Nalulula si Ally habang pinagmamasdan niya ang mabilis na pag-ikot ng ferris wheel sa himpapawid at rinig na rinig niya ang malakas na pagtili ng mga nakasakay sa rides.
Maraming tao sa carnival mayroong naglalaro sa binggohan at color game, may mga bata na kumakain ng cotton candy, pop corn, at ice cream. Ang mga teenager, at couples naman ay nakasakay sa rides.
"Babe sasakay ka ba sa Ferris wheel?" Tanong niya kay Nico.
"Yes wife, lahat ng rides gusto kong sakyan natin nang sulit ang pagpunta natin dito sa Sky Ranch," excited na sagot nito.
"Ayaw ko sumakay sa rides babe kasi takot ako sa matataas na lugar at madali akong mahilo. Sigurado na susuka ako kapag sumakay ako sa Ferris wheel at baka nga himatayin pa ako dahil sa sobrang takot. Ang mabuti pa babe kayo na lang ni ate Ella
