CHAZZY
Nang magmulat ako ng mata ay bumungad sa akin ang puting kisame. Nilibot ko ang tingin sa kinaroroonan ko at nakita ko si mommy, Kuya Clarkson at Thea. Kaagad na lumapit sa akin si mommy at kaibigan ko, pero ang kapatid ko ay lumabas ng silid.
“Anak, kumusta na ang pakiramdam mo?” tanong ni Mommy.
“Ano po ang nangyari? Nasaan ako?”
“Nandito ka sa ospital, friend. Nawalan ka kasi ng malay kanina sa mall.”
Bumangon ako. Pero nahilo lang ako sa ginawa ko kaya humiga akong muli.
“Nahihilo ako,” sambit ko.
Kumunot ang noo ko nang makita ko ang mga ngiti sa labi nilang dalawa. Impit naman ang naging tili ni Thea, na parang kinikilig.
“Bakit ganyan ang mga reaksyon n'yo? Nahihilo ako, pero ngiting-ngiti pa kayo riyan,” nakanguso na puna ko sa dalawa.
“Ang doktor na ang bahal
