Matapos ang gulo na gawa ni Reah, nagsampa ng kaso si Don Enrique sa babae. Patong-patong na ang alam ko ay libel at defamation lang. Pero ang sabi ng matanda, may mga idinagdag pa daw ang abugado.
Isang taon ng maayos ang pamilya namin, ang mga bata naman ay close na close na sa kanilang ama. Ngayon ay nandito kami sa bahay, biglaan ang pagtawag sa akin ni Tinay, dahil si Lola daw ay gusto akong makasama.
“Anak, pwede ba na dito na lang kayo manatili ng mga bata?” tanong nito sa akin.
“Isasama na lang po namin kayo sa bahay, masikip po ang bahay ko para sa ating lahat. Doon sa bahay namin, kasya tayo.” Nakangiti ako habang yakap ang kamay ng matanda na mahinang-mahina na.
“Sige, gusto ko kasi lagi kang makasama. Sa bawat araw, nanghihina na ako. Alam ko, malapit na ako magpahinga,
