LUCIFER
Ibang iba ang lugar na pinuntahan namin kumpara sa lugar nila Madam. Mukhang yayamanin ang lugar na ito.
Kasabay kong naglakad ang bago kong amo. Ang mga tauhan naman niya ay nasa likuran namin. Hindi ko maiwasang matakot sa hawak nilang mga baril. Pakiramdam ko ay sa akin nakatutok ang mga baril nila at isang pagkakamali ko lang ay tatama sa katawan ko. Bagay nila ang may hawak na armas dahil mukha silang mga sanggano.
“Sumunod ka bata sa opisina ko,” utos sa akin ng lalaki. Tumango ako at sumunod papasok sa loob ng opisina niya.
Pagkapasok sa loob ay hindi ko maiwasang humanga sa laki ng opisina. May malaking salaming bintana sa harapan. Nasa gitna ng silid ang malaking lamesa at ang upuang may kulay ginto at itim na kulay. May mga naka-display na mga painting sa pader na
