magseryoso ka nga.”
“Hindi pa. Pero hindi naman ako nagugutom. Pero kung kakain ako, iba ang gusto kong kainin,” pilyo niyang sabi.
Humagikgik ako. May ideya na ako sa gusto niyang kainin. “Umatake na naman iyang kamanyakan mo.”
Malutong siyang tumawa dahil sa sinabi ko.
“Kumusta pala ang
