القاسي والبريئة

الجزء الرابع

(الجزء الرابع)

اروي بخوف:دي دي

ياسين بحده:اتكلمي عدل

اروي بدموع:منه اختي

ياسين:هاتي التلفون

اعطته اروي التلفون وشاف ياسين اسم منه وسمع صوتها

منه:اروي ردي في ايه

ياسين:متقلقيش اروي كويسه

منه:انت بتزعق ليها لي ارجوك سيب اختي هي معملتش حاجه لكل دا

ياسين بهدوء:اختك في امان تصبحي علي خير

كل دا و اروي قعدة علي الارض تعيط

ياسين بحده:اعمليلي قهوه حالا

وقفت اروي بسرعه وبدات تحضر القهوه سابها ياسين وخرج التراس

اخدة اروي القهوه و ودتها ليه

اروي بصوت متقطع من العياط: تؤمر بحاجه تانيه

ياسين:لا روحي نامي

مشت اروي دخلت المطبخ وقفضلت تعيط لحد ما نامت

......................

طلع ياسين جناحه ودخل وقفل الباب بقوة

ياسين في نفسه:ايه مالك كنت خايف تكون بتكلم واحد ليه انت جايبها هنا تزلها وبس وتاخد الانت عايزه وترميها

ياسين:انت بتخاف عليها متنكرش

ياسين:ممكن بس عشان شكل فرح مش اكتر

ياسين:متاكد

ياسين بصوت ظاهر:يووووه بس بس كفايه

نام ياسين علي السرير باهمال وهو بيحاول يوقف تفكيره فيها

............................

الساعه 9 الصبح كانت اروي واقفه منتظراه ينزل علي الفطار

نزل ياسين بشياكته و هيبته المعتاده منه

اروي:صباح الخير يا فندم

تجاهلها ياسين ومردش وقفت اروي مكانها من غير ما تتكلم وبدا ياسين ياكل

ياسين في نفسه:انت مردتش عليها لي يا غبي

ياسين:كدا هثبتلك ان هي ولا تهمني حتي لو مخدتش الانا عايزه ولا يهمني

ياسين:انت هتثبت لنفسك ان هي تهمك مش العكس

ض*ب ياسين السفره بايده وقع كوباية العصير علي الارض عند رجليه وات**رة

ياسين بحده:انت اتعميتي انزلي امسحيه يلا

اروي بطاعه:حاضر

قعدة اروي علي الارض تمسح العصير

ياسين بسخريه :دا مكانك عند رجلي

قالها ياسين ووقف خرج من القصر وهي كملت شغالها وهي بتعيط

اروي:يارب حنن قلبه عليا

مر معظم اليوم من غير ما تخطلت اروي ب ياسين لحد العشا

كانت اروي واقفه منتظراه يخرج من المكتب لحد ما خرج وبدات تحط الاكل في الطبق

قعد ياسين ياكل ب**ت ولاحظ ان اروي لفه اديها بقماش

ياسين بهدوء:ايدك مالها

اروي:غتش بسيط

ياسين:من ايه

اروي:لما الكوبايه ات**رة الصبح

ياسين:ابقي خدي بالك

اروي بابتسامه:حاضر شكرا

ياسين في نفسه:بتبتسم عشان سالة عليها و ببرود اومال لو كنت اهتميت شويه هتعمل اي

كمل ياسين اكل في **ت

ياسين:هاتيلي القهوه في المكتب

اروي:حاضر يا فندم

راح ياسين غرفة مكتبه وقعد يشتغل

.........................

دخلة اروي المطبخ تعمل القهوه رن تلفونها وكان رقم غريب

اروي:الو مين

منه وهي بتاخد نفسها بصعوبه:اروي الحقيني

اروي:في ايه مالك انت بتنهجي كدا ليه

منه:مش هقدر احكيلك قوليلي عنوان اجيلك او تعالي ليا عشان خاطري

اروي:طيب اهدي انت فين

منه:انا في......

اروي:عشر دقايق وهكون عندك متخافيش

خرجة اروي من المطبخ راحت علي مكتبه تجري ودخلة من غير ما تخبط

اروي:ياسين بيه ارجوك الحقني

قام بسرعه ياسين وقرب منها

ياسين بفزع:مالك في ايه

اروي بدات تقطع في الكلام:م....منه ف.... ف....

ياسين:اروي اهدي في ايه

اروي:منه اختي في الشارع ارجوك اروح ليها هي في مشكله هرجع علي هنا والله

ياسين:طيب اهدي تعالي نروح ليها

اروي:جرت علي الباب

ياسين:اخد مفتاح العربيه وتلفونه وخرج وراها

ركبت معاها وهي بداه تعيط

ياسين:اروي اهدي هي فين

قالت اروي مكان منه وساق ياسين بسرعه جنونيه لحد ما وصل ليها وشافها قاعده علي الرصيف بهدوم بيت

نزلت اروي تجري اخدتها في حضنها

حضنت منه اروي وبدات تعيط

قرب منهم ياسين وقال

ياسين:اروي خديها العربيه مش ينفع تقف كدا في الشارع

اطاعة اروي كلامه

واخدة منه وهي في حضنها وركبت العربيه ورا معاها وفضلت حضناها

ركب ياسين مكانه وساق وراح علي القصر

وصلوا القصر وكان رمزي موجود هناك مستنيه في قلق بسبب ان زينب حكت ليه الحصل من مكالمة منه

رمزي اول ما سمع صوت عربية ياسين جرا علي الباب فتحه

نزلة اروي و في حضنها منه

نزل ياسين الاتفاجئ بوجود رمزي

ياسين:رمزي بتعمل ايه هنا

رمزي وهو بيبص عليها:انا كنت جاي اتكلم معاك هو في اي

ياسين بتفهم لقلق رمزي:تعاله ندخل وهنعرف

دخل ياسين و رمزي و اروي و منه الصالون و كانت لسه منه بتعيط و اروي حضناها

اروي:منه اهدي بقا انت في حضني اهو فهميني في ايه

منه:روحي معايا

ياسين بهدوء:انسه منه ممكن تفهمينا ايه اللي حصلك وانا اصلا سايب حراسه علي بيتك

منه ببكاء:جمال

اروي:جمال ابن عمك ماله

منه:حاول يتهجم عليا

رمزي:ابن ال.......ازاي والحراسه فين

بص ياسين ل رمزي نظره فهمها ان هو يسكت ومش يتسرع

ياسين:احكيلي كل الحصل بالتفاصيل

...........فلاش باك............

كانت منه قاعده بتزاكر في اوضتها لما الباب خبط

راحت منه للباب وخافت تفتح

منه:مين البيخبط

جمال:منه الحقيني ابويا بيموت مني

فتحة منه الباب بسرعه وشافت جمال وعلي وشه ابتسامه شيطانيه

جمال بسخريه:كنت عارف انك هتفتحي

دخل جمال بسرعه وقفل الباب

جمال وهو بيقرب من منه:الانا اعرفه ان المحروسه الكبيره عند ابن الصادق في القصر والعز وسابتك هنا لوحدك

منه:ابعد عني يا جمال بدل ما انادي الحراسه و اود*ك في داهيه

جمال:لالا كدا ازعل وانت اصلا لو ندهتي لمين محدش هيحوشك من تحت ايدي

لسه هيقرب منها اكتر ض*بته منه بكبايه في راسه وجرت علي الباب فتحته ونزلت تجري في الشارع لحد ما بعدة عن المنطقه وكلمت اروي

...........انتهي الفلاش باك...............

ياسين:تمام انا هتصرف مع الحراسه وافهم هو طلعلك ازاي وهجيبه لتحت رجلك

منه بخوف:لالالا مش عايزه اشوفه ابعدو عني بس

اروي:اهدي يا حبيبتي ياسين بيه هيتصرف

كان رمزي عينه عليها ونفسه ياخدها في حضنه ويطمنها ان مفيش مخلوق هيقرب منها بعد كدا

رمزي بهدوء:اهدي انا هعين ليكي حراسه جديده وعربيه بسواق كمان ولو عايزه تغيري الشقه هغيرهالك

ياسين:احم مش مستاهل يا رمزي دا حتت كلب

رمزي بحده:لا مستاهل يا ياسين وكل دا انا اللي هعمله مش انت

كانها فاقت حالا لما سمعت صوته حست بامان اول مره تحسه بصت ليه وكان نفسها تساله لي كل دا

فضل منه ورمزي بصين لبعض كان عنيهم اللي بتتكلم

اروي بهدوء:مفيش داعي يا رمزي بيه منه هتسافر

فاقت منه علي كلام اختها

منه:اسافر فين

اروي:الشرقيه روحي عند خالو اسبوع ولا اتنين يكون جمال نساكي وارجعي علي الامتحانات

منه:وهسيبك لوحدك

اروي:منه انا في شغلي وهطمن عليكي بالتلفون

منه:لا انا مش هسافر غير لو انت معايا

كان ياسين ورمزي متابعين الحوار لحد ما قالت منه علي سفر اروي

ياسين بحده:اروي مش هتمشي من هنا

منه:خلاص وانا مش هسافر وارجع الشقه ويحصل اليحصل

اروي:منه اسمعي الكلام

خرج رمزي عن **ته

رمزي:منه مش هتسافر انا هجبلها شقه وعربيه وحراسه ومش هتسافر وتبعد عني

ادرك رمزي بعد ثواني القاله وصحح بسرعه وقال

رمزي:قصدي عنك

اروي:شكرا لحضرتك بس احنا مش حمل مصاريف وتكاليف تانيه

رمزي:لما اطلب منك فلوس ابقي قولي كدا

كان ياسين حاسس بنار جواه لما اروي اتكلمت مع رمزي

ياسين:تمام يا رمزي اعمل اللي تشوفه

رمزي:قومي يا منه عشان اود*كي الشقه الجديد واروح اشوف الكلب الاسمه جمال دا فين

اروي:فين الشقه دي

رمزي:في المعادي متقلقيش امان

وقفت منه وقتها لاحظت ان هي بهدوم البيت ولحسن حظها ان كان الوقت خريف وكانت لابسه تيشرت وبنطلون وحطه الطرحه البتفتح بيها الباب علي راسها

منه ب**وف:ممكن بس ثواني اغير هدومي من عند اروي

رمزي:اكيد

خرجة اروي و منه من الصالون

ياسين:انت متاكد من الانت بتعمله دا انت هتوديها شقتك القديمه

رمزي:انا عمري ما كنت متاكد من حاجه زي ما انا متاكد الوقتي انت مش شايف شكلهم و برائتهم

ياسين:هتفضل طول عمرك تنخدع بالمظاهر

رمزي:لي انت عارف حاجه انا معرفهاش

ياسين:لا بس هيكون ليه يعني ابن عمها دا يعمل كدا غير لو هما عطين ليه وش

رمزي:انت مصدق الانت بتقوله يبني انت كنت هتاكلها عشان بتتكلم معايا

ياسين:امتا دا

رمزي:ياسين انت بتحاول تهرب من حاجه انا مش عارفها بس بردو انا اللي هحمي منه

كان ياسين هيتكلم لكن دخلة منه وهي لابسه اسدال اروي

رمزي:يلا يا منه

منه:يلا

حضنتها اروي خدي بالك من نفسك هاا وحاولي تكلميني علطول

منه:حاضر

خرجة منه مع رمزي واتحركة بالعربيه

بصت اروي لياسين بنظره اول مره تشوفه بيها شافته راجل يعتمد عليه قد المسؤليه مص*ر امان وحمايه ليها

اروي:شكرا لحضرتك

ياسين:علي ايه

اروي:انك ساعدتني انا و منه

ياسين:في حاجات كتير انا حاسس ان عايز اعرفها منك بس مش الوقتي يا اروي بعدين كل حاجه هتبان

اروي بجرح من تلميحه:تمام حضرتك بعد ازنك وشكرا تاني

ياسين:العفو

وسابها وطلع جناحه

...........................

كانت منه مع رمزي في العربيه

منه:هو ممكن نروح البيت

رمزي:ليه

منه:عيزه اجيب حاجتي معلش

رمزي:تمام وبالمره نشوف هو لسه هناك ولا لا

عمل رمزي مكالمه لرجال حراسته ان هما يوصلوا لعنوان بيت منه

وصلت منه و رمزي تحت البيت

نزلت منه وهي خايفه ولاحظ رمزي دا

قرب منها رمزي ومسك اديها

رمزي:اهدي متخافيش انا جنبك

منه ابتسمت وطلعت البيت وشافت جمال 5 اشخاص معاه في الشقه والباب مفتوح

كانت منه طالعه الاول ورمزي وراها ولسه محدش شافه

جمال بسخريه:مش قولتلكم هترجع وهنعمل حفله عليها اصل هتروح فين

كان جمال بيقرب من منه ولسه هيحط ايده عليها طلع رمزي

رمزي:هو انا لازم اض*بك كل مره بس المره دي هقتلك لانك بتقرب من حاجه تبعي وفي حمايتي

رجع جمال لورا بخوف:يا باشا انا بس

رمزي:انت تخرس خالص

شخص من اللي مع جمال فتح ماطوه سيبنا نخلص عليه يا جمال خلينا نتبسط بالاموره دي

مسكت منه رمزي منه ضهره

رمزي:ما شاء الله فاتح مطوه علي مقدم في الداخليه دا انتم ليلتكم عنب

بداء جمال والمعاه يرجعوا لورا وصلت حراسة رمزي وطلعوا

رمزي:امسكولي دول و ودوهم علي المخزن لحد ما اجي

طلع رمزي ب منه للشقه ووقف علي الباب

رمزي:يلا انا هنا اهو هاتي حاجاتك

منه:مش هتدخل

رمزي:لا مش هينفع انت مش معاكي حد وانت حلوه كدا والشطان شاطر

ابتسمت منه ودخلة تلم حاجاتها

بعد ساعه خرجة منه شافت رمزي وهو قاعد علي السلم

منه:انا اسفه بس كتبي كتير وكنت بقفل البيت

رمزي:ولا يهمك عنك

قال الاخيره واخد منها الشنطه ونزلوا ركبوا العربيه وراحوا علي الشقه

دخلة منه الشقه وهي مبهوره بمساحتها وشكلها الانيق وصوره اللي في كل مكان

رمزي:معلش بقا ابقي لمي الصور دي وحطيها في اوضه انا بحب نفسي عشان كدا في كل حته صوره

منه بضحك:مغرور اوي

ضحك رمزي:مرات البواب هتطلع الصبح تنضف الشقه وانا هجبلك اكل في التلاجه لان سايب الشقه دي بقالي سنين حاولي بس تنضفي السرير للصبح

منه:مفيش داعي لكل دا انا هعمل كل حاجه شكرا بجد ليك

رمزي:مسمعش شكرا دي تاني ومن النهارده انت مسؤليتي

منه بامل:مسؤليتك لي

رمزي:عشان بحبك

منه بصدمه:انت قولت ايه

رمزي:انا بحبك بقالي فتره كنت بشوفك وانت معديه من عند القسم كل يوم انا قولت دا اعجاب بس النهارده من خوفي عليكي عرفة ان هو حب

منه بدموع:وانا كمان بحبك

رمزي بفرحه:بجد ازاي

منه:انا بشوفك بقالي 3 سنين من يوم ما دخلت الكليه وانا بعدي من هناك اصلا عشان اشوفك

رمزي:طب لي محاولتيش تظهري نفسك ليا

منه:عشان عرفة انك بتلعب بالبنات وبتتسلي وبتسهر

رمزي:اوعدك من النهارده كل دا هيتغير بس افضلي معايا

منه:هفضل معاك بس انت تتغير لو متغيرتش هبعد

رمزي:وانا موافق انا همشي بقا وبكرا هكلمك

منه:ماشي تصبح علي خير

رمزي:وانت من اهلي

ابتسمت منه وخرج رمزي وهي دخلت تتف*ج علي البيت

..........................

الساعه 2 بليل رن جرس الباب وكانت اروي صحيه وياسين بردو صاحي

اروي:خير يارب

لبست حجابها وفتحت باب المطبخ وخرجة تفتح

وقافها ياسين

ياسين:استني انا هفتح

فتح ياسين الباب وشاف اخر انسانه كان يتوقع ان هو يشوفها رندا

ياسين:رندا

رندا:بيبي وحشتني اوي

قالتها وهي بترمي نفسها في حضنه

شافت اروي المنظر وطت راسها في الارض

لاحظت رندا وجودها وهي بتبعد عن ياسين

رندا:مين دي

قالتها وهي بتبص لاروي بتقزز

ياسين:مالكيش دعوه بيها وقوليلي ايه الجايبك في الوقت دا ودخلتي من البوابه ازاي

رندا بدلع:انت ناسي يا حبيبي ان انت كنت قايل ليهم ان في اي وقت اجي ادخل علطول

ياسين بغضب مكبوت:دول بهايم

رندا:انت هتفضلي وقفه لينا كدا كتير يا بتاعه انت

اروي:اولا انا ليا اسم وهو اروي والبتاعه دا انت ثانيا انت الجايه في وقت متاخر وطبيعي اكون موجوده لان دا مكاني تحبي تشربي حاجه ولا بتنامي خفيفه

قالتها اروي بقوة ودخلت المطبخ

ابتسم ياسين وقال في نفسه:هي بتتكلم بثقه كدا ازاي هي دي اروي البتعيط من اتفه حاجه

رندا:سيسو مين دي

ياسين:رندا انت عايزه ايه الوقتي

رندا:تعاله فوق وانا اقولك

شدة رندا ايد ياسين وطلعت علي جناحه كانت اروي واقفه جنب السلم ولما شافت المنظر دمعة

اروي:انا كنت لسه بقول انك اماني

وبدات تعيط ودخلة و قفلة عليها

..........................

في الجناح كانت رندا بتحاول تاثر علي ياسين

ياسين:رندا افهمي انا معدتش عايز

رندا:لي بس يا حبيبي هو انا زعلتك في حاجه

ياسين:رندا اطلعي برا ومش عايز اشوف وشك تاني

رندا:بردو يا ياسين كل دا عشان البنت دي مين دي

ياسين:مش يخصك تعرفي

رندا:تمام يا ياسين بس افتكر انت البداءت

ياسين بغضب وهو بيمسكها من شعرها:انت بتهددي مين يا بت انت نسيتي نفسك

رندا بصويت:ياسين سيبني

اخده ياسين ونزل بيها السلم سمعت اروي الصوت خرجت تشوف شافت ياسين وهو بيشدها من شعرها

ياسين:متقربيش مني تاني ولا اشوف وشك تاني

ورماها برا القصر ونده علي جلال

ياسين:جلال

جلال:ايوا يا فندم

ياسين:الزباله دي متدخلش هنا تاني

جلال:حاضر

دخل ياسين وقفل الباب بقوه

قفلت اروي باب المطبخ قبل ما يشوفها ويزعق ليها او يض*بها تاني

.........................

طلع ياسين جناحه حاول ينام معرفش كان محتاجها محتاج يحس بوجودها جنبه يسمع صوتها

قام وقف ونزل ليها

راح يفتح باب المطبخ لقاها قفلاها حاول يفتحه كذا مره سمعها بتقول

اروي:ثانيه واحده حضرتك

وقف ياسين لحد ما فتحت

ياسين:قفله علي نفسك ليه

اروي :عشان نايمه وقالعه حجابي

ياسين:هو انت نمتي

اروي:لا لسه

ياسين:طب ممكن تعملي قهوه وتجبيها التراس

استغربت اروي من اسلوبه وحست ان هو فيه حاجه

اروي:قهوه الوقتي مش هتنام خالص ممكن عصير لمون

ابتسم ياسين وكانت اول مره اروي تشوفه بيضحك

ياسين:خلاص اعملي اتنين و تعالي التراس

اروي:حاضر

خرج ياسين وبدات اروي بتحضير العصير وخلصت

اروي:هو قال اعمل اتنين يعني ليا انا كمان لالا في الاخر ممكن يحرجني انا هاخد بتاعته بس

خرجة اروي من المطبخ و راحت التراس وحطت الكوبايه

ياسين باستغراب:فين كوبايتك

اروي بهدوء:في المطبخ حضرتك تؤمر بحاجه تانيه

ياسين:روحي هاتي كوبايتك وتعالي يا اروي اقعدي معايا شويه

اروي:بس دا ميصحش

ياسين:لي

اروي:عشان انا خدامه وحضرتك قولت ان مكاني عند رجلك مش اقعد معاك

ياسين بغيظ من نفسه:معلش اعزريني وتعالي اقعدي معايا

اروي بابتسامه:حاضر

ياسين في نفسه:يخربيت ضحكت وبرائتك دي

اتحركت اروي وبعد دقيقتين رجعت بالعصير

ياسين شاور علي الكرسي الجنبه

ياسين:اقعدي

قعدة اروي وكان في **ت رهيب لمدة 5 دقايق قطعه ياسين

ياسين:احكيلي ايه موضوع عمك دا

اروي:دا عمي الوحيد اخو بابا ديما كان في مشاكل بينه وبين بابا الله يرحمه بس مش كنت بدخل لا انا ولا منه لحد ما بابا و ماما ماتوا بقا في الاول بيمثل علينا دور الحنيه والعم وان خايفه علينا لحد ما اتكشف وان هو عايز الشقه بتاعتنا بقينا ديما انا ومنه نترده لما يجي لينا

كان ديما يبعت جمال ابنه يرخم علينا ويضايقنا وانا و منه نشتمه ونترده بردو لحد ما اجه قال ان هيجوزني جمال ابنه

كان ياسين بيسمعها بهدوء لحد ما سمع ان هي كانت ممكن تتجوز جمال والغضب بدا يدخل ليه

كملت اروي:تردته يومها انا ومنه ومش شوفته من بعدها غير يوم ما كنا في الشارع وانت موجود

ياسين وهو بيحاول يتحكم في غضبه:انت كنت فين يومها

اروي:كنت بشتري شوية حاجات

ياسين:كنت عايزه تتجوزيه

اروي بتسرع:لا طبعا دا بلطجي

ياسين:عموما انا الصبح هتصرف واوصل لجمال وابوه وهربيهم

اروي:بلاش تاذيهم

ياسين:خيفه عليهم

اروي:مهما حصل دا عمي اخو بابا

ضحك ياسين بسخريه:ياريت كانت الدنيا كلها بهبلك وطيبة قلبك دي

اروي:لي

ياسين:لو كانت الدنيا زيك كدا انا مكنتش هكون قاعد قدامك الوقتي كدا ولا فرح اختي كانت هتموت ولا اي حاجه من دي

اروي:ممكن اسال سؤال

ياسين:عيزه تعرفي فرح ماتت ازاي

اروي:بصراحه لا انا عرفة

ياسين:حسام ولا زينب

اروي:سالة زينب

ياسين:طب عايزه تسالي ايه

اروي:كنت بتحبها

ياسين بحزن:دي ماكانتش اختي لا دي بنتي انا اللي ربتها مع جدتي كنت انا الاب وجدتي الام لحد ما كبرة هي كانت اغلي حاجه في حياتي

اروي بحزن:ربنا يرحمها هما اهلك ماتو من زمان

ياسين:من وانا عندي 8 سنين وكانت فرح 3 سنين

اروي:ربنا يرحمهم

ياسين:يارب

اروي:كفايه كلام كدا الساعه داخله علي 4 يلا عشان تلحق تنام

ياسين بابتسامه:انت طيبه اوي يا اروي انا اول مره ارتاح في الكلام مع حد كدا

اروي بابتسامه:انا موجوده في اي وقت تحب تتكلم او تحكي وبعدها اعتبر نفسك مش حكيت حاجه ومش هتندم

ياسين:ماشي تصبحي علي خير

اروي:وانت من اهل الخير

شالت اروي الكوبايات ودخلة المطبخ

راح ياسين وراها

ياسين:في اوضه جنب اوضة زينب نامي هناك وبكرا خلصي شغل بدري عشان تروحي ل منه تطمني عليها

اروي:ياسين بيه هو لي رمزي بيه بيساعد منه كدا

ياسين:بتسالي ليه

اروي:عشان خايفه عليها

ياسين:لو انت فكرتي في الموضوع هتوصلي لايه

اروي:وصلت ان يكون بيحبها بس دا مستحيل

ياسين:ومستحيل ليه

اروي بخجل:حضرتك المقامات محفوظه

ياسين:انا مش قولت هبله

قالها ياسين وطلع جناحه

راحت اروي الاوضه ودخلة قاعدة علي السرير وفضلت تفكر في معني كلامه وهل ممكن يكون بيحبها زي ما رمزي بيحب منه

اروي:بكرا لازم اتاكد من منه

................................

صحت اروي الساعه 8

وعملت روتينها الصباحي من صلاه وتغير هدومها وخرجة علي المطبخ شافت زينب بتحضر الفطار

اروي:صباح الخير يا زوزو

زينب:صباح النور علي القمر شيفه مزاجك حلو ونمتي في الاوضه

اروي:انت كنت نايمه تحت الارض امبارح محستيش بحاجه

زينب:لا حسيت وسمعت ان رندا هانم كانت هنا بس ياسين بيه بيامر ان بعد ما بدخل الاوضه بليل ماخرجش لاي ظرف غير الصبح وانا اتعودة علي كدا

اروي:هي مين رندا دي يا زينب

زينب:دي واحده كدا اعوز بالله شايفه نفسها علي خلق ربنا

اروي:تبقي ايه بالنسبه لياسين بيه

زينب:واحده كان ماشي معاها فتره

اروي:استغفر الله

زينب:يلا ابدء حطي الفطار

.........................

صحي ياسين وهو حاسس براحه جواه

ياسين:معقوله مجرد كلام معاها ارتاح كدا

ياسين:ههههههه مش قولتلك بتثبت لنفسك العكس

ياسين:اسكت خالص دول شوية راحه عادي يعني

قطع تفكير ياسين رن تلفونه وكان رمزي

رمزي:صباح الفل يا باشا

ياسين:ايه المزاج العالي دا كلو

رمزي:انا بص مبسوط بشكل لا يحتمل

ياسين:يارب ديما بس ليه

رمزي:لا دا حوار طويل المهم انا عايز اروي تروح لمنه تقعد معاها تطمنها شويه

ياسين:بليل هجبهالها

رمزي:لا من الوقتي

ياسين:رمزي متزنش بليل

رمزي:وحياة اخوك يا جدع اسمع الكلام مره

ياسين:طيب سلام بقا

وقف ياسين وقال لنفسه

ياسين:انا بقا هثبتلك ان هي متهمنيش فعلا

لبس ياسين ونزل للفطار

كانت اروي واقفه منتظراه

ياسين:اجهزي هتروحي لمنه اختك تقعدي معاها

اروي:مش هرجع هنا تاني

ياسين بسخريه:مفيش واحد يستغني عن خدامته

اروي بحزن:هقعد قد ايه

ياسين:والله لما يجيلي مزاج ارجعك هنا هرجعك

اروي بطاعه:حاضر

ياسين:اجهزي هود*كي في طريقي

اتحركت اروي بحزن منه علي اسلوبه الرجع تاني

اروي في نفسها:تبقي ع**طه لو فكرتي ان هو ممكن يشوفك غير خدامه

.......................

في مكان ما كانت رندا واقفه مع شخص

الشخص:عملتي ايه امبارح

رندا:تردني وض*بني معرفتش اعمل حاجه

الشخص: يعني ايه

رندا:انا عايزه احرق قلبه قبل ما نخلص عليه

الشخص:ازاي

رندا:في واحده عندو في القصر شكله بيحبها

الشخص: عرفتي منين

رندا:مش رضا يقول اي حاجه عنها وكانه كان خايف ان هي تشوفني معاه مرضاش يلمسني حتي قدامها

الشخص: والحل

رندا:هقتلها ليه

يتبع........

بقلم الاء ابو العز