His Mythical Obsession

Ramdam ko ang lamig ng hangin, hindi dahil sa suot ko na manipis na damit o dahil sa gabi na. Kakaiba ang lamig na aking nararamdaman, parang nagbago ang ambiance ng lugar. Dumungaw ako sa bintana upang tingnan ang kabuuan ng buwan pero imbes na gumaan ang pakiramdam ko ay lalo akong hindi ako mapalagay. Parang may nagmamasid sa akin. Dali-dali kong isinarado ang bintana sa kwarto ko bago patakbong pumunta sa kama ko. Nagdasal muna ako bago nahiga. Basta matutulog na ako, bahala na itong kakaibang nararamdaman ko. Pagnakatulog na ako, hindi ko na ito mapapansin pa panigurado. Ramdam kong may mga matang nakatingin at nagmamasid sa akin kaya tuluyan na akong dumilat at bumangon. Walang ilaw sa kwarto ko at tanging ang kukunting liwanag sa lampshade ang nagbibigay ng kaunting liwanag sa kabuuan nito. Hindi kasi ako sanay na matulog na maliwanag. Hindi na ako nag-abalang buksan ang ilaw. Inikot ko ang mata ko sa kabuuan ng kwarto at may nakita akong akong silweta sa bandang bintana ng kwarto ko. Nakita kong tumayo ang silweta at ito ay papalapit sa akin. Sa wangis at tindig nito ay masasabi kong itong kasama ko sa kwarto ay isang lalaki. "I'm glad you are already here, Mi Amore." anas nito gamit ang napapaos nitong boses. What with his voice? At ano raw, Mi Amore, pangalan ko iyon ah? "Buenas noches" wikang muli nito sa ibang lenggwahe kaya hindi ko rin naman naintindihan. Dahil naalimpungatan lang naman ako ay nakatulog rin ako kaagad. Marahil hatid narin ng kakaibang dating ng boses niyang kay lamig na parang nanghihipnotismo.