WALANG MAPAGSIDLAN ang saya sa puso ni Camillo nang mga oras na yun. Hindi niya lubos akalain na magkakaroon ng katugon ang pagmamahal niya kay Aria. Alumpihit pa nga siyang aminin dito ang lahat dahil natatakot siya at baka pagtawanan lamang siya ng babae. Mabuti na lamang at nilakasan niya ang kanyang loob at sinabi niya ang kanyang tunay na nararamdaman at ito nga, kapwa walang mapagsidlan ang saya na kanyang nararamdaman.
"Bakit?" tanong sa kanya ng Aria dahil titig na titig siya sa babae. Nakaupo pa rin ito sa swivel chair nito at nakaharap siya sa kanya.
"Nananaginip ba ako? Hindi pa rin kasi ako makapaniwala kung totoo ba na tayo na," wika niya pa kaya napangiti si Aria. Ang ganda nitong ngumiti. Ang mga ngiti nito na tila ba napakainosente. Ang ngiting yun ang hindi niya kayang m
