KINABUKASAN, maaga pa lang ay nagising na kami ni Kai para tapusing pag-usapan ang bawat mahahalaga at maliliit na detalye sa 'ming plano.
Nilalamig ako sa kaba kapag naiisip ko ang gagawing panlilinlang namin kay Angelo habang sinasamahan ko ito, sana lang ay hindi talaga siya makahalata.
Nakinig lang ako nang mabuti sa kaniya at pinigilang huwag magsalita o magtanong-tanong dahil sa microchip microphone na nasa katawan ko.
Walang duda talaga na iisa sila ng patakaran at estilo na ginagawa noong Tina. Same microchip microphone brand, same location sa katawan ko. Halos mapairap ako sa inis.
"Nagtataka pa rin ako kung paano mo nalaman kung sino talaga ang kalaban." Nangingiting sambit ni Kai habang pumapasok na kami ngayon sa building na pagmamay-ari niya. "At nagtataka rin ako kung p
