Chapter 80
"SAAN ba tayo pupunta?" Hindi mapakali sa kaba na asik ko habang nagsusuot ng seatbelt.
Hindi umimik si Kai at tahimik na nagmaneho lang matapos buhayin ang makina ng sasakyan.
Nanahimik na lang din ako at sumiksik ng upo sa pwesto. Lalo lang akong kinakabahan sa pananahimik na ginagawa niya, pakiramdam ko tuloy mag-aaway kami mamaya lang. Alam ko naman kung paano siya nagre-react kapag may nakakadikit akong ibang lalaki... ibig kong sabihin, hindi naman lingid sa kaalaman ko na pareho kaming may gusto sa isa't-isa kaya ganoon ang nagiging reaksyon niya.
Naninibago ako ngayon.
Tumikhim ako at naglakas ng loob na magsalita ulit. "Um... hindi ba tayo mag-aaway?"
Napasulyap siya sa 'kin pagkarinig ng sinabi ko. Mabilis lang saka nagbalik na ng atensyon sa daan.
"Bakit t
