DAHAN-dahang iminulat ni Fabielle ang mga mata nang bahagyang maalimpungatan. Ramdam pa rin niya ang antok ngunit bahagya nang nangangalay ang likod niya marahil sa pagkakatulog ng nakaupo.
Ang huling naaalala niya ay ang pagsalampak niya sa sahig ng silid na inookupa niya at pagsandal sa dingding sanhi ng pagod sa paglalakad at paglangoy.
Bahagya pang nagulat si Fabielle nang sa pagbaling niya sq kanyang tabi ay mabungaran niya si Josh. Gaya ng posisyon niya nang magising ay nakaupo din ito at nakasandal ang lkod at ulo sa dingding ng silid.
What is this guy doing here? tanong niya sa isip habang pinagmamasdan ang mukha nito.
Nakapikit ito habang maaliwalas naman ang maamo nitong mukha. At sa halip na gisingin ang lalaki ay natagpuan niya ang sarili pinagbubuti pa ang pagsiyasat sa
