BOOK 2: CHAPTER 7
“SIR, wala pong sinabi ‘yong babae pero hinahanap ka lang po. Hindi pa nga po sigurado no’ng una kung ikaw ba talaga ang may-ari nitong kumpanya.”
Nagkatinginan kami ni Kaijin pagkarinig ng sagot noong security guard niya saka ako kumapit sa kaniyang braso at ako ang nagsalita para makipag-usap doon.
“Um, babalik pa raw ba siya?”
“Hindi rin po nagbanggit, Ma’am, eh. Ang sinasabi niya lang po ay nasaan daw po si Kaijin Valencia. ‘Yun lang po ang sinasabi.” Magalang na tugon ng security guard kaya tinanguan ko na lang.
“Kapag bumalik, papasukin niyo na lang agad at i-update niyo ‘ko sa opisina.” Ani Kaijin sa kanila. “O kaya ay idiretso niyo sa office ko, gusto ko rin siyang makausap.”
“Sige po, Sir, copy po.”
Dumiretso kami sa loob ng kumpanya at binati pabalik ang
