حاول اكرم امتصاص جو التوتر والفزع الذى ساد وسيطر على والدته ليقول : مصيبة ايه بس يا ماما ؟؟ ده جواز وفرح .
نظرت له بحدة وغضب : لا مصيبة ..ومصيبة سودة كمان .
عادت ل أسعد : إيه اللى يخليك تجوز أرملة ؟؟ قلة بنات ؟؟
حاول أن يتمسك بهدوءه : يا امى أنا اخترتها .
خديجة : وانا مايلزمنيش الكلام ده. يا بنت بنوت يا تخليك قاعد جمبى احسن . لا وكمان معاها عيل . يعنى هتربى ابن غيرك .
نهض أسعد منهيا الحوار الذى يأخذ اتجاها لن يكون محمودا ليغادر المنزل. تن*د اكرم بحزن : ليه كدة يا امى ؟ أسعد طول عمره شايل همنا ويوم ما يفكر فى نفسه لأول مرة تعملى كدة !!!
صرخت خديجة : واد يا اكرم ماتجننيش
اكرم بإصرار : طب شوفيها حتى ..
ضغطت على اسنانها بغيظ: اكررررم .
لينهض هو أيضا مغادرا المنزل .
*****
غادرت فطيمة إلى مكتبها صاحبة ابنتها لايصالها للحضانة ، أوقف عهدى سيارته أمام المنزل ، لم يعد بحاجة لمراقبة خطوا
