CHAPTER nine
“WHAT do you think?” tanong ni Jared habang ipinapakita nito kay Mike ang blueprint ng disenyo ng bahay.
Sinuri niya iyon bago ibinigay ang approval niya. “The best ka talaga, bro. Nilagpasan mo pa ang expectations ko. Okay sa akin ito, two thumbs-up. Pero siyempre, kailangan ko munang hingin ang opinyon ni Grace.”
Noong ipaalam niya sa mga kaibigan ang tungkol kay Grace ay grabeng panggigisa ang inabot niya mula sa mga ito. Oh, well, lahat naman sila ay nalalagay sa hot seat pagdating sa usaping pag-ibig. Pati nga ang mga asawa ng mga kaibigan niya ay nakisali rin sa panunukso sa kanya. Hindi rin pumayag ang mga ito na hindi makita si Grace kaya nang i-offer ni Art ang isa sa mga eroplanong pag-aari ng pamilya nito ay nagkumahog ang lahat na sumama, at sa tulong ng high
