CHAZZY
Nakangiti at masigla akong gumising. Pagkatapos ng mainit na tagpo sa pagitan namin ni Thomas, nagpalipas muna kami ng oras sa labas ng resthouse. Umupo kami sa duyan at nagkwentuhan tungkol sa future naming dalawa. Mahirap man paniwalaan pero, sa bibig na mismo ni Thomas nanggaling na gusto na niya magkaroon ng anak sa akin. Ibig sabihin, binigyan niya ako ng assurance na wala siyang ibang babae na gustong maging ina ng kanyang magiging anak kundi ako lang.
Sa bagay na ‘yon ay wala na akong pag-aalinlangan. Naramdaman ko ang sinseridad sa boses niya habang nagpaplano siya sa future naming dalawa. Napag-isip-isip ko, nag-failed man ako sa unang relasyon ko, bakit hindi ko subukang sumugal muli sa ikalawang pagkakataon?
May tiwala ako kay Thomas na hindi niya ako magagawang loko
