البارت الثامن 🤎🌻

2575 Words

رواية : غرام الصعيدي ?? كنا نازلين على السلم بهدوء و ساره ماسكانى ... زين بعصبيه و هو داخل من باب البيت : انت نازله ليه مش قلت مفيش نزول انا اتخضيت أول ما سمعت الصوت و ساره الغ*يه من خوفها منه سابتنى و كنت هقع لولا أنه جري مسكنى زين بزعيق : انت غ*يه ازاى تسيبيها كده كانت هتقع ساره : ما هو اصل انا .. زين : انت لسه هتهتهى غرام حاولت تتصنع الجرأه : بصراحه كده انا اللى فضلت ازن عليها بصلي بحده : انت اسكتى حسابك بعدين غرام بهمس : هو انا اصلا امتى مكنش فيه حساب بينا احنا كل دقيقه في حساب و خناق مش فاهمه ايه النيله دى زين : بتقولى حاجه يا عسل غرام : انا ! لا لا زين بزعيق جمع العيله كلها : و انت يا ست ساره منزلاها ليه انا قايل للكل الصبح ممنوع حد ينزل غرام ولا لا علشان لسه مخبوطه و الدكتوره النهارده قالت متمشيش نهائي ساره من غير ما تاخد بالها : و انت بتزعق ليه كده ما انت السبب اومال لو مش انت السبب كنت عملت ايه فينا انت من ساعت ما اتجوزتها و انت مش بتعمل حاجه غير انك تهينها و المره دى وصلت معاك للض*ب غرام بصتلها بسرعه و بصيت لزين اللى عارفه ان هيحصله مشاكل دلوقتى بسبب كلام ساره : ساره ايه اللى بتقوليه دا صالح : انت بتقولى ايه يا ساره يا بنتى ساره فاقت : انا انا غصب عنى و الله يا بابا من العصبيه علشان زين زعقلي و انا مش متعوده على كده صالح : زين تعالى ورايا على المكتب انت و مراتك غرام : بس...... صالح : 10 ثوانى و تبقوا عندى زين قرب من غرام و شالها و دا كله كانت زهره شايفاه و فرحانه من اللى حصل علشان عرفت إن زين مش بيحب غرام و في نفس الوقت مخنوقه علشان شالها غرام و هى ماسكه في زين : زين نزلنى العيله كلها واقفه زين بخنقه : غرام لو سمحتى متتكلميش علشان انتى مش حمل اى عصبيه منى غرام بزعل : انا و الله ما قلت لساره تتكلم و الله ما حكيت اى حاجه لاى حد في العيله زين قرب منها اكتر : و انا ملومتكيش انا غلطت ساعتها و استاهل دخلنا المكتب لعمى و زين نزلنى على الكرسي و عمى باصصله بكل عصبيه و مكنش الموقف مبشر خالص صالح : غرام غرام بتوتر : ن نعم صالح : احكى يا بنتى ابنى عملك ايه و صدقينى هجبلك حقك منه احنا هنا مش بنض*ب مراتتنا انت هنا بنتى غرام : بس زين معمليش اى حاجه صالح : انت خايفه منه غرام بصيت لزين : ليه هو يخوف يا عمى بس دى الحقيقه زين معمليش حاجه و هو اللى. من اسبوع مستحملنى و مهتم بوضعى مع إن المفروض إن الع** اللى يحصل زين بصلى بعيون كلها ندم و دا كانت اكتر حاجه كافيه تخلينى اسامحه انا عارفه أنه طيب اوى و أنه شخص حنين بس الظروف هى اللى ضدنا دايما صالح بص لزين : زين تعالى معايا شويه البارندا زين طلع ورا عمى : نعم صالح : أوعى تفكر انى مفهمتش إن مراتك بتخبي عليك انا عندى 55 سنه و قادر افهم و اقرأ عيون الناس بس البنت بنت اصول البنت تعتبر يتيمه الاب و انا هنا ابوها يا زين حافظ على مراتك و الا هتلاقي منى تصرف هيندمك العمر كله و انسي اى حب قديم لانه فارغ صالح ربت على كتفه بحب : محدش هيخاف عليك قدى يا ولدى انت ولدى الوحيد و كبير اهلك من بعدى انا عاوزك مسئول عن امك و اخواتك و مراتك مش تنطح فيهم و تزعق زين بندم : انا عارف ان الفتره دى انا بقيت شخص عدوانى بس بحاول ابقي احسن سامحنى صالح : مراتك اللى تسامحك مش انا يلا تعالى طلعو من جوا و انا كنت قاعده متوتره و خايفه يا عالم قاله ايه اكيد زين دلوقتى هيطلع كل عصبيته عليا صالح : يلا خد مراتك على اوضتها شكلها تعبانه و انت يا غرام انا ابوكى هنا يا بنتى انت زى ساره و مريم لو ابنى زعلك تحكيلي غرام حسيت بهدوء فاطمنت : حاضر ربنا يخليك ليا يا بابا جيت اقوم علشان امشي زين مسكنى وشالنى : هو انت مش بتسمعى الكلام ليه غرام ب**وف : زين نزلنى علشان الناس زين : يا ستى ارحمينى بقي و انتى تقيله كده غرام : و الله انك بارد انا حتى لسه مكلتش زين : اااه يعنى هتتقلي اكتر من كده كده مش هقدر اشيلك تانى غرام مسكت فيه : بالعند فيك بقي هفضل تعبانه زين و هو طالع على السلم : طيب خدتى العلاج غرام : لا لسه لما اكل زين و قف ورجع تانى : يا امى هدى جات و هى بتضحك : نعم يا حبيبي زين : هو انتى بتضحكى ليه الاول هدى : اصل شكلكو قمر يا ولاد ربنا يحميكو غرام : خليه ينزلنى و انا هطلع يا ماما هدى : ليه دا انتم عسل كده خليه يستحمل علشان يبطل يتخانق معاكى زين : انت امى و لا امها المهم خلي حد يطلع العشا فوق علشان علاج غرام هدى : حاضر طلعنا فوق و قعدت و بعدين لقيت حد بيخبط الباب ناديت لزين يفتح زين فتح وهو بينشف شعره : لحقتوا تجيبوا الاكل زهره : ايوا انا اللى جبته زين : اااه شكرا زهره بخبث : الا بقيتى كويسه يا غرام غرام بغيظ : الحمد لله زهره : معلش خناقات بتحصل كتير بين اى واحد و مراته غرام : و مين قالك كده و ليه معلش بالع** القط ميحبش الا خناقه يا روحى برضو ساره قالتلى إن سالم مشي امبارح مخنوق كده هو انتى مزعلاه زهره بكره : قصدك ايه يعنى زين : زهره مش جبتى الاكل شكرا يلا ممكن تخرجى زهره : انت بتكلمنى كده ليه يا زين مش شايفها بتعمل ايه زين : بتعمل ايه ما تعمل اللى تعمله زهره : والله ماشي طلعت و رزعت الباب وراها كنت مبسوطه إنى قدرت ارد عليها ع** كل مره هى بتحاول دايما تأذينى بكلامها و افعالها بس من رايي كده كفايه زى ما ساره و ماما قالولى لازم أوقفها عند حدها زين : يلا علشان ناكل انا جعان غرام : هو انت مش زعلان ليه زين بعدم فهم : أفندم و انا هزعل ليه غرام : يعنى علشان اتكلمت مع زهره كده زين فهم قصدها : اه و انا مالى بزهره غرام بتوتر : يعنى هى تهمك و كده فقولت ... زين قاطعها : غرام زهره بنت عمى و بس يلا علشان علاجك كلت و كنت فرحانه بسبب كلامه مش عارفه ليه و لا ايه السبب ورا سعادتى دى كل اللى اعرفه انى فرحانه علشان شايفاه مهتم بيا و متجاهل اى حد تانى غرام : الحمد لله يكفى شبعت زين : ثانيه هو فاضل ايه اصلا انتى كلتى كله كله تعالى كلينى انا بقي غرام بصدمه : انت بصصلي في الاكل يا زين اااه بطنى هتوجعنى زين : لا لا لا هتبقي بطنك كمان كده كتير مش باصصلك بالهنا والشفا يلا علشان العلاج غرام : هو العلاج دا هيخلص بكره صح !! زين : امممم الصبح اخر علاج غرام بفرحه : الله طيب انزل تحت بقي زين : لا غرام : ايه اللى لا زين : النزول من بعد بكره إن شاء الله علشان الدكتوره قالت تتمشي بس و هتفكلك الرباط بكره غرام : هو ايه الحزن دا طيب انا زهقانه بقي من اول الاسبوع و انا محبوسه و زهقت حتى الليل جه و مش قادره انام زين بخبث : و المطلوب ؟! غرام : مش عارفه بس أنا زهقانه بجد زين : استنى نص ساعه و هطلعلك بمفاجأه كإعتذار علشان زعلتك النهارده و انا واعدك غرام : بيجااااد !!! مستنيه هه ________________________________ ادم كان داخل من باب البيت و باين عليه الإرهاق زين : ادم ادم : ها زين : انت كويس ادم : اه ايوا الحمد لله و انت زين براحه : الحمد لله احسن بكتير عن الاول ادم ضحك : اممم و غرام زين : الحمد لله كنت بفكر انزلها النهارده علشان زهقانه بس لما الكل ينام علشان نتكلم براحتنا ادم : ياعينى ياعينى بدأت تفهم الحياه الزوجيه و شكلك هتبقي زوج مثالى يا زين الصعيد زين : يا ابنى يا ابنى انا بس بحاول فعلا اتعايش مع الأمر الواقع و اخليها تنسي اللى عملته فيها من اول ما دخلت حياتى ادم : يا حبيبي اتمنى ليكم كل السعاده انت و هى تستاهلو كل الحب و الخير اعطى قلبك فرصه بس زين : حبيبي يا ابن العم يلا بعد اذنك ادم : سلام ساره شافته و هو طالع فوق : ادم ادم سمعها بس كمل طريقه كأنه مسمعش حاجه ساره جريت و بصوت اعلى : ادم ادم ادم لف اتجاهها : نعم ساره : انا انا كنت عاوزه نتكلم شويه ادم : ساره انا قلت اللى عندى و بجد عاوز انام تصبحي على خير ساره وقفت مكانها تفكر خلاص العلاقه بينهم انتهت لمجرد موقف واحد كده بس ليه حق حتى غرام قالت إن الحق معاه بس برضو هحاول اصلح الأمور بينا ________________________________ زين : غرام انت فين غرام خرجت من الحمام و هى لابسه و جاهزه : هاى انا قلت ابقي جاهزه علشان المفاجئه علشان ميبقاش ليك حجه زين : كنت ناديلي علشان اساعدك تقومى غرام بلوم : هو انت كل مشاكلك في رجلي انا مش مشلوله خلاص بقيت امشي شوف حاجه تانيه اتكلم فيها غير تعبي و العلاج زين : حاضر بس ثانيه لابسه لبس واسع من غير ما انا اللى اقول و الطرحه مظبوته و حاجه كده مثاليه شكلى هفاجئك كل يوم غرام : اووووه انا مقولتلكش ساره جابتلي لبس كتير غير البناطيل اللى عندى و حجاب كتير و علمتنى الفه كويس و حبيته جدا بس قولى ايه رأيك زين : الصراحه يعنى جمر مفيش كلام غرام بغرور : احم احم عارفه انى جمر زين : طيب يلا ننزل نزلنا و الجو كان ساكت جدا : زين هم فين أهل البيت زين : نامو يابنتى امى بتنام اصلا بدرى و الحاج مسافر كده كده و عمى و مرات عمى راحو بيتهم التانى و ادم حاسه تعبان كده و ساره مش عارف غرام : يخساره كنت مفكره هنقعد معاهم طيب اقولك استنى اشوف ادم و ساره يقعدوا معانا شكلهم زعلانين زين شدها : رايحه فين انا عامل دا كله علشان نبقي لوحدنا و ماصدقت علشان نعرف نتكلم و انت عاوزه تجمع عائلي غرام حاولت تخبى سعادتها : اااه بس أنا يعنى مش شايفه مفاجأت لدلوقتى زين خدها للجنينه : لو صبر القاتل على المقتول غرام بصدمه : زين بجد ليا دا صح زين : كل دول ليكى غرام : الله عرفت منين انى بحب الاكلات دى و شكولاته و فستان لونى المفضل و الله انك جميل اوى زين : عرفت من حماتى حبيبه قلبي غرام بصتله بعمق : زين هو انت مش ملاحظ انك متغير هو انت تعبان حماتى و مفاجات و كده اوعي تكون سخن تعالى اشوفك زين و هو بيبعد ايديها عن جبينه : يا غرام كفايه برود يعنى انا عامل دا كله و في الاخر تقولى تعبان غرام بفرحه ظاهره في ملامحها : اصل بصراحه انا مش مصدقه انت لسه الصبح قايلي كلام و دلوقتى بتعمل ع**ه زين : ما هو انا يعنى انا حبيت اعتذر و نبدأ من جديد غرام : جديد ! مش فاهمه زين : تعالى نقعد الاول غرام بتركيز : ها و بعدين زين مسك ايديها و بدأ يتكلم : احنا من اول ما اتجوزنا و احنا أو بالاخص انا مبعملش حاجه غير انى اضايقك غير انى عمرى ما كنت بالقسوه دى مع اى حد بس انا بجد عاوزك تسامحينى و نبدأ من جديد كأى اتنين متجوزين غرام : بس انت انت قصدى يعنى زهره وانت ........ زين بيحاول يخبى اللى جواه : مفيش حاجه اسمها انا و زهره يا غرام احنا كنا لكن دلوقتى مفيش غيري انا و انت غرام : زين متخبيش عنى انا قادره أقرأ عيونك انت بتحبها ازاى عاوز علاقه تبدا و انت نفسك العلاقه دى تكون مع واحده تانيه القلب مش بيتاخد بالعافيه زين : غرام انا عارف انك مش هتصدقينى بس أنا عاوز احبك انتى عاوز أعطى نفسي فرصه احاول ، مش عاوز اخسرك انا عارف انك ممكن تكونى مش عاوزه العلاقه دى تبدأ و انا مش هضغط عليكى بس أنا عاوزك تدينى فرصه ابقي احسن ساعدينى انسي غرام : بس انا مش هقدر اتعود علي حد و يمشي تانى يا زين انا اتوجعت بما فيه الكفاية انا خايفه اوافق و اتخذل من اول و جديد و وقتها هتبقي نهايه زين : بس أنا اوعدك انى مش هخذلك ادينى فرصه وهصلح كل حاجه و هخليكى تنسي كل حاجه و تصدقي انى مش بحبها انا بس اتعودت عليها زى ما امى قالت ... موافقه غرام فضلت ساكته شويه بتحاول تفهم عينيه كانت عاوزه ترفض بس حسيت انها المره دى مش قادره تبعد : موافقه زين بسعاده : تعرفي انك احلى غرام ممكن تدخل حياه حد غرام حاولت تغير الموضوع : انا جعانه اوى نبدأ بإيه في الليله اللى انت جايبهالى دى بيتزا وبيبسي زين : انت مش لسه واكله فوق هو انت مش بتشبعي غرام بتلقائية : اهم حاجه في حياه غرام الاكل ثم الاكل ثم الاكل و بدأت تاكل زين : هو يعنى انا جايبلك دا كله بس هو انا مليش نصيب في اي حاجه كده !! غرام : بتبصلي في اكلى زين : يابنتى انا اللى جايبه غرام : و كمان بتعايرنى خد يا زين اكلك مش عاوزينه زين : هه بعد ما خلصتى نصه كلى كلى بهزر معاكى ارجعي احسن بس و هجبلك كل اللى عاوزاه يا ست غرام غرام : لا لا حبيتك و هأكلك يلا كل معايا زين قرب علشان ياخد من الاكل : لا لا ابعد يا بابا انا اللى هد*ك هى حته واحده بس زين : انت طماعه اوى غرام : حبيبي حبيبي تسلم زين : خدتى عليا و دا مش كويس نرجع لزين الاولانى احسن غرام ببرأه : ليه بس دا انا لسه كنت هقول انك حنين و زى العسل و زين الصعيد كلها و الله زين : والله !!! تصدقي غرام : كفايه هزار انا شبعت بجد و شكرا اوى اوى علي الاكل دا تعرف من ساعت ما جيت هنا و انا مكلتش كده الفرحه يمكن خلتنى اكل كتير زين : افهم انك فرحانه بقي غرام بتوتر : بصراحه ايوا جدا انا كنت عاوزه نقرب و تحكيلي كل حاجه مضايقاك كنت محتاجه حد يكون جنبي علشان دايما لوحدى و برغم انى اتخنقت لما قلتلى الصبح انى مراتك بالاسم بس و كده بس رجعت و قلت عندك حق لأن انا و انت مفيش بينا غير الخناق و إن علاقتنا متعتبرش علاقه جديه و علفكره يا زين انا عارفه إن الحب مش بالعافيه انت مش مجبور تحبنى بس كل اللى عاوزاه انك متمشنيش من هنا انا لقيت عيله بتحبنى و مش عاوزه اخسرهم و ليك كل الحريه تعمل اللى انت عاوزه انت مش مجبور تعمل حاجه علشانى زين : و مين قالك انى مجبور يا غرامى انا بس عاوزك من دلوقتى تفرحى و بس و عاوزك تفهمى انى بجد بحبك و عاوزك معايا دايما و مفيش غيرك غرام ابتسمت برضا عن كلامه : طيب بما اننا بقي بنبدأ من جديد انا عاوزه اعرف زين زين ضحك : عاوزه تعرفي ايه عن زين و انا تحت امرك غرام : يعنى ... كل حاجه زين : هتزهقى غرام : احكي يلا انا سامعه زين : انا و لد وحيد يمكن من ساعت ما اتولدت و الكل شايف انى دلوع و بالذات عمى تعرفي أنه حاول يخلينى امشي مره من البيت و انا صغير و فضل يزن عليا بحاجات محصلتش كنت لسه طفل 8 سنين بيتضحك عليه من الاخر و لما مشيت فعلا ابويا لقانى و عاقبنى وقتها و حبسنى في الاوضه بتاعتى و منعنى من الخروج و اللى فضل معايا كان ادم برغم كل قسوه أبوه و كرهه ليا و حقده على ابويا إلا إن ادم اقرب حد لابويا و عارف عنه كل حاجه ، ابويا دايما بيحاول يتغاضى عن عمايل عمى بدافع الاخوه و أنه مش عاوز شمل العيله يتفرق ........ نوم ....... بص عليها فجأه في وسط كلامه لقاها نامت على كتفه

Free reading for new users

Scan code to download app

App Store Google Play

Facebookexpand_more