LUCIFER
Tahimik akong nakamasid sa paligid habang abala ang boss ko at si Jade sa pagpili ng pagkaing kanilang ihahanda sa nalalapit na kasal. Hanggang ngayon ay nasasaktan pa rin ako kahit wala naman kaming naging relasyon ni Jade. Siguro nga ay mahal ko na siya.
Maraming nakahaing pagkain sa mahabang lamesa. Isa-isa nilang tinikman ang bawat putaheng nakahain. May napili na silang limang putahe. Nagpunta kami sa kabilang lamesa na puno ng mga pagkaing matatamis.
“Ang swerte ng babae dahil siya ang mapapangasawa ni boss. Alam mo bang maraming babae ang nagkakandarapa kay boss?” sabi ng katabi kong lalaki.
Bahagya ko siyang sinulyapan at binalik ang tingin sa boss ko at kay Jade na ngayon ay tinitikman ang isang pagkaing matamis.
“Bakit mo naman na sabi iyan?” Tanong ko sa lalaki.
