CHAPTER ten
HINDI alam ni Grace kung ano ang nangyari, pero lumipas pa ang isang linggo na naroon pa rin siya sa resort. She was still doing the show. Ginagawa na lang niya ang lahat ng paraan para maiwasan si Mike at hindi magsalubong ang mga landas nila pagkatapos ng shooting. At ito man ay tila ganoon din sa kanya. He acted as if she didn’t exist. Ang lagi nitong kausap ay si Myla. Hindi niya alam kung bakit nananatili pa rin siya roon gayong puwede naman na siyang umalis pagkatapos nang gabing iyon. Hindi siya manhid para hindi niya malamang nahahalata na ng lahat kung paanong ang mainit na samahan at tinginan nila ni Mike ay tila binuhusan ng nagyeyelong tubig.
Ang nakakatawa lang ay hindi siya in-eliminate ng binata gayong kitang-kita naman na para na lang siyang tuod doon. Kuns
