Kabanata 9 - Prinsesa
HILA si Alexa ng kanyang mga paa papunta sa kabilang parte ng second floor. Mabuti na lamang at may pagka moderno na ang bahay dahil kung kamukha pa rin iyon ng mga nasa litrato noong panahon na nakikita niya sa mga antigong album, nunca siyang maglilibot doon.
Baka isipin pa niya na haunted house ang mansyon.
Patingin-tingin siya sa paligid. Tinitingnan niya ang mga nagbago sa pitong taon na siya ay hindi umuwi. Wala kasi siyang magawa. Wala pa ring signal kaya hindi naman siya makapag-chat sa mga kaibigan niya sa Maynila. Nabuburyong na siya.
Kanina pa niya kakwentuhan ang mga kasambahay at nagsawa na lang siya dahil inantok siya. Nang pumanhik naman siya ay nawala na rin ang antok niya. Kumuha siya ng mga lumang libro sa cabinet na de salamin at nagbasa-basa ng
