CHAZZY
Masyadong mabilis ang mga pangyayari. Ang tanging alam ko lang, dala-dala ko na ang pangalan ni Thomas. Isa na akong ganap na, Chazzy Sevilla—Vittori.
Hindi man ito ang pangarap kong kasal, masaya ako dahil kinasal ako sa taong mahal ko.
Sa resort din ginanap ang salo-salo. Masaya namin pinagsaluhan ang handa. Nakakalungkot lang dahil wala ang magulang ni Thomas. Medyo nasaktan ako sa hindi nila pagpapakita. Sinampal ako ng katotohanan na ayaw talaga nila sa akin para sa anak nila.
Mabuti na lang ay hindi nagtatanong ang magulang ko. Marahil ay ayaw lang nila masira ang araw ko. Pero sigurado ako, kapag nakausap nila ako na wala si Thomas sa tabi ko, itatanong nila ang tungkol sa magulang nito, at hindi ko alam kung paano ko ipaliliwanag sa kanila ang tungkol sa pagitan namin
