BOOK 2: CHAPTER 8
“KAI, 8 PM daw sabi nila Mama. Makakapunta ka ba? Okay lang naman kung hindi, ipapaliwanag ko na lang na may ginagawa ka pa na related sa work. Maiintindihan naman nila ‘yun.” Bungad ko kay Kai habang nag-aayos ng buhok sa tapat ng vanity table.
“Siyempre makakapunta ako, ayaw mo yata akong kasama eh.”
Ang tinutukoy at pinag-uusapan namin ay ‘yong aya nila Papa at Mama na dinner sa bahay nila rito sa Manila, dapat talaga last week pa ‘to ang kaso lang ay naudlot dahil nabangga ang kotse ni Kaijin at naaksidente siya, saka sumunod no’n ay nagpahinga muna siya at sinamahan ko ng isang buong linggo sa kung saan siya mare-relax.
Sa dinner kasama ako, si Kaijin, sila Tita Zarina at Tito Kael, at kung available si Kendrick ay invited din siya. Pero tingin ko hindi siya maka
