“Opo, Nay. Kayo na po ang bahala sa pinapagawang bahay. Hindi naman po kasi ako makauwi dahil wala pong kasama ang amo kong babae,” ang sabi ni Alona sa kanyang ina habang magkausap sila sa cellphone.
“Oo, anak. Heto nga at konti na lang talaga ay tapos na. Paano ka pala makakauwi niyan? Kahit isang araw lang ba ay hindi ka pwedeng mag-day-off?” untag ng nanay ni Alona.
“Hindi po, Nay. Wala po kasing maiiwan sa amo kong babae. Nasabi ko naman po sa inyo ang kalagayan nya hindi po ba? Hindi po siya nakakalakad o kahit makatayo sa kanyang kama kaya kailangan na kailangan niya po ako kapag may gusto siyang iutos.” Ang sagot ng dalagang kasambahay na nagpadala na naman ng pera sa kanyang nanay para sa pagpapagawa ng bahay nila.
“Nasaan ba ang asawa niya? Hindi ba sabi mo at may asawa naman
