"HOY, buntis, 'san ka nanggaling?" salubong na sigaw sa akin ni Crizsa. Kakauwi ko lang galing sa simbahan. Kada linggo ay nakagawian ko na talaga ang pagsisimba. At araw-araw na nagdarasal para sa kaligtasan naming lahat at syempre ng baby ko sa aking tiyan. Anim na buwan na akong buntis at malaki na rin ang tiyan ko. Isang buwan pagkatapos ng huling pag-uusap namin ni Terrence nang malaman kong buntis ako. Hiyang-hiya ako no'n kina Madam at Sir lalo na kay Nanay dahil sa nalaman namin. Hindi ko rin naman akalain na magbubunga pala ang ginawa namin ni Terrence kahit na isang beses lang naman namin iyon ginawa. Pero kalaunan ay tinanggap rin ni Nanay ang lahat. Inaalagaan niya ako sa tuwing nagsusuka ako at nakakaramdam ng hilo. Naging maselan rin ang pagbubuntis ko kaya tinigil muna nila
