LITERAL na napanganga si Fabielle nang makita ang sinasabing b****a ng Lumiang cave kung saan umano sila papasok at tatawid patungo sa Sumaguing cave kung saan sa b****a naman niyon sila lalabas.
She was not afraid of heights. Or, at least, she had never been afraid of heights before. Noon pa man ay hilig na niyang sumakay sa mga thrill rides ng mga amusement parks at ni hindi siya tumitili kahit pa sige na ang sigaw ng mga nakakasama niya sa mga lugar na iyon.
Ngunit nang mga oras na iyon ay nagbago na ang pananaw niya. Dahil ang titigan pa lamang ang matarik na mga batong nasa harapan niya ay nakakapanginig na ng kalamnan niya. Oo, kaya niya iyong pababang daang tinahak nila ng mga kasama sa tour na iyon upang makarating sa bukanang iyon
