LUCIFER
Napansin ko na maliit lang ang silid kung saan ako kinulong. May papag naman na may kutson at may isang unan. May maliit na lamesa at isang upuan.
Wala akong nagawa ang pagmamakaawa ko kundi tanggapin na lang kung ano ang mangyayari sa akin. Ano naman magagawa ko, sila ay may armas at kaya akong takutin.
Naupo ako sa papag at napasulyap sa iisang bintanang nakasarado. Tumayo ako upang buksan ang bintana. Laking dismaya ko nang makitang may rehas ang bintana. Magtangka man akong tumakas ay wala akong magagawa. Bumalik ako sa higaan at naupo. Napatitig na lang ako sa bintana na tila tatagos ang tingin ko roon.
Kung makatakas man ako, saan naman ako pupunta? Paano sila ate Eli at iba pa naming mga kasama kung iiwan ko sila? Napapikit na lang ako ng mata dahil sa kawalan ng pag-
