Chapter 7
Haunting Me
Malalim na ang gabi pero nananatili pa ring gising si Savannah sa kadahilanang hindi siya makatulog sa kakaisip sa kakaibang kalagayan ni Trinity. Hindi niya alam kung bakit masyado siyang nababagabag sa kondisyon ng dalaga. Siguro marahil ay noon lang siya nakakita ng ganoong klaseng sakit. Hindi mawala sa isip niya ang nahihirapang itsura ni Trinity noong nasa clinic ito. Nanginginig ang buo niyang katawan at tumatarak ang kanyang mata na halos mawala na ang itim nito. Napapikit siya ng mariin at iniiling ang kanyang ulo. Bumangon siya sa kanyang kama at lumakad patungo sa kanyang closet. Kumuha siya ng jacket at lumabas ng kanyang kwarto.
Patay na lahat ng ilaw sa buong mansyon dahil tulog na lahat ng kasama niya dito. Siya na lamang ang tanging gising sa mga or
