CHAZZY
Pinasya namin ni Thomas na pumasok na sa loob ng cabin. Wala akong dalang damit, kaya kumuha ako ng damit niya sa cabinet. Humiga kami sa kama. Nagkwentuhan ng ilang minuto, pero hindi ko namalayan na nakatulog pala ako sa mga bisig niya. Paggising ko, madilim na sa loob ng silid, at ang tanging nagsisilbing liwanag ay ang ilaw sa lampshade.
Kinapa ko ang higaan, ngunit wala si Thomas sa tabi ko. Kaagad akong bumangon at lumabas ng silid.
“Thomas?”
Tinawag ko siya ng ilang beses, pero hindi siya sumasagot. Lumabas ako ng cabin dahil baka nagpapahangin lang siya sa labas. Niyakap ko ang sarili dahil sa malamig na simoy ng hangin na sumalubong sa akin. Pero napahinto ako ng bumulaga sa harap ko ang nagkalat na kulay pula na mga petals sa daan.
Sinundan ko ito. Nagkaroon na ka
