بارت الثاني عشر

2590 Words

• مساء العافيه بعض الآلام، لن يفهمها البشر ولن يستطيعوا تخفيفها مهما كانو قريبين منك، انظر إلى السماء وارفع الشكوى لجبار القلوب، فهو يعلم ما في قلبك وسيجبر خاطرك .. عابثه الاخيرة ////////////////////////////////////////////// مديت راسي داخل ثلاجه وانه اشوفن شبيه اخذت ماعون بيه كباب وعليه گرصه خبز رفعت راسي حاولت اكتم صرخاتي لكن بات بالفشل جفلت وطاح مني ماعون.... گطعت خلفتج ياغصون شهكت شهگ من خوفي رتعدت وطاح ماعون من ايدي من خوف بطني ضلت تلوي بيه حكيم جان واكف باب مطبخ لابس دشداشه خفيفه وشعره مبعثر حجه بخوف :- اسم الله شبيج شنو شفتي طنطل غصون خوف بعده بيا حتى اصابيعي يرجفن جسمي كله يرجف رديت عليه بتلعثم ::: هاا لاا مامش بس خرعتني وروح الغالي شگعدك حكيم بنبره هادئه رد عليه ::: مكدرت انام صوت جربايه يرن بالغرفه انه سمعت جلمات غديت ماي من الفشله انه اصلان ماعرف انام بيه گضيت عمري كله ع گاع وحتى من نمت ع جربايه ليكول حجار موش جربايه غصون رديت عليه وانه المن الماعون تفلش :- انه موش غصدي اكعدنگ بس انه هاي اول مره انام ع جربايه همهم براسه وجهه ومعاني الحاده توحي للغضب رغم امبين من اسلوبه هادئ بس وجهه ابد :- مصار شي يابه انتي شتسوين اهنا هنه ساعات وجلمات قليلة وگوه تطلع من حلگي والخوف مخلص عليا غصون رديت :- مو انه اجيت اشرب ماي بس ماعرفن شلون طاح الماعون مني حكيم قلص عيونه مثل فهم سالفتي رد بهدؤء ::: اكلي يابه ترا مراح حرمج من الاكل حجاه وباوعلي من فوگ ليجوه ورد طلع وانه لميت كزاز وتحسرت ع كباب ماگلته انتهدت وذبيته بسطله وتوجهت للسنگ غسلت اديناتي وجهي من حراره تلفح اخذت نفس عميق وزنفرت ضليت اخذ شهيق وزفير يمكن حتى اهدى وگلبي يخف دگاته طلعت من مطبخ ورجل. تطگ برجل دشيت داخل الحجره جان الضوه احمر عاگس ع حجره لمحته محني جسمه باس بته وگام انطرح بفراشه وانه هم طفيت الضوه ورديت انطرحت وانه بالي مشغول رغم هو انطاني جلمه مايتكربلي صراحه كيفت ماريدن يتگربلي هسه اخذت ايدي الافكار وسارت بيه بدوامه ماله اول تفكير غميج كلشش مثل بير غطيت بنوم عميق •°•°•°•°•°••°•°°•°•°•°•° صباحاً صوت ماكو فقط انفس مجهده اتعباه الزمن ع صوت دگات باب الحوش صوت مزعج انه كعدت فكيت عيوني ع كيف ضوه يض*ب بعيوني ضليت اتگلب منزعجه بس شويه احس شي مقيدني رفعت راسي عيوني امورمه منايمه ليل عاين عليه نايمه ع اذرعي شعرها متناثر ع وجها رفعت ايدي و بعدت شعر عن وجها جانت مبرده مشتغله وجو زين هيه مكرفصه نفسها بست خده انتبهت ع نفسي دشداشه واصله ص*ري ورجلي كل وحده جهه انه ادري بروحي من انام فضيحا همزين لابسه شورت الا جان انفضحت والله عدلته بسع انفتحت الباب دخل هو يمسح براسه غصون رديت عليه ::: مصباح الخير نصيت عيوني.خجلانه منها حكيم رد برود مثل كل مره :::: صباح النور غصون توجهه لكنتور فتح الباب ضل يگلب وضليت بفضولي من صبح غصون رديت عليه ::: اكلك هذا ياهو بالباب طلع دشداشه بيضه لأبسه ع سرعه التفتت اليه هو يعدل دشداشه ويسد دگم حكيم رد عيونه بعيوني ابتسم بستهزاء :: خاتون هذول اهلج شني نسيتي صباحيه عرسج فكيت عيني جنهه النعاس بعد كاعد بنص عيني ومامستوعبه انه تزوجت هو ضل يرش بالعطر ويلبس بساعته كل هذا الحجي واكف جدام المرايه وعيني عليه حجه بتحذير :::: كومي بدلي بسرعه واي شخص يسألج عن شنو صار البارحه كوليهم تم واذا ع نيشان كوليهم عندي مفهووووم هزيت براسي بأي هو طلع وانه كمت اخذت دشداشه بيضه مطرزه من هاي خليجيات تكون ام الفراشه اخذته و دشيت للحمام ع سريع بدلت وعطرت وانه اتذكر كلامه هم حمدت ربي وشكرته جيف نام بالگا ع مو يمي جان شبعته رفسس وعلي ويمكن انسى نفسي واهجم عليه رشيت عطر و شعري بملل ضليت انشف بيه ما حسيت الا وسن دخلت وتهلهل بصوت عالي: ::: صباحيه امباركه مب**ك خيه باوسته بفرح ::: الله يبارك بيج يرويحتي جفلت البت جانت نايمه هيه استغربت عينه على البت وعليا وسن فگت حلكها وعيونها مسبلات وسن ::: اكلج هاي بته شجابها اهنا مو عرسكم ابتسمت بوجهه ابتسامه مزيفه رحت ع بت وشلته مالت براسها ع جتفي ::: غصدج اسولة البارحه مكدرت تنام بدون ابوه متعلقه بيه وسن ردت ويه تعاين ع غرفه بدهشه ::: همممم غرفتج حلوه غصينه والله ونفتحت ابوجهج راحت ع امرايه ضلت تباوع بتفحص انه عفته ع راحتها شلته اسيل وغسلت اله جانت لابسه فالينه جبيره امبينه مال اخوه جتفها طالع شويه وشعره محابس طلعت من حمام شفتها بعدهي كاعده ع جربايه وتمسد ع قماشه نتهدت وسن ::: اكلج غصون بشري كلشي تم بينكم امي البارحه اكلت گلبي كل شوي وحجت هسه يرده عليه عبن غصون وعرفها ماتنطي مجال لزلمه اسيل وكفتها وشلت شعرها سويت ذ*ل وهيه بس تعاين عليه تبوسم بوجهي بخجل غيرت ملابسه بمال بارحه غصون رديت عليه ::: امج مش*ه سمعتي وضالمتني كلشي وحجت مادبرها شنهي هااي اطمنيها كلشي تم وسن ردت هيه بعتب ::: غير امي وگلبه عليج لا تشوفيها تحجي والله گلبها طيب ماكو منها حتى اليوم سوت ريوگ الج بديناته يلوگ هالحلگ انتهدت باوعت عليه بقهر ::: الله يديمه جأنه شعدي وياه ماقصرت جتي تقدمت عليه باوستني وسن ::: يلة خيه انه اروحن ماريد اطول هنا عيب من زلمتج ما وصيج عليه وع فروخ رفعي راسنه بعد اخيتج هزيت راسي هيه حطت العبايه ع راسها وطلعت سمعت صوت هوسات وصفگ وهلاهل التفتت ل طفله وع وجهه اثار تعجب والفضول صوت اقدام و هلاهل بنفس الوكت دخلت للحجره واني بحاله صدمه عيوني ما ترمش شنهي دخلت بدون احم ولا دستور والثانيه علياء تباوع ع حجره بتفحصه ووترد تباوعلي من جوه بحتقار ساريه ::: بالمبارگ عليج حبيبه انشاءالله برفاه والبنين شلت اسيل ونزلته غصون ابتسمت بوجهه ::: الله يبارك بعمرج حبيبه ساريه ردت ع علياء من وره خشمه ::: ماكو مب**ك لو ل**نج بيه عظم ابتسام جانت تباوع بصدمه وانه مثله مستغربه اسلوب ساريه ويه علياء اني صح ماعرفهن زين بس لزوم يتحجون بحترام علياء ردت عليه وهيه تباوعله بطرف عينه ::: يأااا عمه شبيج انه ل**ني بيه عظم بس منتظرتج تخلصين حتى اسلم عليها ترا مرت الغالي اخو الغالي قصده زلمته اجتي علي تعوج بحلگه ماجنه تبوس جنه مجبوره ::: البارحه خبصت الامه ع ابوه خطيه متعلقه بيه ردت ابتسام بخوف ::: ايي والله بارحه خفت من كد ما بجت على ابوه كلت هاي راح يصير بيه شي ردت ساريه بصوت عاالي كلش وجنه غصد بكلامه ::: ايييي خيه جااا غير اكووو بگايه تگرررص بالجهااال ومحد يض*بها تردن لييش وراها بگايه جبيررره كلششش بس تنااافق اني مفهمت شي ضليت افرن بذاناتي حجيهن نصه افهمنه ونص ثاني كله بسامير دتحجي ابتسام سمعنه صوت حمحمه رجوليه عرفته حكيم ابتسمت ابوجهه ابتسامه مصطنعه رد كال ::: هااا استلمتنه يله بويه رحمه الله والديه من زار وخفف عنا تقدم عليه وحظن جتفي قربني آله ارتبكت حجاه بضحكه ابتسام باوعتله من طرف عينه :::: شبسع بعتنه رد بنفس بارد :::: بعد اخيج هو الي يشوف غصون يشبع منها ردت علياء بستفزاز ::: ياا سبحان الله نفس الكلام حجيت ويه فاتن وتالي طلكت عبس وجهه ورفع حاجبه ضغط ع جتفي حيل بحيث نبت اصابيعه بيهن بلعت ريكي رد بنفس النظره لكن عينه عليه كله غضب :: ايي ياسبحان الله تدرين ليش انتي اختارتيه ايام الرخيص راحت هسه غالي للغالي غصونه ذهب صافي والله خللاه بطريقي حجاه وباوعلي انه غديت ماي وجهي صار احمر رغم انه اندقيت من كلامها مدهوره عليان بس رد حكيم برد كلبي ساريه ::: هسه من الطمج ع حلگج احد يكلي ليشش دوم ماعدج سالفه بيه حظ وجفص بالمصارين ابتسام ::: وج عيني خلي تولي مابيه حظ راحت وره زلمه اكبر من ابوه ضحكت سااريه وخلت ايدها ع بطنها اما جان واكف بصفي وايده ع جتفي حاظني اله قربه وترني انه جسمي يرجف رجيف اكشر گربه وترني كلششش :::: اييي ابو غالب غركت بعسل يلة بنيات امششن قبل لا يطلعنه بالجلايق غصونه ان شاءالله من تردين البيت حجي عندي شغله وياج هزيت راسي الهن ابتسام :::: يلة اسوله تعالي نرد للبيت يم تولاي ابو غوالب يسأل عليج ردت هيه بلهفه ::: الوح اني يم غولب ::: راحت عليها وشالته ابتسام ولوحت بيده بمعنى مع سلامه سلمن عليه و طلعن ورد تريگ بس انه جامده مدري هو هم مااعرفن السكوت بينه كلش قوي هو ينام ويطلع ويكشخ وانه اضل بوحدي بالبيت ماكو شي يلهيني شغل البيت ما يحتاج ثالث يوم اجه وجايب بته وياه نوابات لكاه يتصفن عليه انه ما همني شي صراحه اكثر انه احب الجهال بنت اسيل عسل تضل تلعب وبالبيت لوما ضحكات جان انحسب البيت مسكون واقفه ع طباخ عودين اگلب بالتمن سراحنه بتفكير انتبهت ع جر ثوبي ع كيف نزلت انظاري لمص*ر جره شفتها واكفه لابسه هذا ابو خويط وشورت وشعره كرون ابتسمت ابوجهه جانت مبرطمه همست اليه ::: ماما دوعانه جلمة ماما شلت مخي انه اعرفن من يصير عندج ضنه وينطق هاي جلمة هاي بحد ذاته فرحه عمرج وسنينج وتعبج شلتها وخليته ع ميز مال طعام صغير حجيت وانه مكشره ::: اكلج عيدي جلمتج بعد روحي من ياهي،ماما باوعتلي وانه شلون مستغرب و متفاجأه ::: ماما دوعانه كلش ابتسمت وضليت ابوسن بيه حجيا بلهفه :::هسع اصبلج شون مرگ لحم وتمن بوويااي يخبل يلوگ هالحگ حجيت وگرصت شفايفه بخفه هيه ضحكت وردن خدوده صبيت اله وبديت اوكله وانه ااحجي بلهفه وحب غصون::: يلة يحلوه اكلي اسمني شويه جنت احجي واوكل بيها انفتحت الباب بهدؤء وانه كل ضني حكيم ماهتميت صاحت اسيل بصوت عالي بيه لهفه :::: مجد جان وجهه ع باب المطبخ انه منطيته ظهري التفتت اله: ::: جان طفل واكف عمر سبع او ثمانيه هندامه كله تراب رمشت بعيوني هاي حاله بيه من انصدم گبل ضلن ارمش بعويناتي طفل جان ينطي شبه الحكيم جان واكف يحرك بيه بتوتر رد بصوت هو مخنزر ::: بابا اهناا رديت عليه بحنيه ::: هسه ع جيه روح غسل حتى اصبلك ماجد:::: لاااا ماااريد عافني وطلع واخته نزلت من ميز وطلعت وراه انه ضليت بمكاني بعدين كمت شفتهم كاعد ع صبه مجد مدري ياهو واكف يمه و اسيل مكوره نفسه وتصيحله اواو غولب كل هذا وانه واكفه باوع عليهم صراحه خفت لة صايبهم شي عدلت الشيله وطلعت كل ما اتقرب عليهم اسمع غالب يكلة ::: اخخخ گلبي بعده مابرد اعرفنه هسه هذا ابن جلب يفره عليه ماجد رد عليه بغضب ::: مو كلتلك انه خل اض*بنه بالمصياده سويته البارحه كلت لاااا غالب ::: يااامصياده انته تحجي بيه مو شفتهم شلون اجو ربعه يركضون علينه ماجد حگ علباته بحيره :::: شنو راح نلگ لـ بابا هالمره مراح يفوته يمكن يض*بنه كل هذا وانه ااتسمع لهم ضاهر فروخ حكيم مسوين طلابه چايده كلشش حتى ماخذهم الخوف من ابوهم انوب هذا غالب يحجي ولا عبالك شي مسويه خفت منه وشلون اتعامل وياه صعب ماكدر لينه حجيت ::: اسيل يمه تعالي رفعت راسها وهمه عينهم صدت عليا وعله اسيل حجت بخوف وعيونها كله دموع ::: ماما اواو غولب يوجع رديت عليها ::: هسه اشوفن اواو ويروح وانتو لا تضلون اهناا دشو داخل يلة يمه حجيته بحنيه وانه اراقب عيونهم شلون نزرع بيها الخوف رتباك ردغالب عليه بجفاء :::: ماريد شي هسه يجي ابوي غصون رديت عليه ::: بس جرحك يلتهب كوم يمة لاتضل كاعد هنا وشمس تصلخ بجلدگ صاح بقوة ::: مااااريد شني متسمعين يجي ابوي وانروح ما نضل اهناا اطمني رغم صغر سنه بس كلامته اكبر منها جرحني بيه عبالهم انه ا**ب بيهم خاطر ابوهم واتقرب اله ولو انه هذا اخر هتمامي جيف اول وتالي نبني بيت بس موش هسه بمرور الزمن وانه مرتاحه هالشي.... حجيت ويه اسيل ::: اسيل تعالي وياي لا تضلين اهنا تتمرضين رد بحنق ::: تضل وياي ما تروح ويااج رديت بضجر ::: استغفر الله بويه تتمرض البت غالب::: مالج غرض اسيل ردت عليه بعناد :::: مااا الوح ::: هذا هو بويه يجي ابوكم احجي وياه انته ضاهر ما تسمع چلمه لوعت گلبي اله تأثير عليها كلش من هسه بدت معاناتي ويه غالب دگ الباب البيت جان بيه حديقه بس موش زينه وجوهم خ*ف لونها رحت فتحته جان هذا ابو عيون الرماديات معصب وبياض عيونه صاير احمر كلشش ومنا عيونه شلونهن رد بتلعثم ::: سلام عليكم خويه غصون::: وعليكم السلام هلا بيك تفضل عزيز::: زاد فضلج خويه اكلج خويه هم اجو غالب وماجد غصون::: ايي خويه اهنا تفضل موجودين تنفس براحه اعصاب وجهه رتخت ميلت من جدامه واخذ طريق شفتهم ما ع وجهم اي تعبير ولا خوف بالع** مرتاحين وبذات غالب ابو عيون الصگر شافهم عيونه ضلت تجدح نار عزيز حجه بغضب:::: ابن القندره لك لا صايره ولا دايره بالسلف كله هاي ثالث مره تتعارك ويه ابن وهاب شوووكت نخلص من مصايبك غالب رد بجمود وجرح رجله ينزف ::: لاااا تغلط هو سبني وغلط عليه انه ما سكتت عنه در عليه بستهزاء :: مثل كل مره هذا ردك عذر اقبح من ذنب و ابوك مثل الموس وبالعه مايعرف شيحجي ويه اخو رد غالب بحنق ::: خلي يولي بن جلب هو شكو يغلط لو ما هو صوج منه عزيز دفر التنگه مال ماي :::: كوم لك حجي سلمان يريدك جفلت وكلهم جفلو رديت عليه بخوف وانه اديه ترجف ::: خوي شنهي شصاير التفتت اليه مسح وجهه بعصبيه ::: غالب شاگ راس نيمار ابن وهاب وهسه هو المستشفى حاله مو زينه غصون شهگت ولطمت ع ص*ري ::: انه اختگ يعليوي سلامه انشاءالله مايشوف شر خويه طمني عنه حجاه وعيونه ع غالب ::: ان شاءالله خويه وانته گوم يلة جدامي انته وياه اثنيكم رديت بخوف ::: خويه مهما جان لا تأذيهم جهال بعدهم صغار رد عليه ::: ايي جهال لو عليهم يمكن يدخلونه حرب العالميه الثالثه الله يسامحج ع هالگلمه جهااال غضضضب والله اخذهم وطلع صراحه انه خفت عليهم اسيل ضلت تبجي وراهم جيف عزيز ما اخذه وياهم تمرغلت بالگع وانه ريدن اشيلنه ماكو ضلت تصرخ انه حرت وياه شيل بيه واسكت بس ماكوو اخرشي دخلته وهيه صريخها لضالين دخلته وسديت االباب مر اليوم بهدؤء بين اسيل و بجيه و خوفي لا صايبهم شي حكيم الي ردنه البيت حجي سلمان لميت غراض وملابس الي عرفت هذا البيت بس يسكنون بيه موقت احنه جيف عرسان ضلينه تلث ايام وبعده ردينه وضع جان موش زين وجوهم مكلبه وانه اشتغل ورد لغرفتي ع هالحال حتى اسيل راحت لأ بتسام عمته وانه ضليت بوحدتي يوم من الايام حكيم تآخر لليل يله رد وجهه متعوب انه ضليت الوب بمچاني اجه شفته و جهه مطعون طعن حتى شكله ابد مو راحه يطوطح بحيث من شاافني ابتسم صفح سحبني من ايدي بقوه دخلني للحجره واكف ايده قابضها ع ايدي بقوه حجيت بخوف و هلع ::: خاايب حكيمم شبلاك جان مثل مهبول جرني من راسي عليه بقوه تلازمت شفايفه وشفايفي؟!! .... ////////////////////////////////////// ولهنا يخلص البارت سهره ممتعه لجميع

Free reading for new users

Scan code to download app

App Store Google Play

Facebookexpand_more