⊙⊙⊙
Halos gumuho ang buong gusali dahil sa pagsabog. Napasubsob kami ni Taragis sa sahig at nabagsakan kami ng mga bato galing sa ikalawang palapag.
"Serafina! Ayos ka lang?" Tawag sa'kin ni Taragis na katabi kong bumagsak. Tapos naramdaman ko na lang na bigla akong hinila ni Taragis palayo sa karamihan. At saktong-sakto lang ang ginawa niyang yun dahil isa na namang malakas na pagsabog ang naganap. Nagliparan ang mga bahagi ng gusali at napakalakas ng ingay na ginawa ng pagsabog.
Nakalabas kaming dalawa ng bahay niya at agad kaming nagtatakbo sa mga kabahayan palayo. Nagtakbuhan rin yung mga taong nakakita at nakarinig sa nangyari kaya nagkagulo tuloy sa lugar.
Sinamantala naman namin ni Taragis ang nangyaring kaguluhan at humalo kami sa makapal na tao na kumakaripas ng takbo palayo s
