KABANATA 13
TINA
Pagdating namin sa bahay nina Mia, wala na talaga siyang sinayang na panahon. Make-up dito, make-up doon. Tinuruan pa niya ako kung paano mag-curl ng pilikmata ko. Ang hirap pala! Maluha-luha na ako kaka-curl niya! Mas nakapilantik daw mas maganda! Nilagyan niya rin ako ng mascara. Nakakailang. Parang ang bigat ng pilikmata ko! Sabi niya gano’n lang daw talaga sa umpisa. Hindi raw kasi ako sanay, pero kapag lagi ko na raw ginagawa, masasanay rin ako. Pati buhok ko pinakialaman niya. Pagkatapos unatin ng pamplantsa ng buhok, kinulot naman niya. Ginamitan niya ng parang stick na umiinit! Pina-ikot niya ‘yung buhok ko gamit ‘yon, tapos ilang saglit lang kulot na. Ang Galing! Naaliw ako. May binigay rin na damit sa akin si Mia. Isuot ko raw kaya sinuot ko naman.
“Ang gan
