بارت العاشر

2154 Words

♡•• مساء الخير -‏رَحلت أشياء كثيرة أُحبها و ركضت طويلًا لأسترجعها ، ولكنني الآن مُتعب كعينٍ لم تذق النوم منذ أيام و عقل لا يكفّ عن التفكير ، تعبت فقررت أن أترك الأشياء ترحل،َقررت الجلوس و أُحتضان قلبي الذي تألم طويلًا،الآن أَستنِشق الهواء بصعوبة لأن الدمّوع ستنهمر في حال أنني لم أفعِل ذلك... عابثه الاخيره تابعو حسابي ////////////////////////////////////////////// هنه طلعن وانه وكعت من طولي ضليت لطم ع وجهي واصرخ :- ليشش يمه هيج مرخصتني عندج وماسوه شي رحتي وتحجيتي وياااهم وانه شنووو مااادري بكلشيي جااا وانه يمااا مأگلتي......نزل ع خدي راشدي قوي ض*بتني ثاني وثالث تنفسي يصعد وينزل متوتر غمضت اجفوني بقوه منا انه ما ماكله شي غوشت عيوني ودارت بيه الدنيا . . شويه حسيت ض*بات ع خدي طري اشم ريحه موش.طيب فكيت عيوني ع كيف جسمي يرجف مثل اخر ورقه خريف تعصف بيها العاصفه وتريد تطيح رشات مي مثل قطرات المطر تنزل ع وجهي.رباب رباب تحجي وياي بحنيه ::: شلون صرتي هسه ل**ني معگود عگد مكدر اتحجه بيه وراسي يعورني ماعرفن ع شني طايحه سمعت صوت خالي جبر ينده ع رباب يتحجه وياه ::: كوميي بويه لبسيه عبايه خل نوديه لمضمد **د ردت فليحه عليه بسخط وهيه تلم شفته بغيض ::: يااااع عليشش توديه هسه تكوم ما بيه شي اعرفن غصينه خالي جبر :::: بتج وجهه مصوفر مو مال تضل هنا وخوفج لا يصيبه شي بتوالي ليل انه مابيه رد وامي زودتها جثيرر انه جبيره موش صغيره حتى تروح وتكمل كلشي وانه مااعرف بشي ااخخــــ راسي يعورني رفعت انامل ايدي الــ راسي ع مص*ر الالم افرگ بيه من خلف و عيوني مغوشه ردت عليه مرت خالي ::: اكلك كلشي مابيه بس كل هاي عياااره ماتزوج ابن حجي رد خالي هو مخنزر بيها ::: ماتسكتين انتي ياهو تحجه وياج والبت هيه راضيه عليش ماتزوج ضحكت ابداخلي ضاهر خالي مايعرف امي موافقه عني ليكول هيه تزوج موش انه سندتني رباب بالكوه اتنفسس وامي تحجي علي ما خلت كلمه ما حجتها رباب ساعدتني وخلتـ شيلتي وعبايتي طلعت من البيت جانت الدنياا غروب وخيوط الشمس بدت تغيب ويختفي لونه والجو مغبر كلش مثلي صوت عگاريگ(ضفادع) وصرصر يصدح الهواء نسماته بارده يتغلغل لـ شيلتي توصل لـ حواسي وكل هذا وانه خانسه همست رباب بأذني ::: غصون بويه بس لا صابج شي ع بختج ونفنوف خيطته وين اوديه ألبسه بعرس امج ابتسمت بطرف شفتي انه تعبانه وهاي حايره بعرسي ترگص ع جرحاتي بت جبر عاين ع خالي وكل شويه يلتفت علينه وجهه غزوه قلق خوف وصلنه جانت عياده عباره عن حجره بالبيت نتظر بيه وحجره الثانيه للدكتور جانت تروش بالناس دخلنه گبل بدون ما ننتظر شي كعدت وانه روحي سايحه ودوخه سطرتني سطر وراسي ثگيل كلشش ممرضه سألت خالي:: شبيه رد خالي::: تخربطت وطاحت علينه مانعرف شبيه ::: هااا اوكي خليه تجي اهنا رحت يمه كعدت مديت ايدي وممرضه بدت تقيس حجت ::: ماما اخاف حامل لو مسويه تحليل احسن حتى نتأكد من حالتج توسعت عويناتي ونشف ريجي من حجاياته ردت رباب بسرعه ::: لاااا خيه حامل شنيي البت مابيه شي وبعد جم يوم عرسه باوعتله بطرف عينه ::: شبيج عيوني اگلتيني وشربتيني گلت نتأكد اخاف حامل نزعت السماعات الطبيه وخلته ع اجتوفه وانه اتنوع اله ع جمالها ونزاكتها وردت تكمل ::: مابيه شي بس نازل ضغطج تلاث درجات مانطيج شي بس اگلي زين حتى يصعد رد خالي وهو يطلع فلوس من جيبه دشداشته البيضه ::: رحم الله والديج ::: عده العافيه طلعنه من عياده بس شني انه بس جسد مابيا روح ملجومه من دهر وامي اهووواي اريد الطم وامژگ ثوبي وصرخ بعلو حسي كون الديره كله تسمع صوتي صوت اهاتي جرحاتي خيبات زمن والوگت دار عليه وما رحم بحالي انه يتيمه ابو واخو ضاعو و**رت امالي تمنيت عليوي موجود جان مارضه ع امي وتحجه وياه بس اخخ البت ماعده ابو؟ اخ ؟ حتلو يض*بوه تسكت جيف ماعده سند عزوه من تطيح تتوجه عليه جوفي مر علقم صوت رباب تحجي وياي وانه اغمض عين وافتح عين من دوخه طريج هندس لحد ما وصلت دشيت داخل البيت سكون قاتل والفانوس يشع نوره ويرد يخفت دخلنه للحجره لكيت امي كاعده وماعجبها شي امي رغم گلشي گويه مابيها شي صاحت بصوت ::: هاااا شمااالها رحتو ورديتو مابيها شي خاالي دش داخل ويانه وعينه ع امي قطب حاجبه من سمع جلماتها رد عليها ::: بتج تعيبانه لا تضغطين عليها ردت عليه بستهزاء :::: لا بربك شماله شو هاي جدامي مثل الحصان جبر ::: خايبه أنتِ لشوكت اتضلين رعنه صفت بس اغصينه عندج ماعدج غيرها لا تضلين تگربين ع البت وتاگلين براسه امي لطمت ع ص*رها وحجت بفزع ::: شلوون فوك ماريدن مصلحتها تحجي وياي هيج يااااع خالي جيف يشتغل بغداد تعلم عليهم كله عيني ويابه و اغاتي وو دوم يحجي بيهن وانه احب اتسمع الهن ::: عن ياا مصلحه تحجين فليحه غصينه جبيره موش صغيره تعرف تفرزن صح من غلط ::: انه اگلك ل صح تزوج بن الحجي سلمان انسب.زلمه ومعتبر مايعيبه شي ::: النه كلام ثاني وياج فليحه خالي جبر عيونه ع رباب حجه بهدؤء وامر ::: اخذيه بويه بت ساحت بمچانه وخل تاكل زين رباب ::: حاضر بويه سندتني لحجرتي وانه فاصله عن الدنيا بوگتها رباب جابت خيار وزيدت عليه ملح خشن يگص الزردوم گص اكلت ششي قليل ورديت نمت ورباب باتت يمنه ثاني يوم العصر ماحجي ويه امي وهيه هم لو تسمعني حجي ينفخ بطني لو تطگ مرارتي جنت واكفه امشط ب*عري نازل اسفل خصري فاتحته وانه اتأمل تموجاتها ولونه الاسود الداكن حلو عليه فتحته عاينت ع نفسي وجهي ذبلان و المرايه م**وره نصه ابتسمت بذبول انتشلني صوت ضحكات ناعمه ترن بذني التفتت مص*رها شفتهن واكفت باب الحجره ردت عقيله وع وجهه ابتسامه لطيفه::: هلووو غصوونه شلونج ابتسمت وحظنتها بت اختي ع گلبي موش اختي وامي ::: هلا بهالطول هلا برويحتي شلونج عقيله شوكت اجيتو عقيلة ردت عليه وهيه تبعد شعره عن وجهه ؛:: الحمدلله غصونه هسه اجينه ماما البارحه خابروها وجتي شلت صبو ضليت اعضن بخديادتها وهيه تضل اتحوص رديت عليها :::: همم خاابرو مو ماكو غيره بيبيتج ماعرفن شعده دشت براء تصرخ بطفوله ::: اجيييتتت غصوونه لا تصفكون ضحكت عليها::: لا هله ولا مرحبه شني صوتج جنهه صوت ديج هراتي تخوصرت بطفولة جانت لا بسه شورت قصير وكيمونه بيضه ::: اني صوتي حلوو لا تعيبين علي ردت عقيله:: اوووي لوتشوفيه ثابرتنه بصوتها جنه زورق هنه ضلن يتلاهدن وانه ساكته عنهن حبيت اصواتهن جنت انه مفتقره الهن بهذا البيت موحش مابيه شي غير صوت امي وسكون الحجره دخلت اختي اتهلهل وطشت ع راسي جگليت صوت هلهولته يرد صوت انه صفنت بنيات ضلن يلمن بالچگليت والمصغول بالگاع وصبو نزلت مني حتى تجمع وياهن ردت وسن ::: مبروووك خيتي الف مب**ك انشاءالله زواجت الدهر اخذتني بالاحضان بس انه جنت بارده يمكن جيف انه حملتها مسؤليه صار بيه كله بسبب وسن لان ماتحجت اليه عن الفلوس جان عرفت اتصرف رغم هيه حجت من خاطره جنه منتظره هذا اليوم ع چمر رديت عليه برود ::: ياهو گالج انه موافقه ردت وسن مستغربه ::: جا ونيشان شني هذا ::: امي اليوم ترده الهم وتبلغهم مامش عنده بنات لزواج شهكت بحركها سىريعه انه عيوني تبعته لطمت ع ص*رها وحجت ::: وليج تردينه نتخزه وياااهم خايبه رعنه استجني بنيات طلعن وعافنه غصون ضحكت بصوت لميت شعري طوبه ردت وسن بصوت بيه حزن ::: بعدج زعيلانه مني باوعت بوجهه وحجيت بنبره خالي من حياه انه شنهي ضال بيه رديت بعت: ::: ايي جثير وسن شايله بگلبي عليج وانه اكولن اختي جبيره مالنه غيره بسس انتي نفسس امي وسن ردت وهيه مغتاضه :::: شنهيي سااالفه لا تضلين تحجين بالالغاز وتلومين بيه غصون ::: جا وسالفه الفلوسس حجي سلمان وسن ردت وهيه ع وجهه خالي من الـ خوف قلق ::: يااا فلوس وليج انه رحت وياه بس مااعرف شنهي سالفه فلوس عفته وطلعت للمطبخ هيه تصيح عليه: ::: تعااااالي احجي وياااج غصوون انطيته اذان الطرشه بديت أزهب الغدا الهم. طلعت بره ادور ع دجاجه حتى يذ*حه خاالي النه رغم انه اعرف بس روحي رچيچه شلونج بويه غصونه ::: هلا خالي الحمدلله ونشكره خلاه جدامه وبده يذبجه ذ*ح الدجاجه وروحه تنازع ودم يطفر انه عاينت عليها وصفنت روحي غمضت مره ثانيه تنزعت روحه وبقت خالي شاله من رجليه وانطانياه ستوعبت شنهي جره اخذتها ودشيت داخل مطبخ وسن تحوم فوك راسي خلصت كلشي كلشيي وتمن بديت ارگب بيه ضوه الشمس عاالي كلشش امي ماعرف وين راحت من فجر الله وسن بتعب ::: بس فهميني شنهي صاير حتى هيج گالبه خلقتج عليه خلصت وانه مغلسه عنه ماريد تحجه بخصوص هذا موضوع هيه ضلت گالبه خلقتها عليه وسن ردت وهيه تشرب لبن ::: اذا عندج حگ يمي احجي لا تضلين سااكته عاينتلها وصديت عيني عنها مامصدكه حجيه هيه شاف*ني هيج ضلت تشيل بروح وتركعه رگع خليه تعرف شنهي سوت ملت مني و صار وكت الاذان وامي توه دشت البيت بيده علاكه سوده اول ماشاف*ني ضلت تخربط بالحجي ماعرفت شتحجي وانه صفنت عنها عيوني راحت ع علاگه سوده گلبي ضل يلعب مامرتاح فليحه هيه ننترت بيه :::: خيييررر شبيج مبحلق بيه مضيعه بيت ابوج بوجهي غصون رديت عليه برود ::: لاا يما بس شنهي اليوم كاعده من فجر الله صاير شي فليحه ردت هيه :::: شنهي تحاسبيني ها يالبگعه رديت الوي بشفايفي ::: لاااا وتدخل حجرتها والعبايه ملفوفه لفلف بيدها هذا اثأر فضولي كلشش عفته زهبت الغدا وكلنه كاعدنه نتغده بس كلنه غرب مالنه نفس بكلشيي خلصت كلشي وانه اخذت دور ال**ت ماتحجه بشي وسن وامي يتبشبشن عفتها انه مالي غرض بيهن دشيت داخل الحجره شفت جنطه و البدله معلگه ع حايط تأملته جانت كلشش حلوت ودانتيل بيه سرحت بتفاصليها وجمالها بس وكف بعيني كلام مره متت قهر من يمها جريتها وشلته خليته بالجنطه جريت ودخلت الحجره امي شمرته ع الگاع ::: اليوم ترديه الهم وتخبريهم احنه ماعنده بنات الزواج فليحه صارن عيونه بهامته تجاعيد بوجهه بينت اكثر نترت بيه :::: خايبه وسسن اخذي اختج لا اطگها ب خيزرانه غصون رديت عليها ::: وانتي ماتعرفين بس الطگ ردت عليه وسن ::: خيه استهدي بالرحمن وكولي يالله بعد جم يوم عرسج لا تخربين كلششي :؛: عررس انه ماااريدنه شهني غصصب ::: موش انتي بت بغداد ودغتوره ومثقفه حتى ترفض بن الحجي :: لو يضل بس هو يماا موش انه اتزوج وهاي جنطه ردوه الوضع متأزم كلشش وانه كاره روحي اختي تحجي وياي وانه قافله كلشش االى ان اجتي عليه باليل ::: كومي اسبحي ريحي اعصابج اشوي رديت عليه وانه افرش جودليات ::: صبح تسبحت ماريدن ادش مره ثانيه جرت جودليه من يمي بقوه وحجت بهدؤء استغربت منها وسن ::: روحي بيج ريحه موش طيبه غصون شتميت ريحتي مابيه شي وانه صدك رحت سبحت واستغربت من سطل بيه بس مي اشويه وبيه ريحه موش طيبه يععع وبيه ورق سدره طلعت من حمام وانه ساده خشمي هيه جانت واكفه وبيده ملابس وسن ::: هااا شو طلعتي غصون رديت عليه :: اكلج هذا مي بالسطل ريحته جايفه جنه فطيسه وسن ردت هيه بسرعه وبخربطه كلام ::: هاا لا مبيه شي خيه لا يضل بالج وهسه دشي داخل دفعتني داخل الحمام ونزلت البرده رمشت بعيوني سبحت من سلطه ريحته موش طييه سديت خشمي وخلصت انطتني الملابس من ليلتها انه صرت هادئه كلشش بروحي سكينه نمت وانه مرتاحه ماعرف ليش حتى ما جفلت ولا تحلمت بگوابيس اليوم كله كعدت صبح وانه ضيجت خلگ ماكو باوع روحي تركص من فرح ماعرفن ليش ساريه جت و مره وياه ام صالون جتي البيت بدت تنظف بيا وانه ساكته ل**ني انعگد بدت وخلت وانه ماحس بشي حفت وشغل خواتي بس وسن و رباب ومرت خالي جانت مموجوده ابدا متعاركه ويه امي العصر صرت ل**به بيدهن شعري عافته مفتوح بس وسوته من هذا برم غمضت عيوني ورديت فتحتهن حلم هذا اسمع صوت اگلاصات شربت صوت هلاهل جسمي رتعش منهن عقيله تصفگ وبراء تباوع ع نسوان شلون يهوسن يسون وهيه تسوي مثلهن جانت حفلة بسيطه جنت كامله انوثه كاعده بالگاع جنت اتصفن عليهن كلهن فرحانات صينيه جانت بيه شغلات حنه ومصغول عاين عليها وع ضوه الشمعه والبخور حفرو قبري وندفنت بقدر موش قدري انا موش لحكيم ولا له انه وين وهو وين اريدن اصرخ الطم اعترض اقاوم ماعرفن شنهي صابني بس انه اريدن انهي كلشي لجن شي رابطني سلاسل رابطه اديناتي روحي كامت ضجيج عالي ينساب منه اصوات غير مسموعه لناس بس من اهل الحجي سلمان اجوي شكم واحد خديجه و ساريه وابتسام و حكيم عقد عليه بس شيخ وانه ما شايفه شكله ولا اعرفنه ساريه وخديجه لبسني ذهب جثير وثگيل انه عندي بس همه ماشاءالله كلشش اثگال وسن ترگص ورباب توزع شربت وكيك بعد ما خلصص اخذني وصعدت ساريه وخديجه بسياره ثانيه اختي ورباب لحد دخلنه للبيت بس بعيد عن بيت حجي سلمان صغير انه الخوف متلبسني كلش دخلت للحجره وانه كامشه ايد وسن بقوه دخللت للغرفه جانت ااخشاب من هاي الحلوه وميز امرايه بيه عطور ومكياج قليل كعدت ع جربايه جانت وصايه وسن .. صيري سباعيه ... لا تخافين منشي ... سلمي نفسج اله ... لا تعصبيه اخاف يض*بج وانه بس اهز براسي بخوف ::: خايبه بطلت ماااريدن اتزوج انه شورطني شجابني وسن ردت عليه ::: اشش وج فضحتينه عيب بعد تزوجتي وصرتي حرمته بعد ما اوصيج عليه سمعت ححمحمت رجال هيه فلتت بيده انه دنجت راسي وبلعت ريجي كله وسن صاحت::: الف مب**ك خويه دير بالك عليه رد عليها فحيح :: يبارك بيج خويه انشاءالله طلعت صوت انفاسي ماكو وسكون بالغرفه يذ*ح مثل منتظره جتالي شوكت يخلص عليه سدت الباب صوت اقدامه يجي بتجاهي تمشه صوبي وكعد ع جربايه بصفي ريحت عطره تخبل سرسحت روحي حجه بهدؤء ::: قبل كلشي يابنت الناس انه زلمه مالي اي رغبه بج*س حواء عگب مرتي جزت روحي من كلشي تحمليني بهاي فتره و اولادي اهم شي بحياتي تعرفين سجاجين بگلبي نبته و بكل كلمه يكوله تزيد طعنه بلعت ريگي بصعوبه تنفسي يصعد وينزل متوتره غمضت اجفوني بقوه لزوم اتحجه وياه جا اضلن هيج ايي غصينه مامش صعب بس تحجي بهدؤء لا تعصبين شفته كاعد حمحمت رفعت راسي التفتت اله عيوني بعيونه سود ابتسم بوجهي ::: انه هم مغصوبه عليك ماردت هذا الزواجه كله...... يتبع ::::::::::::::::::::::::::::::::::::::::::::::::::: .. ولهنا يخلص البارت .... شكرا جزيل لحظراتكم ودعمكم للقصه بفضل دعكم اخذت مرتبه الاول.

Free reading for new users

Scan code to download app

App Store Google Play

Facebookexpand_more