CHAPTER 79
TAHIMIK na bumuga ako ng malalim na paghinga, umaasang maiibsan no’n ang lahat ng pag-aalala at takot na dumadagan sa ‘king dibdib mula pa noong mga nakaraang araw na tumitindi lang habang lumilipas ang mga araw. Gaya ng araw ngayon.
“Mukhang napapaligiran niyo talaga kami.” Tumatango at nagtatagis ang panga sa iritasyon na bulong ko sa hangin habang pinagmamasdan ang pulis ni General na nagngangalang Arevalo, naglalakad ito ngayon sa labas ng coffee shop na pinasukan ko.
Kita ko siya ngayon sa malaking glass wall ng shop.
Lumapit ito sa kumpol ng mga lalaking nakasuot ng kaniya-kaniyang police ID at nagtatawanan habang nag-uusap. Parang mga normal lamang na magkakatrabaho sa lugar pero iba na talaga ang kutob ko.
Nag-alis ako ng tingin sa kanila nang mapasulyap sa gawi ko
