LUCIFER
Matiim ang titig ni Sergio sa akin na siyang nakapagpanginig ng mga tuhod ko. Maging si Hubert ay ganoon rin ang reaction.
Hindi ko napaghandaan ang ginawa ni Sergio. Sinuntok niya ako sa mukha. Dahil sa lakas ng pagkakasuntok niya sa mukha ko ay natumba ako. Napasigaw si Hubert.
Humarang si Hubert nang susuntukin akong muli ni Sergio. “Tama na Sergio! Bakit mo sinuntok si Lucifer?” Tanong ni Hubert. Hinawakan niya ako sa balikat. Ramdam ko ang panginginig ng kamay niya.
“Traydor ang lalaking iyan! Inagaw niya sa akin si Jade at pati ba naman ang posisyon ko sa grupo!” Galit na sabi niya. Nanginginig ang mga kamao nito sa matinding galit. “P*tang*na mo! Kaya kitang patayin, Lucifer.”
Natakot ako sa banta niya. Napatingin sa akin si Hubert. Takot na takot ang hitsura niya.
