القاسي والبريئة

الجزء الثالث

(الجزء الثالث)

اتصدمت ناهد ورمزي من كلام ياسين وبصت ناهد لياسين

ناهد:انت بتقول ايه يعني ايه مراتك

ياسين:يعني مراتي

رمزي:مراتك ازاي انت اتجوزتها امتا يعني ولا كل دا حصل امتا

ياسين:اظن مش يهم حد ان انتم تعرفوا امتا المهم محدش ييدخل في الموضوع دا

ناهد:يا ياسين يا حبيبي فهمني لي البنت دي بتعمل معاها كدا

ياسين:نانا اظن قولت محدش يدخل ممكن ناكل بقا

قالها ياسين واتحرك لغرفة السفرا

بصت ناهد لرمزي واتحركة وراه باستسلام هي ورمزي

.....................

كانت اروي في بيتها بتعيط كل ما تصحي بسبب خوفها منه

منه:يا حبيبتي اهدي بقا صدقيني مش هيعملك حاجه تاني

اروي:لا انا خايفه

منه:طيب اهدي وانا هروح ليه واحاول اشوف معاه حل

حضنةاروي منه وهي بتقول

اروي:لالالالا متروحيش هيازيكي خليكي جنبي هنا

منه بهدوء وهي بتمسح علي شعرها

منه:طب اهدي انا جنبك اهو اهدي

......................

الساعه12 بليل

كان ياسين في نايت كلاب سهران مع رمزي

رمزي:مالك ما تشرب

ياسين:لا مش عايز مليش نفس

رمزي:لي

ياسين:مش عارف يا رمزي بس مخنوق من المكان عايز اروح

شخص:تروح بدري كدا يا بيبي

ياسين:راندا مش فايق ليكي

رندا فايق 26 سنه بنت مدله وحيدة اهلها هما سيبنها ومسفرين بتحب ياسين لدرجة الجنون طويله و بيضه بتلبس لبس يفضح اكتر ما يستر بامل ان هي تلفت نظر ياسين

رندا:لي يا بيبي مالك بس

ياسين ببرود:مفيش

رندا بدلع:طب ما تيجي نكمل السهره عندي او عندك

رمزي:رندا ابعدي عنه عشان مش يبهدلك

رندا:اهون عليك تبهدلني

ياسين بحده:بقولك ايه انت عارفه وانا عارف ان كان كل اللي بنا تسليه يبقا متصدعنيش بقا وغوري

رندا:كدا يا ياسين ماشي

قالتها رندا ومشت

رمزي:نشوفلك غيرها

ياسين:لا انا مروح

وقف ياسين ومشي راح القصر

رمزي:ماله دا بس هو انا ناقص مش كفايه بحاول ابعد عنها بالعافيه كمان ياسين مهموم ومش عارف اتكلم

.....................

مر الاسبوع علي ابطالنا بسلام

كانت اروي في البيت مش بتخرج بسبب الحراسه علي الباب ومنه فضلت معاها عشان تطمنها وبتذاكر في البيت

كان ياسين بين الشركه والبيت وبطل سهر من اخر مره

كان رمزي كل يوم بيسهر في مكان شكل لحد ما لاحظ ياسين كدا

ناهد سافرة السعوديه وقالت هتقعد هناك فتره ترتاح

يوم الجمعه الساعه 11 الصبح كانت اروي ومنه في المطبخ بيحضروا الفطار

منه:ايوا يا رورو بقا ريحة الفول تجنن

اروي:الف هنا يا حبيبتي

خبط الباب اروي:خليكي انا هفتح

راحت اروي تفتح واتخضت لما شافت جلال قدامه

جلال:صباح الخير

اروي بخوف:صباح النور

جلال:ياسين بيه بيبلغ حضرتك انك تجهزي لان كمان ساعه هتتنقلي القصر

بلعت اروي ريقها وقالت

اروي:حاضر

جلال:انا في انتظارك تحت

نزل جلال ودخلة اروي البيت كانت منه واقفه وراها وسمعت الكلام

منه:هنعمل ايه

اروي بهدوء:هروح

منه:تروحي فين

اروي:منه اهدي انا هروح وهتكلم معاه بهدوء لو علي قد ان ابقا خدامه ماشي غير كدا هتصرف وارجعلك انا بس عيزاكي تخلي بالك من نفسك و انا لما انزل هعدي علي عم سيد اقوله يبعتلك فلوس كل اسبوع وانا لما ارجع هشتغل بيهم

منه:دا مش حل

اروي:مفيش غيره اسمعي كلامي

منه:يا اروي

اروي بانفعال:منه ارجوكي كفايه انا هقوم اجهز كليتك تروحيها من بكرا وخلي بالك من نفسك وانا هتابعك بالتلفون

منه:اروي انا اول مره اخاف

اروي:متخافيش روحي كملي الفطار لحد ما اخلص تحضير حاجتي

طاعة منه كلامها بدون ما ترد فهي حسة ان اروي اختها رجعة احسن من الاول

دخلة اروي اوضتها وبدات تلم هدومها و حاجاتها اللي هي ممكن تحتاجها في فتره قصيره وخرجة من اوضتها

شافت منه قاعده علي السفره وباين عليها الحزن

اروي:انت زعلانه كدا لي ربنا مش هيسبنا ومش بيعمل حاجه وحشه ابدا

منه:اوعديني انك تكلميني كل يوم وتخلي بالك من نفسك

اروي:اوعدك يلا ناكل بقا قبل ما نمشي

اكلت اروي ومنه سوى وخلصت اروي و وقفت

اروي:انا همشي خلي بالك علي نفسك و اياكي يا منه يحصل حاجه كدا ولا كدا

منه:عييب انت سايبه راجل

اروي:ابقي انزلي باتي عند ام منصور متقعديش لوحدك واي حاجه ترني عليا علطول

منه:ماشي يا حبيبتي

سلمت اروي علي منه ونزلت من البيت

وصلت اروي عند جلال

اروي: انا جاهزه بس ممكن نعدي علي محل علي اول الشارع

جلال :ممكن اعرف السبب

اروي :هطلب منه طلب لمنه

جلال:لازم اعرف عشان ابلغ الباشا

اروي باحراج:هطلب منه يبعت فلوس ل منه بما ان هشتغل من غير مرتب

جلال:طب ثواني

طلع جلال التلفون وكلم ياسين

جلال:ايوا يا فندم

ياسين:في ايه لسه مش اجيت لي

جلال احنا هنيجي حالا بس هي عايزه تعدي علي محل في اول شارع بيتها عشان تقول علي فلوس لمنه بما ان مش هتشتغل بمرتب

ياسين بغيظ:متسمعش كلامها وهاتها وتعاله حالا

جلال:امرك

اغلق جلال التلفون و بص ل اروي

جلال:للاسف الباشا موافقش وقالي نروح علي القصر علطول

ركبت اروي العربيه من غير ما تتكلم وركب جلال واخدها علي القصر

...............................

كان ياسين من اول ما صحي قاعد في الجنينه منتظرها ومنتظر وصولها

ياسين:بس لما تيجي عايزه تطلب فلوس من واحد تاني ههه تلاقيها كانت بتتدفع ليه بطريقتها

قطع كلام ياسين دخول عربية جلال القصر

فضل ياسين مكانه ونزلت اروي من العربيه وهي مبهوره بالقصر وجماله وحجمه

وقف ياسين وقرب منها

ياسين:اتمني يكون عجبك القصر

اتخضت اروي ولفت ليه لما سمعت صوته

ياسين:اهدي وتعالي ورايا علي المكتب

قالها واتحرك واتحركت وراه اروي

دخلة القصر وكانت بتبص ليه بنبهار جدا

اروي في نفسها:ما شاء الله دا زي اللي في الافلام بالظبط

ياسين:هتفضلي واقفه كدا كتير

اروي:هااا

فاقت اروي واتحركت وراه ودخلة المكتب

فضلت تبص اروي في كل اتجاه لحد ما وقعت عنيها علي دولاب فيه جوايز كتير

ياسين:اقعدي

قربت اروي من الكرسي وقعدة

ياسين:طبعا انت عارفه شغلك هنا هيبقا ايه

اروي:ايوا

ياسين:هتقابلي زينب الوقتي هتعرفك شغلك كويس

اروي:تمام

ياسين:مكان نومك هيكون في المطبخ

اروي:ممكن بس طلب

ياسين:خير

اروي:ابقا اروح ابص علي منه

ياسين:والله دا يرجع لمدا كفاءة شغلك

اروي:يعني اي

ياسين:يعني لو انت اشتغلتي كويس وسمعتي الكلام وكنت شاطره هسيبك تروحي لاختك

اروي:طب لي حضرتك موافقتش ان اروح لعم سيد

ياسين باستغراب:مين عم سيد

اروي:دا الكنت هطلب منه الفلوس حضرتك قولتلي ان هشتغل من غير مرتب و منه في كلية طب وبتحتاج مصاريف

ياسين:وكنت هتدفعي الفلوس لعم سيد ازاي

اروي:لما كنت همشي من هنا كنت هروح اشتغل عنده بردو زي ما كنت وهسد ليه فلوسه

ياسين بحده:منه اختك هيوصلها مبلغ كل شهر تصرف منه ودا من مرتبك

اروي:طب و المبلغ العليا

ياسين:انت مسالتيش نفسك انا مضيتك علي ايه

اروي :طبعا سالة

ياسين:انت مضيتي علي عقد عمل لمدة 5 سنين ب مليون جنيه

اروي:ايوا بس

ياسين:من غير ولا كلمه بقيت المليون هيوصل لاختك كمصروف ليها ودا انت هتبلغيها بيه وانت هتعيشي هنا واكلك وشربك ولبسك هنا

اروي:خمس سنين كتير

ياسين:والله ممكن ازهق منك قبلها وارميكي في الشارع واقطع ال*قد لكن لو فكرتي تهربي هسجنك بال*قد دا

اروي:حاضر

ياسين:الوقتي اخرجي هتروحي علي المطبخ و زينب هتفهمك كل حاجه

وقفت اروي وخرجة من المكتب وكانت تايهه مش عارفه تمشي ازاي لحد ما شافت بنت واقفه بعيد

زينب:تعالي المطبخ من هنا

اروي:انت زينب

زينب:ايوا انت اسمك ايه

اروي:اروي

زينب:عاشة الاسامي بس هو انت عمله ايه

اروي:مش عامله حاجه لي

زينب:مفيش حد بيشتغل هنا غيري من سنين والللي فهمته من تعليمات ياسين بيه انك هتشتالي شغل القصر كله وانا الهطبخ بس واداني يوم في الاسبوع اروح لاهلي وانت اللي هتطبخي في اليوم دا كمان مع الشغل دا غير ان امر انك تنامي في المطبخ مش في الاوضه هو انت عملتي ليه اي

اروي بحزن علي نفسها:ولا حاجه كانت غلطه بس

زينب:طب تعالي عشان اوريكي الاوضه الهتحطي فيها حاجتك وتغيري فيها وافهمك الشغل

مشت اروي مع زينب وبدات تفهمها الشغل وكان ان هي مسؤله عن تنظيف القصر كله يوميا وكل اسبوع مره الجنينه وان هي مسؤله مسؤليه كامله عن الجناح بتاعه وهي التحط الاكل ليه وتفضل واقفه لحد ما يخلص اكل ويمشي

وصلت اروي عند الاوضه الهتحط فيها حاجاتها وكانت البدروم

دخلة اروي ونورة النور وشافت التراب وشكل الاوضه

زينب:انا كنت هنضفها بس هو رفض

اروي:مفيش مشكله يا زينب

زينب :طيب هسيبك الوقتي تغيري وتجي ورايا المطبخ متتاخريش عشان تبدء الشغل

اروي:حاضر

حطت اروي شنطتها برا الاوضه وفتحتها واخدة منها هدوم ودخلة الاوضه تغير هدومها

لبست اروي بنطلون رمادي و تيشرت طويل اسود وطرحه سوده وخرجة راحت المطبخ

زينب:خدي القهوه دي وديها ليه المكتب

اروي:حاضر

اخدة اروي القهوه وراحت المكتب وخبطت ودخلة حطت القهوه قدامه ولسه هتلف وتخرج

ياسين:مش تسالي ان كنت محتاج حاجه تانيه ولا لا

اروي:اسفه حضرتك محتاج حاجه

ياسين باستفزاز:لا اتفضلي برا

اروي:بعد ازنك

خرجة اروي من المكتب وراحت لزينب

زينب:يلا ابدئي شغل من الدور الاخير ونازل لحد ما يجي معاد الغدا لسه ساعتين

اروي:تمام استعنت بالله

اتحركة اروي وبدات تنظف كل جناح وهي مبهوره بالمساحه والشكل والتحف لحد ما وصلت للجناح الخاص بيه

اروي:ما شاء الله شكلو حلو اوي وشكله

لفت نظر اروي صور لياسين محطوطه علي تربيزه جنب السرير

اروي:ما بيضحك وحلو اهو اومال لي ديما مكشر في وشي كدا

بدات اروي تنضف الاوضه وهي بتنضف اتفتح الباب ودخل ياسين

ياسين:جناحي عجبك

اروي:ماشاء الله ربنا يبارك

ياسين باستغراب من ردها:تمام انا هدخل اخد دش وانت انزلي جهزي السفره

اتحركة اروي من غير ما ترد

ياسين بحده:في حاجه اسمها تحت امرك يا بيه

اروي بحزن:تحت امرك يا بيه

ياسين:يلا برا

خرجة اروي وهي بتحاول تمنع دموعها من ان هي تنزل وراحت المطبخ

اروي:زينب الغدا عشان احطه في السفره

زينب:ابدئي شيلي من الاطباق دي

بدءت اروي تشيل الاطباق وجهزة السفره ووقفت علي الباب مستنياه زي ما زينب فهمتها

نزل ياسين وقعد وهي عطت ليه الفوطه وبدء ياكل ب**ت

كانت اروي واقفه لحد ما جرس الباب رن

ياسين بهدوء:روحي افتحي

فتحت اروي والباب وشافت شاب قدامها كان مبتسم واول ما شافها تعبير وشه اتغير و قال

الشاب بصدمه:فرح

اروي:افندم

دخل الشاب وهو باصص عليها وعنيه دمعة

الشاب:انت ازاي لسه عايشه

الشاب بصوت عالي:ياسين

وقف ياسين وقرب منه

ياسين:اهدي ووطي صوتك دي اروي الشغاله الجديده يا حسام

حسام الصادق ابن عم ياسين قريب من ياسين بسبب ان هو كمان بعيد عن باباه وبقيت العيله وكان خطيب اخت ياسين قصير نحيف بس بينه وبين ياسين شبه كبير

حسام:ياسين انت شايف الشبه

ياسين:اهدي بس وتعاله نروح المكتب

بص ياسين لاروي

ياسين:هاتي اتنين قهوه علي مكتبي حالا

اروي:تحت امرك

قفلة اروي الباب ودخلة المطبخ وطلبت من زينب تحضر القهوه

....................................

في المكتب كان حسام بيعيط

حسام:ازاي الشبه دا انا لو كنت شوفتها في الشارع كنت هصدق ان هي فرح

ياسين:انا اتصدمت زيك كدا لما كانت مقدمه علي شغل في الشركه

حسام:طب لي مشغلها خدامه عندك ونانا شافتها

ياسين:لا هي سافرة وهي لسه اول يوم تشتغل هنا النهارده ولي خدامه فدا موضوع طويل

حسام:احكيلي

ياسين:لا مش الوقتي انا عايزك عشان الاجتماع بتاع بكرا مع شركة العيله و..

قطع كلام ياسين خبطت اروي علي الباب ودخولها بالقهوه

حطت اروي القهوه وقالت

اروي:محتاج حاجه تانيه يا فندم

ياسين:لا اتفضلي

خرجة اروي وهي مرتاحه فهي كانت خايفه ان هو يتردها قدام الشاب دا

حسام:تفتكر يكون بنكم صلة قرابه

ياسين:دورت في المو ضوع ومالقتش دا دا انا حتي عملت ليها تحليل نسب

حسام:ازاي

.........فلاش باك...........

واروي في المستشفي قابل ياسين دكتور العيله و لما شافه

الدكتور:ياسين دي شبه فرح الله يرحمه جدا

ياسين:حتي حضرتك اخدة بالك

الدكتور:دا شيء واضح اوي

ياسين:طب انا عايز اعمل تحليل نسب

الدكتور:شاكك في حاجه

ياسين:لا بس تاكيد

الدكتور:تمام انا هبعت حد ياخد منها ومنك عينة دم

ياسين:هتطلع امتا

الكتور:بكرا بالكتير

ياسين:ارجو ان حضرتك تكلمني تبلغني بالنتيجه

الدكتور:اكيد

خرج ياسين من عند الدكتور وعطاهم الدم واخدوا منها الدم

تاني يوم

كلم الدكتور ياسين

ياسين:ها يا دكتور طمني

الدكتور:مفيش اي نسب بينكم

ياسين:تمام شكرا

..........انتهي الفلاش باك..............

حسام:الله يرحمك يا فرح لسه جوايا و مش نسيتك و ظهر واحده شبهك عشان كل ما اشوفها افتكرك اكتر

ياسين:ربنا يرحمها يلا نتكلم في الشغل

حسام:يلا

ياسين:طبعا انت عارف ان الشراكه دي هما دخلنها معانا ليه

حسام:عشان المناقصه هما عرفين ان احنا هناخدها

ياسين:طبعا ودا يخلينا نفتح عنينا كويس اوي ليهم

حسام :اكيد

...........................

كانت اروي بتكمل تنظيف القصر ورن جرس الباب ونزلت تفتح

رمزي:انت جيتي بردو

اروي:اتفضل

رمزي:ياسين فين

اروي:في المكتب

رمزي:تمام

اروي:شكرا لحضرتك للعملته معانا يوم عمي

رمزي بابتسامه:العفو دا وجبي

اتحركت اروي عشان تمشي

رمزي:الكانت معاكي اختك

لفت اروي تاني

اروي:ايوا منه

رمزي:تمام

اتحرك رمزي للمكتب ورجعت اروي لشغلها

...........................

دخل رمزي المكتب من غير ما يخبط

رمزي:خيانه بتعملوا ايه

حسام:انت ديما داخل زي القضا المستعجل كدا

ياسين:تعاله يا حضرة الظابط

رمزي:اها بدل قولت كدا يبقا مضايق مني

حسام:اسيبك بقا تسمع الكلمتين واطير

رمزي:خليك معايا مش تبقا واطي

حسام:قدام ياسين انا واطي سلام

وقف حسام ومشي وقعد رمزي

...........................

خرج حسام وشاف اروي وهي خارجه من المطبخ

حسام:اروي

اروي:ايوا يا فندم

حسام:انا اسف لو كنت خضيتك بس انت شبه فرح خطيبتي تقريبا توامها

اروي:ولا يهمك

حسام:بس قوليلي رد فعل ياسين كان ايه اول ما شافك

اروي:معرفش يا فندم

حسام:يعني مداش رد فعل ازاي دا انت شبه اخته

اروي بصدمه:اخته

حس حسام ان هو بيعك الدنيا

حسام:طب استاذن انا مع السلامه

خرج حسام من القصر ورجعت اروي مكانها وهي بتفكر في كلام حسام

اروي:شبه اخته طب فين اخته دي

............................

داخل المكتب كان ياسين قاعد بيبص في ورق قدامه ومش مهتم بوجود رمزي

رمزي بغضب:يبني طب عرفني انا عملت ايه

ياسين بهدوء:اسال نفسك

رمزي:ياسين متلعبش باعصابي في ايه

ياسين بحده وغضب وصوت عالي:في ان البيه سايب شغله وداري يسهر ويسكر وكل يوم مع واحده في ايه يا باشا انت ناسي انك ظابط وممكن بصوره تترفد لا ومش بس كدا حتي الشركه مش بتدخلها وسايبها علي كتفي ضمن الشركات ممكن تفهمني ايه اللي بيحصلك

رمزي:انا كويس و حاضر هخف سهر وهروح الشركه

ياسين بهدوء:يا رمزي مالك انت عمرك ما كنت كدا لي مش عايز تحكيلي وبتلهي نفسك بالق*ف دا

رمزي بانفعال:في ان انا تقريبا حبيت او معجب معرفش بس مش بتروح من بالي وانا بحاول انساها كدا

ياسين:مين دي

رمزي:اخت اروي

ياسين:هو انت شوفتها فين

رمزي:بشوفها بقالي فتره لان كليتها بعد القسم بشويه وهي كانت ديما بتمشي من هناك واشوفها بس مش كنت اعرف عنها حاجه لحد يوم عمهم

ياسين:وبعدين

رمزي:معرفش يا ياسين معرفش

ياسين:جربت تقرب منها طيب

رمزي:لا لان هي مش شيفاني اصلا

ياسين:واللي انت فيه دا مش حل بردو جرب مش هتخسر بس متسرحش بمشعرك غير لو لقيت ان في رد فعل مرضي ليك

رمزي:ماشي قولي بقا عرفة ان هي مراتك

ياسين:هقولك علي حاجه بس لو نانا عرفة هقتلك يا رمزي بجد

رمزي:قول

ياسين: انا متجوزتهاش انا مضتها علي شيك ب مليون جنيه وعقد عمل 5 سنين

رمزي:امال لي قولت انك اتجوزتها

ياسين:عشان نانا تسكت و تسيبني اجبها القصر لو كانت عرفة كانت هترفض وهي ليها مليون طريقه تعرف تمنعني بيها

رمزي:ياسين انت عايز ايه من البنت

ياسين:عايزها

رمزي:تاني يا ياسين

ياسين:هتيجي مسيرها تيجي

رمزي:انا همشي احسن

ياسين:استني هتعمل ايه مع اختها

رمزي:انت سكتك غير سكتي فا سيبني اتعامل انا

ياسين:برحتك

................................

الساعه 9

كانت اروي في المطبخ منتظره ان العشا يخلص عشان تحطه علي السفره

زينب:خلصتي كل حاجه

اروي:ايوا الحمد لله لسه بس الاوضه الهحط فيها حاجتي وهعملها بعد العشا

زينب:طب انت مكلتيش من وقت ما اجيتي كلي حاجه لحد ما اخلص

اروي:لا لما اخلص

زينب:برحتك

اروي:ممكن اسالك سؤال

زينب:اسالي

اروي:هو ياسين بيه عندو اخت

زينب وهي مشغوله في الطبيخ: كان عندو اخت زي القمر بس ماتت

اروي بحزن:ربنا يرحمها ماتت ازاي

زينب:عملة حادثه هي وياسين بيه وهي ماتت

اروي:انت شاغله هنا من امتا

زينب:بقالي 10 سنين

اروي:ياااه دا انت كدا عارفه صفات ياسين بيه

زينب:ياسين بيه مش مفهوم لحد غير ل 3 وهما رمزي بيه وناهد هانم و حسام بيه و اوقات كدا جلال

اروي:ربنا يعدي ايامي هنا علي خير

رن جرس المطبخ

اروي:ايه دا

زينب:دا جرس جناح ياسين بيه روحي شوفي هو محتاج ايه

اروي:طيب

خرجة اروي متجها لجناح ياسين

خبطت اروي ودخلت بعد ما سمعت الازن

دخلت اروي وشافت ياسين واقف لابس بنطلون بس وص*ره باين وعضلاته متقسمه

ياسين باستفزاز:ايه عجبتك

ات**فت اروي وحطت وشها في الارض

اروي:اسفه حضرتك محتاج ايه

ياسين:خدي الجزم بتاعتي كلها لمعيها كويس جدا

اروي بحزن علي نفسها:حاضر يا فندم

دخلة اروي شالت التقدر عليه منهم ونزلتهم وبدات تشتغل فيهم

............................

بعد ساعه ونص

خلصت اروي الجزم وطلعتها ونزلت تحط العشا

كانت واقفه جنبه وهو بياكل وحسه ان هي دايخه وهو لاحظ ان هي فيها حاجه

ياسين:مالك

اروي:انا بخير يا فندم شكرا

خلص ياسين اكل ونده علي زينب

زينب:ايوا يا فندم

ياسين:تعالي ورايا علي المكتب

راحت زينب مع ياسين وبدات اروي تلم الاطباق

اروي في نفسها:لا كدا لازم اكل بقا بدل ما اقع من طولي

.......................

ياسين:زينب هي اروي اكلت

زينب:لا يا فندم قالت لما تخلص شغل خالص

ياسين:طيب عايزك تخرجي تاكلي معاها ممكن تكون محروجه

زينب:حاضر

ياسين:وخلي بالك منها هي بتعمل اي بتقول اي حتي لو اتكلمت في التلفون تبلغيني

زينب:حاضر

خرجة زينب من مكتب ياسين وراحت المطبخ لاروي

زينب:يلا يا رورو ناكل

اروي:لا مش جعانه

زينب:يلا بقا عشان يكون عيش وملح

اطاعة اروي رغبة زينب بسبب جوعها وقعدة اكلو سوا

.....................

الساعه 12

زينب:انا هروح اوضتي انام بقا خلي بالك ياسين بيه يرن الجرس

اروي:هروح فين ما انا هنام هنا

زينب:معلش فتره وتعدي وانت خلصتي الاوضه ونضفتيها اهو ممكن ينقلك فيها

اروي بضعف واستسلام:تصبحي علي خير

خرجة زينب وحطت اروي بطنيه علي الارض وقعدة

طلعت التلفون بتاعها كلمت منه

منه:اروي انت فين ازاي مش تطمنيني عليكي من الصبح

اروي:معلش يا منوش بس اتشغلت في الشغل

منه:طب ايه اخباره معاكي

اروي:اهو كويس ماشي الحال

منه ببكاء:اروي انا مش عارفه انام ولا اكل من غيرك انت هترجعي امتا

اروي بحزن علي اختها:لالا يا بطه عيب كدا دا احنا لسه اول ليله وانا انشاء الله في اقرب فرصه هجيلك

منه:ماشي يا حبيبتي انت وحشتيني من دلوقتي اصلا

اروي:وانت كمان وحشتني يا بطتي اوي اوي

ياسين بحده وغضب:انت بتكلمي ميين

يتبع............

بقلم الاء ابو العز