“Nag-away ba kayo ni Ma'am Glenda, sir?” tanong ni Alona ng makita niyang nag-iinom ng alak mag-isa ang kanyang among si Dondon.
Unang beses niyang nakitang umiinom ng alak ang among lalaki na kaulayaw niyang magtampisaw sa apoy ng makasalanang pagnanasa.
“Kanina ay inaya ko siyang lumabas para makapamasyal kami ay tinanggihan niya at ayaw niya raw. Wala raw siya sa mood pero iba ang pakiramdam ko,” sagot ni Dondon sa dalagang kasambahay na ilang beses na naman niyang nadale simula ng dumating siya kahapon.
Basta sa tuwing aalis siya sa tabi ng asawa ay hindi pwedeng hindi niya dadalahin si Alona kahit ano pang ginagawa ng kasambahay.
“Baka naman talagang wala siya sa mood, sir? Hindi naman po araw-araw na tayo ay okay, hindi ba? Baka may dinaramdam lang si Ma'am Glenda,” giit ni Alona
