Maraming mga bata ang nandirito sa bahay ampunan at nakikita kong maayos at maganda ang bahay ampunan na eto.
"Malaki ang utang na loob namin kay Mr Narvaez. Dahil sa kaniyang kabutihan ay naipatayo ang bahay ampunang eto. Siya lang naman ang nagiisponsor dito. At kahit kaylan ay hindi kami nagka problema sa budget dito. Kaya masusuwerte ang mga batang iyan."
Tumatango na lang ako habang nakikinig sa sinasabi ni mother Anastasia, ang madreng nakita namin sa may entrance nitong bahay ampunan.
Bukod sa kaniya ay may ibang madre pa akong nakita na siyang nagaalaga at namamahala sa bahay ampunan na eto.
Si Leandro ay masayang nakikihalubilo sa mga bata at ngayon ko lamang siya nakitang ngumingiti. Lalo siyang gumaguwapo dahil lumalabas ang malalim niyang biloy sa kaliwang pisngi na n
