نظرت له بفزع ليعاجلها بصفعة ثانية وثالثة و...و...
كانت فوق الفراش وهو فوقها متحكم بها تماما ، احاطها بجسمه ليشل حركتها ، رفعت كفيها لوجهها فى محاولة لحماية نفسها من صفعاته وهى تبكى قائلة : أنا عملت ايه ؟؟ بتضربنى ليه بس ؟؟
انتفض واقفا ليجذب خصلاتها فتتبعه بألم وبكاء ليقول بغضب : مدخلة راجل البيت فى غيابى وقافلة باب الشقة ومش عارفة عملتى إيه ؟
ترفع كفها لقبضته المتمسكة بخصلات شعرها وهى تقول: ده ابنك يا سى الحج !!
عاد يصفعها : ابنى ولا مش ابنى . راجل ده ولا مش راجل ؟؟
شهقت بقوة : راجل يا سى الحج بس ابنك .
وكأنه لم يستمع لها فقال : وبتهاديه كمان ؟؟ مدياله إيه فى اللفة ؟
نظرت له برجاء : فطيرة وشوية عسل وحتتين جبنة من اللى امى جيباهم .
جذبها ليعيدها للفراش ويعود محيطا لها : يعنى إيه من اللى امك جيباهم ؟؟ انت بتعايرينى يا بنت ...
صرخت بألم : والله ما اقصد ..حقك علي راسى يا الحج ..كفاي
